1 Дарсны нөлөө

• Дарс нь чихрээр баялаг төдийгүй пестицид болон сульфитыг агуулдаг тул арьсыг хуурайшуулна. Хүний бие шингэнээ алдсанаар, элэг хэт их ачааллаж, хоол боловсруулах тогтолцоо удааширах бөгөөд маргааш нь гэхэд л арьс үрчлээтэж, улайж мэднэ. 
• Тус төрлийн согтууруулах ундааг удаан хугацааны турш хэрэглэснээр, гэдэсний нянгийн үйл ажиллагаа алдагдаж, маш олон өвчний суурь тавигдана. 
• Хэрхэн ангижрах вэ?: Дор хаяж 3 долоо хоног согтууруулах ундаанаас татгалзаарай. Энэ хугацаанд таны арьс нөхөн төлжиж, сэргэх болно. Мөн цаашдаа 80:20 гэсэн дүрмийг баримталж, долоо хоногт уух шаардлага гарсан тохиолдлын 20 хувьд нь зөвшөөрч, үлдсэн 80 хувийн тохиолдолд эсэргүүцэх хэрэгтэй.

2 Сүүний нөлөө

• Та кофе уух бүртээ сүү нэмж, өдөр бүр сүүтэй зайрмаг идсээр байвал, таны арьсанд нөлөөлж, асуудал үүсгэнэ. Бид нас ахих тусам арьсны уян хатан байдал алдагдах бөгөөд үрэвсэж эхлэх юм. 
• Хэрэв нүүр тань хавагнаж, өнгөө алдаж, гундсан харагдаж байвал хэдэн долоо хоног сүү, сүүн бүтээгдэхүүн бүү хэрэглээрэй. Царай төрх тань шингэрч, хэвийн байдалдаа орох болно. 

3 Чихрийн нөлөө

• Элсэн чихрийг их хэмжээгээр хэрэглэх нь илүүдэл жинтэй болгодог гэдгийг бид мэднэ. Гэхдээ энэ нь арьсыг ч мөн гэмтээдэг аж. Элсэн чихэр нь гликацийг идэвхжүүлж, глюкозын молекулыг коллагентай нийлүүлэх бөгөөд үүнээс болж арьсны уян хатан чанар алдагдаж арьс өнгөө алдаж, үрчлээтнэ.
• Арьсыг тань аварч, гэрэлтсэн болгох ганц зам бол чихрийн хэрэглээгээ багасгах юм. 

4 Целиак буюу глютен

• Таны бие "глютен" уургийг боловсруулж чадахгүй байгаа тохиолдолд, дээрх шинж тэмдгүүд илэрнэ. Глютен нь улаан буудай, хөх тариа, овъёос, арвай болон зарим төрлийн ундаа (шар айраг, виски, архи) зэрэгт агуулагдана.  
• Та глютен боловсруулж чадахгүй байгаагаас болж, арьс гэмтсэн эсэхийг шалгаж үзэхийн тулд 2-3 долоо хоног глютений агууламжтай хоол хүнснээс татгалзах хэрэгтэй. Харин 2 долоо хоногийн дараа ч нүүрэн дээрх асуудал алга болоогүй бол шалтгаан нь өөр зүйл байх магадлалтай. Ямартай ч та цагаан гурилан бүтээгдэхүүн хэрэглэж болохгүйг анхаар.