1 Нүүрээ тогтмол угаах

Нүүрээ тогтмол угаахаас татгалзаарай. Энэ нь арьсыг хэт хуурайшуулж, үрчлээс үүсэх гол шалтгаан болох нь бий. Тиймээс зарим тохиолдолд нүүр цэвэрлэгч сүүн шингэн хэрэглэхээс гадна арьсаа сайтар чийгшүүлж байх хэрэгтэй.

2 Стресстэх

Стресс бухимдал нь таныг улам бүр хөгшрүүлж, овортой харагдуулах сөрөг талтай. Арьсыг гундааж, үрчлээс нэмэгдүүлэх төдийгүй эрүүл мэндэд ч муугаар нөлөөлж байдаг. Иймд нас ахих тусам сэтгэл санаагаа тайван байлгах нь чухал бөгөөд энэ нь таныг үзэсгэлэнтэй, залуухан харагдахад туслана. 

3 Нарны тос түрхэхгүй байх

Нарны хэт ягаан туяа нь арьсыг түлж, цаашлаад хөгшрөлтөнд нөлөөлөн үрчлээс тогтоож байдаг. Та зуны улиралд гадагш гарахдаа нарны тос түрхэж, саравчтай малгай өмсөхөө хэрхэвч мартаж болохгүй. Үүнээс гадна нарны тосыг зөвхөн зун биш, намар өвөл ч гэсэн нүүрэндээ түрхэж, арьсаа хамгаалаарай.

4 Сэтгэл хөдлөлөө ил гаргах

Хэт их сэтгэлийн хөдлөл гаргаж, нүүрэндээ өөрчлөлт гаргах нь үрчлээс үүсэх нөхцлийг бүрдүүлж байдаг. Том ангайж инээх, хамаг арьсаа үрчийлгэж орилох, нар руу харж нүдээ онийлгох зэрэг нь таныг үрчлээстэй болгоно. Тиймээс гадагш гарахдаа нүдний шил зүүж, болж өгвөл хэт бухимдаж, нүүрэндээ өөрчлөлт гаргах хэрэггүй. 

5 Гоо сайхны салонд ордоггүй

Та гоо сайхны салонд тогтмол очиж, нүүрэндээ иллэг хийлгэж, тэжээл өгч байгаарай. Ялангуяа 35 нас давсан бол үрчлээсгүй, элдэв толбогүй арьстай байхыг хүсвэл эргэлзэх зүйлгүй гоо сайхны салонд очих шаардлагатай. Ингэхдээ зөвхөн нүүрний арьсандаа анхаарах биш, бүх биеийн арьсандаа адил үйлчилгээ хийлгэж байгаарай.

6 Буруу хооллодог

Чихэр бол арьсанд хор л гэсэн үг. Аль болох эрүүл хооллож, чихэр, нүүрс устай хоол хүнснээс татгалзаарай. Мөн ус сайн ууж, "омега 3", "омега 6"-аар баялаг хоол хүнсийг түлхүү хэрэглээрэй. Энэ нь таны арьсыг эрүүл болоод чанга байлгахад тустай. 

Та арьсаа хэрхэн арчилдаг вэ? Бидэнтэй хуваалцаарай!