1
"ОLED Super Retina" дэлгэц
Iphone X-н урд тал болон ард талын дэлгэц бүхэлдээ шилээр хийгдсэн. "HDR" бичлэгийн контентыг үзүүлэх чадалтай тус OLED дэлгэц нь 14.7 см урттай бөгөөд 2К нягтшил руу огцом дэвшсэн аж. Мэдээж тус том дэлгэцийг багтаахын тулд өмнө нь бидний дарж хэвшсэн "Гэр Товч" буюу Home Button алга болсон байна. Нэгийг хожвол нэгийг алддаг гэдэг байх аа?
2
Утасгүйгээр цэнэглэх
Мэдээж байнга цэнэглэгч авч яван, залгуур хайн байж утсаа цэнэглэх нь хүмүүст тийм ч таатай санагддаггүй. Харин Apple компани удаан хүлээлгэсний эцэст энэхүү асуудлыг шийдвэрлэж, "iPhone X" загвараа утасгүйгээр цэнэглэх боломжтой болгожээ.
3
Нүүр уншигч
Төлбөрийн гүйлгээ хийхээс авахуулаад бидний өдөр тутмын ажлыг илүү амарчилсан шинэ төхөөрөмж бол нүүр уншигч юм. Гарын хээгээр уншдаг байсан үе одоо ард хоцорч таны нүүрийг урд талын камераар шалгаад төрөл бүрийн үйлчилгээг тань ойртуулах аж.
4
iOS 11
Шинэ төрлийн загвар гарах болгонд түүнийг дагаад программ нь шинэчлэгддэг гэдгийг бид бүгд мэднэ. Энэ удаагийн загвар дээр iOS 11 програм суулгасан бөгөөд энэ нь олон шинэ зүйлийг багтаасан байна. Тухайлбал Сири (Siri) илүү энгийн хоолойтой болсон төдийгүй таны хариултыг улам дэлгэрэнгүй мэдээллээр хариулах болно. Та "Control Center"-т өөрийн хамгийн их ашигладаг аппликейшнүүдийнхээ тохиргоог янзлах боломжтой болсон гэдгийг дуулгахад таатай байна.
5
Аниможи (Animoji)
Хэрэв та мэдрэмжээ зөвхөн текстээр тайлбарлахаас гадна эможитэй цуг явуулдаг хүмүүсийн нэг бол Аниможи нь танд төгс тохирох зүйлсийн нэг юм. Урд талын "TrueDepth" камерын тусламжтайгаар өөрийн тань нүүрний хөдөлгөөнийг дууриаж гарах янз бүрийн эможийг өөрөө хийж болох аж.
6
Бат бөх дизайн
Урд тал болон ард талын дэлгэц шилэн гэдгийг сонсоод хамгийн түрүүнд эмээх зүйл бол мэдээж хагарах юм. Гэхдээ Apple үүнд санаа зовоод хэрэггүй гэдгийг хэлсэн байна. Тэд нарын хэлж байгаагаар бол Apple хамгийн хүчтэй болон сайн нягтшилтай шилийг ашигласан гэдгээ тодотгожээ.
7
Давхар камер (Dual Camera)
"Iphone X" нь давхар камертай тул зураг авах сонирхолтой залууст хамгийн тохирох утас юм. 12 мегапикселийн дурантай ганц биш бүр хоёр линз байгаа нь хөдөлгөөнтэй зургийг ч илүү сайн фокустайгаар буулгах аж.
8
Сайжруулсан бодит ертөнц
Apple-н хэлж байгаагаар бол "Iphone X" өмнө нь хэзээ ч өгч байгаагүй бодит харагдахаар төхөөрөмжийг амжилттай суулгасан гэв. Учир нь та тэрхүү том дэлгэцний тусламжтайгаар бүх зүйлийг илүү өргөн болон илүү амьдаар харах боломжтой. Жишээ нь та гэртээ шинэ тавилга авахаасаа өмнө утсан дээрээ байрлуулж үзэж болно. Эсвэл та шивээс хийлгэхийг төлөвлөж байгаа бол эхлээд өөрийн бие дээрээ ямар харагдахыг харах боломжтой гэнэ шүү.
9
Нүүр зурагны дэвшил
Бид нарын хүсэн хүлээж байсан өөр нэгэн зүйл бол төгс селфи авахуулах боломж юм. Та одоо "Iphone X"-г ашиглаад хамгийн төгс гэрэлний тохиргоотой селфиг авч болох бөгөөд танд олон төрлийн янзлах эффектүүдийг санал болгох болно.
10
Ус нэвтэрдэггүй
Энэ дэвшил Iphone 7-д байдаг ч хоёр талаасаа шилээр хийгдсэн "Iphone X" нь үүнийг мөн адил хадгалж байгаа юм.
