1 Гүнжидийн үр, тахиатай салад

Орц:

• Дунд зэргийн хэмжээтэй лууван 1ш
• Хятад байцайны тал
• Тал багц  Килантро (cilantro)
• 1 халбага хар гүнжидийн үр
• 1 халбага цагаан гүнжидийн үр
• 35 гр тожилын самарцаг (cashew)
• 200-300 гр тахианы цээж мах
• 2 халбага буурцагны жан (soy sauce)
• 2 см цагаан гааны үндэс
• 2 халбага оливын тос
• 1,5 халбага гүнжидийн тос
• 2-3 ширхэг ногоон сонгино
• Давсыг хүссэн хэмжээгээрээ

Бэлтгэх арга:

• Саванд буурцагны жан, цагаан цуу, олив, гүнжидийн тос, давсыг хийж хутгаад, ногоон сонгино, цагаан гааг нэмнэ. 
• Эдгээрийг хутгасны дараа амраах явцдаа өөр саванд лууванг үрүүлээр үрж, Хятад байцай, килантрог нарийн хэрчиж бэлдэнэ.
• Тахианы цээж махыг болтол нь чанаж, том хэрчинэ. 
• Орцуудыг саванд хийж, үлдсэн орцуудаа нэмж хутгаарай.

2 Сэвэг зарам (lentil)-тэй салат

Орц:

• Сэвэг зарам- 200гр
• 1ш сонгино
• 2 хоолны халбага оливын тос
• 150 гр бууцай
• 50 гр бяслаг
• 3 халбага улаан дарсны цуу
• Шанцай- 3 ширхэг
• Амтат чинжүү- 2 ширхэг
• Укроп, нунтаг чинжүү, орегано, давсыг хүссэн хэмжээгээрээ хийнэ.

Бэлтгэх арга:

• Сэвэг зармыг тогоонд хийж, 3 аяга ус нэмээд 30 минутын турш зөөлөн гал дээр буцалгана. 
• Сонгино, шанцайгаа хэрчиж, оливын тосонд шарна. 
• 5 минут зөөлөн гал дээр шарсны дараа хэрчсэн чинжүү, давс, амтлагчуудаа хийж , бага зэрэг ус хийгээд 5 минут буцалгаарай.
• Сэвэг зармаа чанасны дараа шүүж гаргаад, ногоонуудаа нэмж, улаан дарсны цуугаар амтална. 
• Салатыг таваглахдаа бууцайны навчаа дэвсэж,  бяслагаа дээрээс нь үрж хийгээрэй.

3 Яргай загас, будаатай салат

Орц:

• 200 гр цагаан будаа
• 350 гр утсан яргай загас (salmon)
• 3 халбага оливын тос
• 2 халбага нухсан самар (ямар ч самар байж болно)
• 1 халбага зөгийн бал
• 2 халбага хулууны эсвэл наран цэцгийн үр
• Давс, нунтаг чинжүү, укроп

Бэлтгэх арга:

• Будаагаа агшаах зуураа яргай загасыг жижиглэн хэрчинэ. 
• Наран цэцгийн үр, нухсан самрыг бага зэрэг шарна. 
• Өөр нэг саванд оливын тос, зөгийн бал, давс, бусад амтлагчуудыг хольж, хутгана. 
• Будаагаа болгож, хөргөөд бусад орцтой хамт хутгаад таваглаарай.

4 Хүрэн манжингийн салат

Орц:

• 4 ширхэг хүрэн манжин
• 60 гр бяслаг
• Яншуй- 1 багц
• 2 хумс сармис
• 2 халбага нимбэгний шүүс
• Нунтаг хар перец, давс
• 3 халбага оливын тос

Бэлтгэх арга:

• Хүрэн манжингаа зөөлөртөл нь чанаж, хальслаад, хөргөнө.  
• Дараа нь бяслаг, хүрэн манжингаа адил хэмжээтэй, шоо  дөрвөлжин хэрчинэ.
• Яншуй, сармисаа хэрчиж, бусад амтлагчтайгаа нэмж хутгаарай.

5 Хаш, үхрийн махтай салат

Орц:

• 300 гр үхрийн мах
• 250 гр чэс буюу хаш
• 1 лууван
• 4 хумс сармис
• Цагаан гаа
• 100 гр пүнтүүз
• Укроп
• Ургамлын тос
• 4 хоолны халбага шар буурцагны жан

Бэлтгэх арга:

• Үхрийн махыг нарийн хэрчээд жангаар амталж, 30 минут байлгана.
• Лууванг нарийн үрүүлээр үрж, сармисыг жижиг хэрчинэ. 
• Хайруулын тавгандаа ургамлын тос хийж, үхрийн махыг 10 минут, их гал дээр шараарай. 
• Сармис, цагаан гааг нэмж, 1 минут шарна. 
• Үүний дараа лууван, жангаа нэмж 10 минут жигнээрэй. 
• Таваглахдаа хаш, чанасан пүнтүүзийг нэмж хутгана. 
• Та уг салатыг халуун, эсвэл хүйтнээр нь идэж болно.

6 Тахиа, шарсан талхтай салат

Орц:

• 200 гр тахианы цээж мах
• 250 гр өргөст хэмх
• 200 гр талх
• 150 гр бяслаг
• 1 сонгино
• Салатны навч
• 2 хумс сармис
• 1 халбага улаан дарсны цуу
• 3 халбага ургамлын тос
• Давс, перец

Бэлтгэх арга:

• Талхыг шоо дөрвөлжин хэрчиж, ургамлын тосонд борлотол нь шарна. 
• Чанасан тахианы цээж махыг өргөст хэмхтэй хамт жижиглэн хэрчинэ. 
• Сонгиныг хагас цагираг хэлбэртэй хэрчиж, бяслагийг үрж бэлдэнэ. 
• Өөр нэг саванд ургамлын тос, жижиглэн хэрчсэн сармис, улаан дарсны цуу, давс, перецийг хольж хутгана.
• Бүх орцоо хольсны дараа  салатны навчийг дэвсэж таваглаарай.

7 Гоймон, алим, пекан самартай салат

Орц:

• 200 гр бууцай
• 1,5 аяга гоймон (макарон)
• 1 ширхэг шанцайны иш
• Хагас аяга хатаасан цангис жимс
• 5-6 ширхэг мандарин
• 1 том ногоон алим
• 1 халбага нимбэгний шүүс
• 1/3 аяга пекан самар (хушгаар орлуулж болно)
• Бяслаг
• 4 халбага оливын тос
• 2 халбага алимны цуу
• 2 халбага цагаан дарсны цуу
• 2-4 халбага элсэн чихэр
• Перец
• 1 халбага намуу цэцгийн үр

Бэлтгэх арга:

• Гоймонгоо чанах зуураа соусаа бэлдэх хэрэгтэй.
• Үүний тулд оливын тос, алимны цуу, цагаан дарсны цуу, элсэн чихэр, перец, намуу цэцгийн үрийг холигчид хийж, эргүүлнэ. 
• Гоймонгоо шүүж гаргаад, дээрх соуснаас 2 халбагыг хийж хутгаад, хөргөнө. 
• Бууцай эсвэл салатны навчийг жижиг тасдаж, аяганд хийнэ. 
• Үүн дээрээ шанцай, цангис, мандариныг хийж, холиорой. 
• Алимыг нимгэн хэрчиж, лимоны шүүсний хамт үлдсэн ногоонуудтайгаа холино. 
• Үүн дээрээ хөргөсөн гоймонгоо нэмж хутгаарай. 
• Салатаа таваглахдаа самар, бяслагаар чимэглэвэл илүү амттай болно. 

Сайхан хооллоорой!