1
Өөрийгөө танилцуулах
Шинэ хамт олон дунд өөрийгөө танилцуулах танд асуудал болж байна уу? Чимээгүйхэн гараа даллаж, нэрээ хэлчихээд суух нь хүмүүст төдийлөн сайхан сэтгэгдлийг төрүүлэхгүй. Ингэвэл хүмүүс таныг бүрэг ичимхий, харилцахад төвөгтэй нэгэн гэж бодоод нэг их тоодоггүй. Үүний оронд Сайн байцгаана уу? гэж бүх хүмүүстэй мэндлээд, тэдэнд нэрээ хэлж, нүдрүү нь харж байгаад гар барих зэргээр илүү дотно мэндчилгээ хийж болно шүү дээ.
2
Хамт яваа хүнээ танилцуулахгүй байх
Хамт яваа хүнээ танилцуулалгүй бусадтай ярилцаж эхлэх нь маш бүдүүлэг үйлдэл. Та магадгүй ядаж 1 удаа ийм байдалд орж байсан бол ямар хэцүүг нь гадарлах биз. Энэ нь таныг чухалд үздэггүй эсвэл таниас ичиж байгаа мэт сэтгэгдэл нөгөө хүндээ төрүүлдэг. Үүнээс зайлсхийхийн тулд хамт яваа хүнээ үргэлж танилцуулж хэвшээрэй. Ингэхдээ хамт яваа хүнийхээ нэр, ажил, мэргэжил зэргийг хэлж болно.
3
Хүний нэрийг мартах
Хүний нэрийг маш анхааралтайгаар сонсож цээжлэх хэрэгтэй. Хэрэв хэлэхэд нь сонсож чадаагүй бол ахиж лавлан асуугаад, тогтоож аваарай. Хүний нэрийг буруу хэлдэг, мартчихаад будилж байдаг хүнтэй ярилцахыг хүмүүс хүсдэггүй. Нэрээ хэлж мэндэлсэн хүмүүст бүгдэнд нь зөрүүлэн өөрийн нэрийг хэлж танилцах нь соёлтой хүний үйлдэл шүү.
4
Сонирхолгүй зүйлийн тухай ахин ахин тайлбарлах
Тухайн сэдвийн тухай сайн мэдэхгүй байж, нэмж хачирлан ярих нь бусдад таагүй сэтгэгдэл төрүүлдэг. Хэрэв яриа эхлүүлэхээр шийдсэн бол яг одоо хүмүүсийн сонирхлыг татаж байгаа томоохон сэдвийг сонгож, ганцаараа яриад байлгүй бусад хүмүүсийн бодлыг асуун, яриагаа хөгжилтэй байлгах хэрэгтэй. Хэрэв таныг ярьж байхад хэн ч бодлоо хэлээгүй эсвэл таныг ярьж дуусангуут өөр сэдэв эхлүүлсэн бол таны ярьсан зүйл хэнд ч сонирхолгүй байсан гэсэн үг.
5
Өөрийнхөө талаар хэт их ярих
Уулзах бүрт өөрийнхөө талаар бүхий л уулзалтын турш ярьдаг хүнтэй хэн хамт цагийг өнгөрөөхийг хүсэх билээ. Хүмүүс өөрийнхөө тухай ярих хамгийн дуртай гэдгийг судаллгаагаар тогтоосон байдаг. Гэхдээ зөвхөн яриад байлгүй, бусдын яриаг ч мөн сонсох хэрэгтэй гэдгийг мартаж болохгүй.
6
Сайн таньдаг хүмүүсийг нь муулах
Хамт ажилладаг хүнийхээ хувцасны тухай эсвэл ойрд уулзаагүй танилуудынхаа амьдралыг муулж суудаг бүсгүйд найз байдаггүй. Хүмүүс түүнтэй ярилцахдаа "дараагийн удаа намайг ч муулж магадгүй" гэж сэрэмжилдэг. Харин хүмүүсийн сайн сайхныг ярилцаж, сайнаар бодож явдаг бүсгүйчүүдийг хүмүүс өндрөөр үнэлдэг.
7
Өөртөө итгэлгүй, хэт сул ярьдаг
Сул дуугаар ярьж байгаа хүний үг сонсоход төвөгтэй төдийгүй, ярьж байгаа зүйлээ сайн мэдэхгүй эргэлзэж байгаа гэсэн бодлыг хүмүүст төрүүлдэг. Толины өмнө сургуулилж байгаад ч хамаагүй бусдын өмнө өөртөө итгэлтэй илтгэл тавьж сураарай. Мөн илтгэлийнхээ үеэр сэтгэгдлээ хэлсэн хүмүүсрүү анхаарлаа хандуулан "саналаа хэлсэнд баярлалаа" гэж хэлэх нь таны өөртөө итгэлтэй байдлыг тодотгож өгөх болно.
8
Цөөн үгээр хариулах
Анхны сэтгэгдэл маш чухал байдаг. Анх хүнтэй танилцахдаа танихгүй хүн байсан ч аль болох дэлгэрэнгүй, чин сэтгэлээсээ хариулах хэрэгтэй шүү. Хэрэв таны ирсэн хотыг асуусан бол хотынхоо давуу талыг товч дурдах гэх мэтээр харилцан яриагаа сонирхолтой байлгах хэрэгтэй.
9
Гомдоллох
Өөрийн асуудлаа бусадтай хуваалцаж, энэ талаар ярилцах нь огтхон ч санаа зовох зүйл биш. Магадгүй тэд ч бас өмнө нь тань шиг байдалд орж байсан байж болно шүү дээ.
10
Өөртөө үнэнч биш байдал
Өөрийн гэсэн бодолгүй, ярьснаасаа өөрийг хийж явдаг хүмүүс хүндлэл хүртдэггүй. Хэрвээ та өөрийнхөө тухай ярих гэж байгаа бол муу ч гэсэн үнэнээ л хэлж байгаарай. Өөртөө үнэнч бусдад худал ярьдаггүй зан хүмүүсийн хүндэтгэлийг хүлээдэг юм шүү.
