1 "Moana" - 2016 он

Киноны эхлэл хэсэгт, Моана бяцхан охин байхдаа, яст мэлхийг нарнаас хамгаалж, том навч барьж зогсох нь харагддаг. Харин тус хэсэг нь "Lilo and Stitch" киноны бас нэгэн өхөөрдөм хэсэгтэй тун төстэй, бүр адилхан болсон билээ. 

Maуи нь олон амьтны дүрд хувирч, өөрчлөгддөг. Харин нэг удаа өөрчлөгдөхдөө хэн болсныг нь хараачээ! Бидний сайн танил "Frozen" киноны Свейн байгаа биз. 

Моано болон Mауи хоёр Какамора овгийн далайн дээрэмчидтэй таардаг. Харин тэдгээр дээрэмчдийн дунд бусдаас өвөрмөц төрхтэй нэгэн сууж харагдана. Тэрхүү өвөрмөц төрхтэй дээрэмчин нь "Big Hero 6" киноны Бэймакстай тун төстэй харагдаж байгааг биз!

2 "Frozen" - 2013 он

"Big Hero 6" киноны Бэймакс нь "Frozen" кинон дээр ч мөн явж байгаа нь харагдана. Түүний жижгэрүүлсэн хувилбар нь цасан хүн болчихсон, тус кинонд гардаг билээ. 

Гүнж Аннагийн хажууд харагдах амттан нь "Wreck It Ralph"-ийн нэгээхэн хэсэг болсон тоглоомтой тун ч төстэй харагдаж байна. "Wreck It Ralph" нь "Frozen" киноноос нэг жилийн өмнө нээлтээ хийж байсан билээ. 

3 "Zootopia" - 2016 он

Бид бүхний сайн танил болсон Мики Маусын дүрс, "Zootopia" кинонд хальт үзэгдээд өнгөрдөг болохыг та анзаарч байв уу? Мэдээж энгийн нүдээр үзээд өнгөрөхөд харагдах боломжгүй бөгөөд кино судлаачид үүнийг нарийвчлан үзэж олжээ. 

Үнэг Ник нь бяцхан луйварчинг зааны тугалтай ижилхэн хувцаслаж, авч явдаг. Харин тэр тугал нь хүн бүрийн хүүхэд насыг сануулдаг Дамботой ижилхэн харагдахгүй байна гэж үү? 

Диснейн кинонууд нь эртний классик кинонуудаас санаа авч, жижиг хэсэгтээ ашиглах нь бий. Харин "Zootopia" кинон дээр алдарт Загалмайлсан эцэг киноны "Дон Корлеоне"-ий дүрээс санаа авч, нэгээхэн хэсгийг бүтээсэн байдаг. 

4 "Monsters, Inc." - 2001 он

Мангасуудын ертөнц киноны нэгээхэн үзэгдэлд мангас Рандалл хаалга руу үсрэн ордог. Харин тэрхүү орсон хаалганд өхөөрдөм хөөрхөн Немо үзэгдээд өнгөрөх аж.  

5 "Ratatouille" - 2007 он

Тогооч залуу, бүсгүй хоёрыг хотын гудамжаар зугаалж байхад, тэдний хажууд хальт үзэгдээд өнгөрөх эрийг та таних уу? Тэр бол "The Incredibles" киноны "Bomb Voyage" бөгөөд үүнийг анзаарч харах хүн тун ховор байдаг. 

Хэрэв та ажигч, гярхай нэгэн бол, үүнийг анзаарсан байж магадгүй. "The Incredibles" киноны лого болсон тэмдэглэгээ нь тогооч залуугийн дотуур өмдний зурагтай тун ижилхэн харагдана. 

6 "Toy Story" - 1995, 1999 болон 2010 он

"Buzz Lightyear"-т хийдэг баттерей нь "Wall-E" кинон дээр гардаг "BnL" корпорацийн логотой ижилхэн байгаа биз. 

Ноён төмсөн толгойтын уншиж байгаа үлгэрт хэн гарч байгааг хараачээ! Хүн бүрийн сайн танил болсон "A Bug’s Life" киног дүрслэн үзүүлсэн нь, үзэгчдэд дотно, дулаахан мэдрэмжийг төрүүлсэн байдаг. 

Льюксо бөмбөг буюу шар дээр улаан одтой ойдог бөмбөг нь тун ч алдартай. Тус бөмбөг нь "Toy Story", "Inside Out", "Monsters University", "The Incredibles" болон өөр маш олон Диснейн кинонуудад гардаг билээ. 

7 Tangled - 2010 он

"Sleeping Beauty" киноны Аврора гүнж нэгэн нууцлаг газарт очиж, ээрүүлийн хурц үзүүрт хуруугаа хатган мөнх нойрсдог билээ. Харин тэрхүү аймшигт ээрүүл "Tangled" киноны гол дүр болох Рапунзелийн өрөөнд харагдах аж.

Хэрэв та эдгээрээс өөр киноны давхцал, нууцлаг зүйлсийг мэддэг бол бидэнтэй хуваалцаарай!