1
Хонь
Сайхан хосууд болно. Хоёулаа шударга шулуун зантай учраас ямар нэгэн зүйл болж бүтэхгүй байх үед хэлье гэснээ бие биедээ төвөггүй хэлнэ. Мөн хамтдаа хэрхэн хөгжилдөж, аз жаргалтай байхаа сайн мэднэ. Гэвч амьдралд тохиолдох олон асуудлуудаас улбаалж, хоорондоо ам зөрөх үед хэн хэндээ хүлээцтэй байгаарай.
2
Үхэр
Тэд бол төрөлхийн зөрүүд хэрнээ аливаа зүйлийг удаан эргэцүүлж боддог хүмүүс юм. Тиймээс хоёр үхэр хамтдаа урагшлахыг хүсч байвал, бие биедээ харилцан буулт хийж өгөхөөс өөр аргагүй нөхцөл байдал үүснэ. Түүнчлэн нэгнийхээ хувийн орон зай руу хэт халдах гэсний хэрэггүй болов уу. Олон зүйл дээр санал зөрөлдөх боловч, хайр сэтгэлийн тал дээр тэд хамтдаа ухаалаг шийдвэр гаргаж чаддаг байна.
3
Ихэр
Тэд тааварлашгүй хүмүүс бөгөөд хэзээ ч нэгнийгээ уйтгарлуулах зүйл хийдэггүй. Гэвч цаг хугацаа өнгөрөх тусам тэдний хайр сэтгэл бага багаар хөрөх хандлагатай байдаг. Иймд өмнөө тулгарсан асуудлыг тоолгүй өнгөрөх биш, даван туулах нь чухал юм. Ингэж чадвал та хоёрыг гэрэлт ирээдүй хүлээж байна.
4
Мэлхий
Ижилхэн зан чанартайгаас гадна, хоорондоо төгс зохицох ордууд бол мэлхийнүүд юм. Энэ ордны хүмүүс гэр бүлдээ анхаарал хандуулж, тав тухтай амьдрахыг эрхэмлэдэг. Өөрөөр хэлбэл тэдэнд гэр бүлийн халуун дулаан уур амьсгал бүхнээс илүү чухал байдаг аж. Харин сексийн тал дээр бага зэрэг асуудалтай байж мэдэх юм.
5
Арслан
Арслангуудын хайр дурлал эхэндээ гайхалтай байдаг боловч, сүүл рүүгээ амтгүй болох нь бий. Учир нь тэдний аль аль нь дүрэм журам сахиж, олон зүйлд хэмжүүр тогтоодог байна. Өдөр тутмын сексийн харилцаа болон бие биедээ хэлж буй үгэндээ анхаарахгүй бол, хамтдаа бүтээсэн бүхэн тань салхинд хийсч мэдэх аюултай аж. Харин харилцаагаа цааш хэвийн үргэлжлүүлэхийг хүсч байвал, бие биенийгээ цаг ямагт хүндэтгэж байгаарай.
6
Охин
Хамтдаа урагшилж, хөдөлмөрлөж чадвал та хоёрыг диваажин мэт амьдрал хүлээж байна. Харин хамтрагчаа хэзээ ч бүү шүүмжилж, өөрчлөх гэж хичээгээрэй. Энэ нь та хоёрын бат бөх харилцааг нурааж мэдэх юм. Харин үүний оронд чөлөөт цаг заваа хоёр биедээ зориулж, сонирхол татам зүйлс хийгээрэй.
7
Жинлүүр
Хэрвээ жинлүүрүүд бие биенийгээ харилцан хүндэтгэж чадвал, гайхалтай хайр сэтгэлийг бий болгож чаддаг байна. Харин худал хэлэх, хүйтэн хөндий харилцах, амиа бодох зэргээс болж, өөр өөрийн замаа хөөхөд хүрэх нь бий. Иймд аливаа зүйлийн хязгаарыг хэзээ ч бүү даваарай гэж зөвлөе.
8
Хилэнц
Дур хүсэл, аюул, нууц - Эдгээр үгсээр хилэнцүүдийн хайр сэтгэлийг илэрхийлж болно. Итгэлцэл бол тэдний хайр урт хугацаанд үргэлжлэх үндэс юм. Хосуудын хэн нэг нь хувиа хичээж, хамтрагчаа үл ойшоож эхэлвэл, энэ харилцаа там болж хувирдаг аж. Иймээс сэтгэл хөдлөл, үзэл бодлоо бие биетэйгээ байнга хуваалцаж, хоёр биедээ ямар эрхэм чухал хүмүүс болохоо харуулж байх хэрэгтэй аж.
9
Нум
Тэдний өөртөө итгэлтэй, биеэ даасан шинж чанар нь хоорондоо маш адилхан бөгөөд энэ нь зарим талаараа нумуудын харилцааг үгүй хийх үндэс болдог. Иймд хааяа ч болов бардам зангаа гээж, нэгнээ уучилж, хайрлаж, энэрч байх нь чухал юм. Салхинд хийсч буй хамхуул мэт хайр сэтгэлдээ хойрог хандвал ямар үр дүнд хүрэх нь хэнд ч гэсэн ойлгомжтой. Тэгэхээр өмнөө тависан зорилгоо ухамсарлацгааж, хүсэл мөрөөдөлдөө хамтдаа хүрээрэй.
10
Матар
Та хоёрт романтик байдал зохихгүй. Матрууд ихэвчлэн сэтгэл хөдлөл багатай, тайван хүмүүс байх нь бий. Хүн ямар ч нөхцөлд өөрийнхөөрөө байх хэрэгтэй боловч, хайр сэтгэлийн тал дээр өөрийн хувийн амбиц, ашиг сонирхлоо ил гаргах нь зөв алхам биш болов уу. Хайр сэтгэл нэгт байх ёстой гэдгийг анхаараарай.
11
Хумх
Хумхуудад бие биедээ харилцан нээлттэй байж, зовлон жаргалаа хуваалцаж чаддаг. Иймээс тэд хосууд байснаас найзууд байх нь илүү дээр байдаг аж. Хумхууд нэгнийхээ сэтгэл санааг хуваалцах нэрийдлээр хувийн орон зай руу нь халдах хандлагатай байдаг. Энэ нь тэдэнд асуудал тарих нь бий.
12
Загас
Тэд бол төрөлхийн мөрөөдөгчид юм. Энэ нь нэг бол харилцаанд нь сайн зүйл авчирна, эсвэл муу зүйл авчирдаг аж. Загаснууд хамтдаа ямар ч асуудлыг даван туулах чадвартай байдаг. Харин санхүүгийн тал дээр хоорондоо үл ойлголцож, саад бэрхшээлүүдтэй нүүр тулах тохиолдол олон гардаг байна.
