1
Бүхнийг сөргөөр хардаг
Тэд амьдралд нь тохиолдож байгаа сайн муу бүхий л зүйлсийг сөргөөр харж, гутарч явдаг. Нартай өдөр байсан ч яг л ширүүн бороотой өдөр мэт гуниглаж, ойр орчмын хүмүүстээ уйтгар гунигийг халдааж байдаг байна.
2
Өөрчлөлтөнд дургүй
Тэд амьдралыг нь гэрэл гэгээтэй, хөгжөөнтэй болгох өөрчлөлтүүдийг хийдэггүй. Хийхийг ч хүсдэггүй юм. Тиймээс ч нэгэн хэвийн уйтгартай амьдралаасаа салдаггүй.
3
Юу ч хийдэггүй
Өөрсдийг нь аз жаргалтай болгох зүйлсийг огтхон ч сонирхдоггүй бөгөөд хийдэггүй байна. Тэдгээр хүмүүс таны эргэн тойронд байдаг бол танд ч мөн тэдний залхуу хорт бодлууд нь шингэх болно.
4
Юуг ч үнэгүй хийдэггүй
Тэдний хувьд ямарваа зүйлийг хэн нэгний төлөө хийхэд үргэлж шан харамж, хариу нэхэж байдаг. Аливааг сэтгэлээрээ хийж, сайн сайхан зүйлийг хүсэх нь үнэндээ тэдгээр хүмүүсээс хол юм. Хэрэв танд үргэлж ашиг хонжоо эрсэн, сэтгэлгүй найз нөхөд байдаг бол тэднээс зайгаа барьсан нь дээр...
5
Өргөс шиг үгтэй
Тэдний хэлсэн, амнаас нь гарсан үг бүр яг л өргөс мэт зүрхэнд тусч, сэтгэлийг шархлуулдаг. Хэн нэгэнд атаархсан, шүүмжилсэн үгсийг их хэлэх бөгөөд тэдэнтэй байхад тухгүй мэдрэмж төрдөг.
6
Хүнд байдалд оруулдаг
Тэд танд тус болохгүй хэрнээ үргэлж гай болж, замд тань саад болдог. Зээлсэн мөнгөө хугацаандаа өгөхгүй, уулзахаар товлосон цагтаа ирэхгүй гэх мэт таны бухимдлыг төрүүлэх үйлдлүүдийг үргэлж хийдэг байна.
7
Таныг үргэлж өөрчлөхийг оролддог
Зүгээр л яг өөрийнхөөрөө байхад тань дургүй бөгөөд өө сэв эрж, өөнтөглөдөг бол та түүнтэй харилцаагаа таслах цаг ирснийг сануулж байна. Учир нь сөрөг энергитэй хүмүүс бидэнд үргэлж уйтгар гунигийг авчирч байдаг.
8
Хов живэнд дуртай
Хаа таарсан газраа хов жив базаж, хэн нэгнийг муулахыг урьтал болгодог хүмүүс байдаг бол тэднээс аль болох эртхэн зайгаа барих хэрэгтэйг сануулъя. Учир нь та тэдний ярьдаг хов живний нэгээхэн хэсэг нь байхыг үгүйсгэхгүй билээ.
9
Тэд маш ууртай
Үргэлж л уурлаж бухимдан, нэг үг хэлэхэд хэрүүл болдог бол та өөрийгөө сөрөг энергитэй хүнээр хүрээлүүлж байна хэмээн ойлгож болно.
10
Нөхөрлөл удаан үргэлжлэхгүй
Таныг түрүүлж залган мэнд мэдэхгүй, уулзая хэмээн дуудахгүй л бол харилцаа тасарч, зөвхөн хэрэгтэй үедээ завчлан уулздаг бол та хоёрын нөхөрлөл удаан үргэлжлэхгүй шүү дээ. Ийм хүмүүсээс ч мөн зайгаа барихад гэмгүй.
