1 Гутлын урд хөлийн хэлбэр гарсан бол...

Энэ нь таны гутал танд багадсан байна гэсэн үг. Багадсан гутал удаан өмсөх нь, хөлний хэлбэрийг үзэмжгүй болгох аюултай. 

2 Эрхий хурууны доор бөөрөнхий ясны хэлбэр гарсан бол...

Энэ нь таны гутал танд хэтэрхий нарийдсан байна гэсэн үг. Удаан хугацаагаар ийм гутал өмсөх нь хөлөнд эвэр ургуулдаг. 

3 Урд хэсгээр ул нь муудсан бол.....

Өсгийтэй гутал их өмсдөг хүмүүсийн гутлын ул нь энэ хэсгээрээ муудсан байдаг. Үргэлж өсгийтэй гутал өмсөх нь, таныг сайхан харагдуулах ч хөлний зөв эрүүл хэлбэрийг алдагдуулдаг. Тиймээс энгийн үеүүддээ намхан ултай гутал өмсөж хэвшээрэй. 

4 Гутлын гадна хүрээ муудсан бол...

Майга болон хэвийн бус хөлний хөгжилтэй хүмүүсийн гутал энэ хэсгээрээ эхэлж мууддаг. Тиймээс та бага зэрэг уландаа өндөрлөгчтэй гутал худалдаж авах хэрэгтэй. 

5 Гутлын дотор хүрээ муудсан бол ...

Хөлөө дотогш нугалаж алхдаг хүмүүсийн гутал ингэж мууддаг. Тиймээс зөөлөн ултай, дотроо нумарсан өндөрлөгчтэй гутал сонгох хэрэгтэй. 

6 Гол хэсгээрээ муудсан бол...

Энэ нь та үргэлж намхан ултай гутал өмсдгөөс болдог. Гутлын ул тань ингэж муудсан бол дараагийн удаа бага зэрэг өсгийтэй гутал сонгох хэрэгтэй.