1
Саарал өнгө
Хэрэв чихээ ухахад таны чихнээс сааралдуу өнгийн хулхи гарч байгаа бол санаа зовох зүйлгүй. Ихэвчлэн агаарын бохирдол ихтэй хотод ажиллаж, амьдардаг хүмүүсийн чихнээс ийм өнгийн хулхи гардаг гэнэ.
2
Цусны толбо
Чих ухдаг хөвөнтэй модны үзүүрт цусны толбо байвал таны хэнгэрэг цоорсон байх аюултай. Энэ тохиолдолд таны чих рүү тоос болон бусад нянгууд орж гэмтээх эрсдэлтэй бөгөөд үүнээс болж дунд чихний үрэвсэл үүсэж, сонсгол тань бага багаар буурдаг. Иймд та заавал эмчид очиж үзүүлээрэй.
3
Хуурай
Арьсны тослог чанар багадсанаас болж чихэн доторх хуурайшилт үүсдэг. Энэ нь зөвхөн чих ч бус нүүр, гар, хүзүүний арьсанд илт мэдэгдэнэ. Энэ тохиолдолд та арьс болон үс арчилгааны бүтээгдэхүүндээ анхаарал хандуулаарай.
4
Хүрэн өнгө
Хүрэн бараан өнгийн хулхи гарч байвал сүүлийн үед ажил болон бусад асуудлаас болж ихээхэн стрессдэж, сэтгэл санаа болон бие махбодиороо хэцүү цагийг туулсныг илтгэдэг. Яг одоо танд амралт хэрэгтэй байгаа учир аль болох ажлаа багасгаж, гэртээ байхыг зөвлөе.
5
Эвгүй үнэртэй
Хулхинаас эвгүй үнэр гарах нь дунд чихэнд ноцтой эмгэг байгааг илтгэнэ. Үнэрээс гадна чихээ ухаагүй үед ч гэсэн чих шуугих шинж тэмдэг илэрдэг. Иймд яаралтай мэргэжлийн эмчид хандаарай.
6
Шар өнгө
Хэрэв сүүлийн үед таны чихнээс шар өнгийн хулхи гарч байгаа бол чихэн дотор үрэвсэл үүсэж байгаагийн шинж тэмдэг юм. Иймд үрэвслийг бага байгаа үед нь эмчлээрэй.
7
Хар өнгө
Хэрэв багахан хэмжээний хар өнгийн хулхи гарвал санаа зовох зүйл байхгүй. Харин хар хулхи гарахтай зэрэгцээд таны чих загатнаж байгаа нь мөөгөнцрийн шинж учраас мэргэжлийн эмчид яаралтай хандаарай.
8
Цагаан өнгө
Цагаан цайвар өнгийн хулхи нь биед төрөл бүрийн витамин дутагдсаны илрэл буюу ялангуяа төмөр, зэс зэрэг бодисуудыг хоол хүнс болон нэмэлтээр аваарай. Үүний тулд овьёос, шош зэргийг хоол хүнсэндээ түлхүү хэрэглэхийг зөвлөе.
