1
Эмэгтэйчүүдийн эмчид үзүүлснээр онгон байдлаа алдах уу?
Өсвөр насны охид, эмэгтэйчүүдийн эмчид үзүүлснээр онгон байдлаа алдана хэмээх ойлголттой байх нь бий. Асуултын хариулт бол, үгүй! Юуны өмнө эмэгтэйчүүдийн эмч үзлэг хийж эхлэхийн өмнө тантай ярилцаж, онгон эсэхийг чинь асууж лавлах болно.
2
Жирэмснээс хамгаалах эм аюултай юу?
Мэдээж үр хөндөлтөөс сэргийлдэг гэдэг утгаараа жирэмснээс хамгаалах эм нь хэрэгтэй зүйл юм. Гэхдээ эмэгтэйчүүдийн биед тодорхой хэмжээгээр сөрөг нөлөө үзүүлдэг нь үнэн. Тиймээс жирэмснээс хамгаалах эм уух үедээ юу хийх, юу хийж болохгүй тухай эмчээсээ асууж, зөвлөөрэй.
3
Бэлгийн дур хүсэл буураад байгаа нь юутай холбоотой вэ?
Эмэгтэйчүүд, эрчүүдийг бодвол бэлгийн дур хүслийн тухай ярих нь бага байдаг. Бэлгийн дур хүсэл буурах нь дааврын тэнцвэргүй байдал, эсвэл нөхөн үржихүйн асуудал, өвчлөлтэй холбоотой байж болно. Тиймээс эмчийн үзлэгийн дараа, эсвэл дааврын шинжилгээ өгсний дараа хариулт нь тодорхой болох болно.
4
Би жирэмснээс хамгаалах эмээ уухаа хааяа уухаа мартчихдаг. Энэ үед жирэмсэн болох магадлалтай юу?
Зарим тохиолдолд энэ нь тийм ч сөрөг нөлөөгүй. Тиймээс үргэлжлүүлэн ном журмынх нь дагуу уух хэрэгтэй. Гэвч бэлгийн харьцаанд идэвхтэй орж байгаа үедээ эмээ уухаа мартах үед үр тогтох магадлалтай.
5
Бэлгийн ажил хийх үеэр маш их өвдөлт мэдрэгддэг, энэ нь ямар шалтгаантай вэ?
Бэлгийн ажил хийх үеэр өвдөх нь бэлэг эрхтний өвчлөл болон хорт хавдар /умайн хүзүүний/, эсвэл сэтгэл санааны байдалтай холбоотой байж болно. Хэрвээ бэлгийн ажил хийх үеэр өвдөөд байвал эмэгтэйчүүдийн эмчид үзүүлж, оношлуулснаар шалтгааныг нь олж мэдэх боломжтой.
6
Сарын тэмдэг тогтмол ирэхгүй байх нь ямар аюултай вэ?
Сарын тэмдгийн мөчлөг алдагдах нь стресс, огцом жин нэмэх, хасах, цаг уурын өөрчлөлт, болон бэлгийн замын, нөхөн үржихүйн эрхтний өвчлөл зэрэг олон шалтгаантай.
7
Би нэг л бэлгийн хавьтагчтай байсан ч, бэлгийн замын өвчний шинжилгээ заавал өгөх ёстой юу?
Эмэгтэй хүн бүр тогтмол эмэгтэйчүүдийн эмчид үзүүлж, шинжилгээ хийлгэж байх ёстой. Үүнд таны нэг бэлгийн хавьтагчтай байгаа эсэх нь хамаагүй бөгөөд бүх зүйл таны эрүүл мэнд, биеийн байдлаас л шалтгаална.
Эмэгтэйчүүдийн эмчийн үзлэгийн үеэр аль болох асуухыг хүссэн бүхнээ асууж байгаарай. Энэ нь ирээдүйд тулгарч болзошгүй олон аюулаас сэргийлэх болно!
