1
Эвгүй үнэрийг дарна
Энэ нь төрөл бүрийн эвгүй үнэрийг дарна.
- Сонгино, сармис, загасыг хэрчиж, бэлтгэсний дараа гартаа ам зайлагч түрхэж, угаагаарай.
- Харин хөлийн эвгүй үнэрийг дарахын тулд багахан ам зайлагчийг хөлөндөө түрхэж, иллэг хийж болно.
- Гал тогооны эвгүй үнэрийг арилгахын тулд ам зайлагчийг хөвөн, даавуунд шингээж, үнэр гарч байгаа хэсгийг арчаарай.
2
Хөлийн мөөгөнцрийг эмчилнэ
Ижил хэмжээтэй ам зайлагч, цагаан цууг хольж, бэлтгээд хөвөнд шингээж, хумсаа арчиж байгаарай. Энэхүү аргыг өдөрт 2-3 удаа хэрэглэх бөгөөд 2 долоо хоногийн дараа гэхэд үр дүнгээ үзүүлнэ. Ам зайлагч нь бактерийн эсрэг үйлчилгээтэй тул хумсны мөөгөнцрийг эмчлэхэд онцгой тустай юм.
3
Хагийг арилгана
Ам зайлагчийг ашиглаж, үсний хагнаасаа салах боломжтой. Ижил хэмжээтэй ус болон ам зайлагчийг нэгтгэж, бэлтгэнэ. Үүнийгээ хуйхандаа түрхэж, 5 минут болгосны дараа шампуниар угаах хэрэгтэй.
4
Шумууланд хазуулсан шархыг эмчилнэ
Шумууланд хазуулсан тохиолдолд, бага зэрэг ам зайлагчийг хөвөнд шингээж, тухайн хэсгээ арчихад хангалттай. Загатнах, өвдөх нь багасч, удахгүй эдгэрэх болно.
5
Нүүрний тоник болгон ашиглах
Хэрвээ танд нүүрний тоник байхгүй бол, ам зайлагчийг оронд нь ашиглаарай. Энэ нь нүүрний будгийг арилгаад зогсохгүй, батгыг эмчилдэг. Гэхдээ та эмзэг арьстай бол үүнийг хэрэглэхээс татгалзвал зохино.
6
Шархыг эдгээнэ
Хэрэв та саяхан шивээс, цоолбор (piercing) хийлгэсэн бол, ам зайлагчийг хөвөнд шингээж арчаарай. Өдөр бүр үүнийг түрхэснээр, шарх богино хугацаанд эдгэрэх болно.
7
Хөхрөлт арилгана
Биеийн тань хаа нэгтээ хөхөрсөн бол, ам зайлагчийг хөвөнд шингээж арчаарай. Биеийн хөхрөлт, улайлт мэдэгдэхүйц багасах болно.
8
Үнэр дарагч болгон ашиглах
Суга тань хөлөрдөг бол хөлс дарагчийн оронд ам зайлагчийг ашиглаж болдог. Ам зайлагчийг хөвөнд шингээж, хөлөрсөн хэсгээ арчихад хангалттай.
9
Бөөсийг үгүй хийнэ
Багахан ам зайлагчыг гартаа авч, 15-20 минутын турш үсэндээ иллэг хийгээрэй. Товлосон цаг болмогц үсээ цэвэр усаар угаана.
10
Хөлийг амраана
Өдөржин алхаад хөл тань ядарсан бол, бүлээн усанд 2-3 аяга ам зайлагч шингэнээс хийж, 15 минут орчим хөлөө дүрээрэй. Хөл тань амарч, тухтай байдлыг мэдрэх болно.
11
Шил, савыг цэвэрлэнэ
Шилний дотор талыг цэвэрлэх нь, үргэлж төвөгтэй асуудлуудын нэг байсаар ирсэн. Харин үүнийг цэвэрлэхдээ ам зайлагчийг хэрэглэж болох юм. 1:3 харьцаатай ам зайлагч, усыг нэгтгэж, шилний дотор талыг угаагаарай.
12
Шүдний сойзыг цэвэрлэнэ
Ам зайлагч нь бактерийн эсрэг үйлчилгээтэй болохыг дээр дурдсан. Харин та үүнийг ашиглаж, шүдний сойзоо цэвэрлэх боломжтой. Саванд ам зайлагч шингэнээс хийж бэлтгээд, дотор нь шүдний сойзоо хийж орхиорой. 4-5 минутын дараа сойзоо гаргаж, халуун усаар угаана.
13
Нүдний шилийг цэвэрлэнэ
Ам зайлагч шингэнийг хөвөнд шингээж, нүдний шилээ арчаад үзээрэй. Шил тань гялалзаж, гайхалтай өнгө орох болно.
14
Угаалгын өрөөгөө цэвэрлэх
1 аяга усыг, тал аяга ам зайлагчтай хольж, үүнийгээ суултуураа тойруулан асгаж, 1 цаг байлгах хэрэгтэй. Дараа нь үүнийгээ сойтгоор үрж угаана. Ингэснээр суултуур тань яг л шинэ мэт гялалзах болно.
15
Шумуулыг хөөж явуулна
Шавж, хорхой нь гааны үнэрээс зугтдаг. Тиймээс та ижил хэмжээтэй ус, ам зайлагчийг нэгтгэж, гэрийнхээ өнцөг булан бүрт цацаарай.
16
Цэцгийг сэргээнэ
500 гр усанд цэцэг хийснээ дараа, 3 аяга ам зайлагчийг нэмээрэй. Ингэснээр тухайн цэцэг шинээрээ илүү удаан амьдрах болно.
