1
Бөөрний асуудал
Хэрвээ бөөрний ажиллагаа муудвал, биеэс илүүдэл шингэнийг гадагшлуулахад хүндрэл учрах болно. Бөөрний үйл ажиллагаа муудсаны хамгийн түгээмэл шинж тэмудэг бол "нүд хавдах" юм.
2
Венийн судасны өргөсөл
Венийн судсан дахь цусны урсгал чөлөөтэй урсахад саад учирч, судасны аль нэг хэсэг тогтонги байдалд орохыг венийн судасны өргөсөл гэнэ. Венийн буюу хураагуур судас нь биеэр тархсан цусыг буцааж дээш гаргах буюу зүрхэнд аваачих үүрэгтэй байдаг бол судсанд тогтонги байдал үүссэнээр цусны эргэлт удааширч, хөл хавагнах, чинэрэх, өвдөх, загатнах, шөрмөс татах шинж тэмдэг илэрдэг.
3
Зүрхний дутагдал
Зүрхний төрөл бүрийн гажиг, хэм алдагдал, цусны даралт ихсэх гэх мэт өвчлөлүүдийн үед зүрхний архаг дутагдал үүсдэг бөгөөд хөл хавагнах шинж тэмдгээр илэрч болно.
4
Венийн бөглөрөл / Тромбоз
Тромбозийн хамгийн нийтлэг тохиолддог эмгэг бол "хөлийн судасны бүдүүрэл" бөгөөд энэ үед голдуу нэг хөлийн судас бүдүүрч, нүдэнд ил харагдан, овойж ирдэг. Энэ үед бүлэн үүсэн нэг хөл хавдаж, хавагнах бөгөөд ховор тохиолдолд л хоёр хөл хоёулаа хавагнадаг.
5
Элэгний асуудал
Элэгний өвчлөлийн эхний үед хөл хавагнах шинж тэмдэг илэрдэг. Элэгний хэвийн үйл ажиллагаа алдагдсан үед хөл, гар хавагнаж, судаснууд нь арьсан дээр улайж харагддаг.
6
Бамбай булчирхайн үрэвсэл
Бамбай булчирхайн дааврын тэнцвэр алдагдсан үед нүүр, гар, хөл хавагнах шинж тэмдэг илэрнэ.
7
Артерийн судасны хатуурал
Артерийн буюу тараагуур судасны хатуурлын үед хөлөнд их цус хуримтлагдсанаас хөл цайж, цонхийн, өвддөг байна. Өвчний эхэн үед ноцтой өвдөлт мэдрэгддэггүй тул хүмүүс эмнэлэгт үзүүлдэггүй байна. Харин артерийн судасны хатуурал нь яваандаа ноцтой үр дагаварт хүргэж болзошгүй тул та үүнийг тоохгүй орхиж хэрхэвч болохгүй.
8
Чихрийн шижин
Чихрийн шижин өвчний үед цусан дахь сахарын агууламж нэмэгдсэнээр бие сульдах, ядрах, шээмхэй, цангамхай болох, улмаар хүндэрсэн тохиолдолд хөл, гар хавагнаж аажмаар мэдээгүй болох аюултай байдаг ажээ.
9
Жирэмслэлт
Жирэмслэлт бол өвчин биш ээ, харин хөл хавагнах нэгэн нийтлэг шалтгаануудын нэг мөнөөс мөн. Жирэмсний хаван нь жирэмсний хожуу үед тохиолддог. Учир нь жирэмсэн эхийн умай томрох тусам доод хөндийн вен болон ташааны вен лүү даралт үүсгэсний улмаас хөлийн венийн судасны урсгал удааширч хөл хавагнаж эхэлдэг.
