1 Хуванцар хоолны сав

Хуванцар хоолны савыг үйлдвэрлэхэд онцгой химийн бодис ашиглагддаг байна. Мэдээж энэ нь таны эрүүл мэндэд сөргөөр нөлөөлөх аюултай тул, цаашдаа аль болох хэрэглэхгүй байхыг хичээгээрэй. 

2 Гал тогооны угаалтуур

Та арай бохир аяга тавгаа угаалтуур хийгээд л орхичихдог юм биш биз? Энэ нь салмонелла гэх зэрэг маш олон төрлийн бактер үржих таатай нөхцлийг бий болгох аюултай юм. Тиймээс аяга тавгаа цаг тухай бүрт нь угааж, угаалтуураа ямагт ариутган, цэвэрлэж байгаарай. 

3 Хутга

Хутгаа үргэлж хурц иртэй байлгах хэрэгтэй. Хэрвээ танай хутга хангалттай иртэй биш бол, ямар нэгэн зүйлийг хэрчих үед гартаа гэмтээж болзошгүй юм. 

4 Пролон

Пролон нь бохирдсон аяга тавгыг цэвэрлэхдээ бүх нян бактерийг нь өөртөө хуримтлуулдаг тул өдөр бүр сайтар цэвэрлэж, ариун цэврийг сахих хэрэгтэй. Зүгээр угаахад хангалтгүй бөгөөд ариутгахаас нааш бүрэн гүйцэт цэвэр болдоггүй байна. Үүний тулд та пролоноо ариутгахдаа богино долгионы зууханд хийж, 2 минут эргүүлээрэй. 

5 Гал тогооны алчуур

Алчуур нь таны гал тогоонд байгаа хамгийн бохир зүйлсийн нэг юм. Та гараа угаалгүйгээр үүнд хүрч, төрөл бүрийн зүйлсийг арчиж цэвэрлэдэг. Тиймээс алчуураа тогтмол угааж байхын зэрэгцээ хоол хийх явцдаа гараа үргэлж цэвэр байлгах ёстойг мартуузай.

6 Агааржуулагч

Агааржуулагчинд төрөл бүрийн химийн бодис агуулагддаг бөгөөд энэ нь уушгийг гэмтээж, цаашлаад хорт хавдартай болгох аюултай юм. Тиймээс гэртээ ялангуяа гал тогоондоо агааржуулагчийг аль болох ашиглахгүй байсан нь дээр аж. 

7 Хийн зуух

Та орондоо орох, гэрээсээ гарахаас өмнө хийн зуухаа унтраасан эсэхээ ямагт шалгаж байгаарай. Энэ нь гарч болзошгүй аймшигт аюулаас сэргийлж байгаа хэрэг юм. 

8 Наалддаггүй хайруулын таваг

Түлэгддэггүй хайруулын таваг нь цэвэрлэхэд хялбар, хоол хийх ажлыг илүү хөнгөвчилж өгсөн билээ. Гэвч тефлон хайруулын тавгийг хэт халаах үед химийн бодисыг ялгаруулж, бидний хоолыг хордуулдаг байна. 

9 Махны машин

Махны машин нь маш хүчтэй бөгөөд аюултай. Тиймээс та үүнийг ашиглах үедээ гараа аль болох хол байлгахын зэрэгцээ болгоомжтой байгаарай. Мөн махыг доош нь дарахад зориулагдсан тусгай төхөөрөмжийг зөв хэрэглээрэй.

10 Хог шүүгч

Угаалтуурыг хог шүүгчийг хэрэглэхдээ болгоомжтой байх хэрэгтэй. Та ямар ч тохиолдолд хог шүүгч рүү гараа хийж болохгүй бөгөөд энэ нь бохир төдийгүй аюултай гэдгийг бүү мартаарай.

11 Махны мод

Мах болон ногоо хэрчих модыг тус тусад нь ашиглаж байгаарай. Түүхий мах нь төрөл бүрийн бактер агуулдаг тул мах хэрчсэн модон дээр ногоо хэрчиж огт болохгүй. Үүнээс гадна тогтмол махны модоо цэвэрлэж, ариутгах шаардлагатай.