1 Хуурайшсан арьс

Таны арьс хуурайшиж, хагараад байвал, Е витамин дутагдсан байна гэж ойлгож болно. Та хүнсний ногоо, тос, самар, загас зэргийг идэж, өдөр тутамдаа хэрэглэснээр, Е витамины дутагдлаа нөхөж болох юм. 

2 Амттан идэх хүсэл нэмэгдэх

Амттан идэх хүсэл нэмэгдэх нь сэтгэл гутрал, бухимдалтай холбоотой. Харин та энэ үед хар шоколад болон зөгийн балыг идэж хэрэглээрэй. Эдгээр нь таны амттан идэх хүслийг дарах төдийгүй жин нэмэхгүй гэдгээрээ давуу талтай. 

3 Мөс идэх хүсэл төрөх

Заримдаа гэнэт мөс идмээр санагддаг уу? Энэ нь таны биед төмөр дутагдсаны шинж тэмдэг юм. Төмрөөр баялаг хоол хүнсэнд үхрийн мах, өндөг, хясаа зэрэг багтана. Хэрэв та төмрийн хэрэгцээгээ нөхсөн боловч, мөс идмээр санагдсан хэвээр байвал, эмчид хандаарай. 

4 Буйлнаас цус гарах

Шүд угаах үед буйлнаас цус гарч байгаа бол, биед тань С витамин дутагдсан гэж ойлгоорой. Харин С витаминыг нөхөхийн тулд, исгэлэн жимснүүд, бууцай, улаан амтат чинжүү, улаан лооль, байцаа, брокколи зэргийг хэрэглэхийг зөвлөе. 

5 Өвдөгний үеэр хатгуулах, нойргүйдэх

Хэрвээ танд эдгээр шинж тэмдгүүд илэрвэл, биед тань магни, кали дутагдсаны илрэл билээ. Харин та эдгээр бодисыг биедээ хуримтлуулахын тулд өдөр тутамдаа улаан лооль, жүрж, гадил, бууцай зэргийг түлхүү хэрэглээрэй. 

6 Үс болон хумс хугарах

Биед В витамин дутагдсан үед үс гэмтэж, хумс хэврэг болдог байна. Хэрэв танд тус нөхцөл байдал тулгарвал, илүү их сүү ууж, мөөг болон далайн байцаа идээрэй. 

7 Нүд тойрсон хүрээ үүсэх

50 болон түүнээс дээш настай хүмүүст тус шинж тэмдэг илрэх нь элбэг байдаг. Харин залуу хүмүүст энэхүү шинжүүд илэрч, нүд тойрсон хүрээ үүсэх нь холестрины түвшин их байгааг илэрхийлдэг бөгөөд эмчид хандахыг зөвлөдөг байна. 

Танд эрүүл энхийг хүсье!