1
Хиймэл шуба
Энэ өвлийн загварын чиг хандлагын тэргүүнд хиймэл үстэй шуба багтсан байна. Өнгөрсөн жилийн хувьд загвар зохион бүтээгчид хиймэл үстэй шубыг сурталчилах зорилгоор гаргаж байсан бол энэ жилийн хувьд хамгийн шилдэг загварлаг хувцаслалт байх болно.
Саяхныг хүртэл хиймэл арьстай шуба өмссөн хүмүүсийг нийгмийн доод давхарга гэж үзэж байсан билээ. Гэхдээ цаг хугацаа урсан өнгөрснөөр томоохон брэндүүд хиймэл арьстай урт, богино шубыг дэлхий дахинд санал болгох болсон байна.
Хиймэл арьстай шуба нь зөвхөн хямд үнэтэй төдийгүй, хөнгөхөн, илүү загварлаг байдаг. Мөн та жил бүр эсвэл 2-3 жил тутамдаа шинэхэн загварын хиймэл арьстай шубыг худалдаж авч болно шүү дээ.
Байгалийн гаралтай, будаг оруулсан шубын үнэ жил ирэх бүр буурч байдаг. Харин хиймэл арьстай шуба нь сайхан харагддаг бөгөөд та загвар, хэв маягтаа тохируулан өөрөө ч оёж болно.
Хамба хилэн материал
Зөөлөн, өнгөний уусгалт бүхий хамба хилэн хувцас нь ямар ч бие галбирт, бүх төрлийн насныханд төгс тохирно. Гэхдээ залуу охидуудын хувьд хамба хилэн материалтай, эрэгтэйлэг загварын костюм илүү сайхан харагдана.
Миланд болсон загварын шоуны үеэр хамба хилэн материалаар костюм, даашинз, гутал, цүнх, гоёл чимэглэл зэрэг бүхий л зүйл хийж болохыг харуулжээ.
Хамгийн чамин хамба хилэн өнгө бол мөнгөлөг, хар хөх болон ногоон өнгө байдаг. Гэхдээ хамба хилэн хувцасны нэг сул тал нь эдэлгээний хувьд богино байдаг аж.
Мөн синтетик материалтай хувцас ч гэсэн сайхан харагдах бөгөөд арчилгаа багатай учир илүү удаан хэрэглээтэй. Үүнээс гадна биеийн тамирын хувцас хийхэд даавуун суурьтай хамба хилэн материал тохиромжтой.
2
Улаан, биеийн өнгөтэй даашинз
Даашинзны талаар ярьж эхэлсэн бол улаан өнгийн даашинзыг мартаж болохгүй. Valentino брэнд бүхий л улирлын турш улаан өнгийн даашинзыг онцлож ирсэн. Улаан өнгийн урт даашинз нь энэ өвлийн загварын чиг хандлагыг тодорхойлж байна.
Биений өнгөтэй (nude) даашинз нь галбирлаг эмэгтэйчүүдэд илүү төгс харагдах болов уу. ХХ-р зуунаас эхлэн биений өнгөтэй даашинз охид, эмэгтэйчүүдийн сонголт болж ирсэн бөгөөд бүх тал нь битүү, урт ханцуйтай байсан ч халуухан харагддаг билээ.
3
Шинэлэг бас тансаг
Цэвэр, оригинал шубыг бид жил болгон худалдаж авдаггүй бөгөөд зарим тохиолдолд 5-аас илүү жил өмсөх нь ч бий. Гэтэл жил бүр загварын чиг хандлага, өнгө өөрчлөгдөж байдаг шүү дээ. Зарим тохиолдолд хуучин шубаныхаа загвар, хэлбэр хэв маягыг нь өөрчлөөд охиндоо шилжүүлэхийг эрмэлздэг.
Харин таны охин энэ бэлгийг тань хүлээн авснаас хөнгөн курткыг илүүд үзэх болов уу. Тиймээс заавал оригинал бус харин шинэлэг, тансаг, хиймэл шубыг сонгож болно.
4
Мөр гарсан даашинз
Шинэ жилийн баяр ойртож байгаатай холбогдуулан та өөрийн гараар, эсвэл хайртай ээж, эмээгийнхээ тусламжтайгаар хуучин даашинзаа шинэлэг болгон өөрчилж болох юм. Мөн өөрийн даашинзныхаа өнгөний дагуу гоёл чимэглэл хийх нь таныг тансаг, чамин даашинзтай болоход тусална.
5
Хөвөн даавуу
Сүүлийн үед уранхай, элэгдсэн мэт материалтай хувцас загварлаг байхаа больсон билээ. Тиймээс чадварлаг, алтан гартай оёдолчин танд бараан өнгийн хөвөн даавуугаар гайхалтай урт жийнсэн мэт даашинзыг оёж өгч чадна. Энэ төрлийн даашинзан дээр хатгамал оёбол илүү сайхан харагдана.
Магадгүй эдгээр төрлийн хувцсыг өмсөөд гадуур явж байвал хүмүүс таныг гайхсан, шоолсон байдалтай харах боловч та өөрийгөө өөрчилж чадах зоригтой байгаа нь хамгийн чухал.
Өөрийн нүүр царай, биеийн галбирт тохирох бүхий л загварын хувцсыг туршаад үзээрэй. Өөрийн хэв маягийг өөрчилж ер нь өөрийнхөөрөө байж чадсан хүн л ялалт байгуулдаг. Араар нь муулж буй хэн нэгний үзэл бодлыг сонсохгүй байж чаддаг нэгэн л илүү амжилттай байж чаддаг.
