1 Хувцасны харьцааг бодолцохгүй байх

Тренд болж байгаа хувцаснуудыг сонгон өмсөхдөө хооронд нь зохицуулж, зөв харьцааг нь олж өмсөх хэрэгтэй. Хэрвээ та том, өргөн өмд өмссөн бол дээгүүрээ бариу майк, цамц өмсөх нь зүйтэй юм. Өмссөн бүх хувцас тань сул, өргөн бол та яг л шуудай өмссөн юм шиг харагдах болно.

2 Өнгө дагуу хувцас өмсөх

Цүнх, гутал, тэлээ гурав нэг өнгөтэй байх ёстой гэдэг нь үнэхээр хуучинсаг ойлголт юм. Та үнэхээр загварлаг, дэгжин хувцаслахыг хүсч байвал өмссөн хувцасныхаа ерөнхий өнгөнүүдээс гадна онцгой өнгөний элементүүдийг нэмж өгөх хэрэгтэй.

3 Тэлээгээ мартах

Өмссөн бүх хувцас тань хэлхэгэр байвал биеийн тань галбир тодорч харагдахгүй. Мөн дээр өгүүлсэнчлэн, ямар нэгэн сул хувцас өмссөн бол өөр аль нэг зүйл нь бариу байх ёстой. Тиймээс, энэ тохиолдолд тэлээг нэмж өгч болох юм.

4 Хуучны загварыг шүтэх

Моод эргэдэг гэдэг шүү дээ. Гэхдээ та нэг хувцаслалтандаа хэтэрхий олон дээр үеийн хэв маягтай хувцас өмсч болохгүй. Моод хичнээн эргэсэн ч та заавал өөрийнхөө хэв маяг, биеийнхээ галбирт тохирсон хувцсыг л өмсөөрэй.

5 Өсвөр насны хүүхэд шиг хувцаслах

Нас ахих тусам стиль, имиджээ бага багаар өөрчлөх хэрэгтэй. Учир нь 16 настай байхдаа өмсдөг байсан, жаахан охиныг шиг хувцсаа 30,40 хүртлээ өмсвөл үнэхээр утгагүй харагдах болно. Тиймээс аль болох насандаа тохируулж, өөрийн гэсэн имиджийг шинээр бий болгож байгаарай.

6 Хуучны хэв маягтай нүдий шилний рам

Нүдний шил бол харахад туслах хэрэгсэл төдийгүй гоёл чимэглэлийн нэгээхэн хэсэг шүү дээ. Тиймээс загварлаг, дэгжин харагдахын тулд нүдний шилнийхээ загварт ч бас анхаарах хэрэгтэй. Хуучин, улиг болсон загвартай нүдний шилнээсээ татгалзаж, сүүлийн үеийн, сайхан өнгө, загвартай шилийг сонгож зүүгээрэй.

7 Урт шулуун үс

Урт, шулуун үс нь хүнийг бага зэрэг овортой харагдуулдаг. Тиймээс нас ахих тусам үснийхээ хэв маягт анхаарч, буржийлгах зэргээр янзлах хэрэгтэй.

8 Ягаан өнгөөр хумсаа будах

Гар ч бас залуу, хөгшин харагдахад нөлөөлдөг юм шүү дээ. Харин яв ягаан, ногоон, бор гэх мэт өнгөөр будахад гар амьгүй, хөгшин харагддаг. Харин байгалийн бүдэг ягаан, өнгөгүй лакаар хумсаа будвал илүү залуухан харагдуулах болно.

9 Хацраа өнгөлөх

Нас ахих тусам хацар өнгөлөх аргаа ч бас өөрчлөх хэрэгтэй. Учир нь нас ахисан мөртлөө хацраа яв ягаанаар будчихаад явбал үнэхээр утгагүй харагдах болно.

10 Нүүрээ тэр чигээр нь хүрэл өнгөтэй болгох

Нүүрээ гэрэлтүүлж байна гээд хамар, дух, хацар, шанаа гээд бүх зүйлээ хүрэл өнгөөр будчихаж болохгүй. Хүрэл, бордуу өнгөтэй сүүдрийг зөвхөн шанаанаас хацар руу чиглүүлж будах хэрэгтэй.

11 Нүүрээ тодотгох

Нас ахих тусам хүний уруул, нүд, хөмсөг тодорхой хэмжээгээр жижгэрч, өнгөө алдаж байдаг. Тиймээс нүүрнийхээ будалтыг нас ахих тусам тод болгож байх нь зүйтэй.

12 Тод өнгөтэй уруулын будаг

Тод өнгөтэй уруулын будаг залуу хүмүүст сайхан зохидог ч нас ахих тусам хүнийг овортой харагдуулдаг. Тиймээс уруулаа аль болох зөөлөн өнгөөр будахыг хичээгээрэй.

13 Инээмсэглэл

Дээрх хувцаслалт болон нүүр будалтын зөвлөгөөнүүдээс гадна наснаасаа залуу харагдах хамгийн найдвартай арга бол инээмсэглэх юм. Инээмсэглэл хүнийг илүү загварлаг, дур булаам харагдуулдгийг судалгаагаар ч  нотолсон байна.