1 Чили

• Улаан усан үзэм ашиглаж, гэрэлтсэн арьстай болох:

Чили улсын бүсгүйчүүд улаан усан үзэмд агуулагдах антиоксидантыг ашиглаж, арьсаа гэрэлтсэн болгодог байна. Усан үзмээ 2 хоолны халбага гурилтай хамт блендэр буюу холигчинд хийж бэлтгэнэ. Үүнийгээ нүүрэндээ түрхэж, 10 минут болсны дараа угаагаарай. Тус маскыг өглөө түрхэхэд тохиромжтой. 

2 Япон

• Хуурай энгэсэг түрхэх хэмжээг багасгах: Арьс бага зэрэг гялалзуулж байх хэрэгтэй. Францууд үүнийг үзэсгэлэнтэй, "натурал" харагдаж байна гэж үздэг. Хэт их хуурай энгэсэг түрхэх нь арьсны нүхийг бөглөж, үрэвсэл үүсгэх нь бий.
• Өдөр тутмын нүүрний иллэг: Нүүрийг уян хатан байлгахаас гадна, хүчил төрөгчөөр тэтгэж байх хэрэгтэй. Та нүүрэндээ иллэг хийхдээ төрөл бүрийн тос ашиглаж болох бөгөөд хамгийн гол нь өөрийн арьсны онцлогт тохирох тосыг сонгоорой.
• Будаагаар угаах:

​1. Будаагаа кофе бутлагчинд хийж, нунтаг болгоорой.

2. Үүнийгээ бүлээн устай хольж, зуурмаг болгоно.

3. Бэлтгэсэн маскаа чийгтэй нүүрэндээ түрхэж, иллэг хийх хэрэгтэй. Дараа нь усаар угааж цэвэрлэнэ.  

3 Испани

• Төмс ашиглаж, нүдний доорх хар хүрээг арилгах: 

Төмсөө нимгэн зүсч бэлтгэнэ. Үүнийгээ аниатай нүдэн дээр тавьж, 10 минут байлгаарай. 

4 Турк

• Хаш чулуун иллэг хийх хэрэгсэл (Jade roller): Хаш чулуугаар хийсэн, иллэг хийх зориулалттай тусгай хэрэгслийг тогтмол ашигладаг. Энэ нь цусны эргэлтийг сайжруулах тустай.
• Гадир жимсний "лосьон" болон маск (Айва): Тус маск нь тослог арьстай хүмүүст нэн тохиромжтой.

Маск бэлтгэх арга: Гадир жимсээ үрж, дээр нь нэг ширхэг өндөгний цагаан нэмээрэй. Үүнийгээ нүүрэндээ түрхэж, 10 минут байлгасны дараа угаана.

"Лосьон" бэлтгэх арга: Жимсээ үрж, шүүсийг нь ялгаж аваарай. Үүнийг өглөө, оройдоо нүүрэндээ түрхэх хэрэгтэй. 

5 ОХУ

• Нүүрээ цэвэрлэж, ууранд утах: 1 литр усанд 2 халбага алтан товч цэцгийн ханд хийж буцалгана. Үүндээ нүүрээ ойртуулж, 20 минут утаарай. Дараа нь "скраб" ашиглаж, үхэжсэн арьсаа гуужуулна.
• Мөсөөр арчих: Энэ нь арьсны эсийг сэргээж, "коллаген" ялгаруулалтыг нэмэгдүүлдэг. Арьсыг сэргэг, чанга болгох юм. Тус аргыг өглөө хэрэглэхэд тохиромжтой.
• Овъёосоор бэлтгэсэн скраб: Арьсыг чангалж, чийгшүүлнэ.

Блендэрт хийж нунтагласан овъёосноос 2 халбагыг авч, 1 халбага зөгийн бал, 1 халбага тос (кокос, олив, бүйлс гэхчлэн төрөл бүрийн тос)-той хольж бэлтгэнэ.

Бүх орцоо сайтар хольж, нүүрэндээ түрхээд 2-3 минут үрээрэй. Дараа нь усаар угааж, цэвэрлэх хэрэгтэй. 

6 Грек

• Зөв хооллолт: Грек бүсгүйчүүд витамин болон антиоксидантаар баялаг жимс, хүнсний ногоог тогмол хэрэглэхээс гадна "Омега 3, 6" агуулсан загасыг их хэмжээгээр иддэг байна.
• Оливын тос: Оливын тосоор нүүрэндээ иллэг хийснээр арьс эрүүл, гялалзсан болдог.
• Куркумагаар хийсэн маск: Энэхүү маск нь бактерийн эсрэг үйлчилгээтэй бөгөөд арьсыг цэвэрлэдэг. 1:1 харьцаатай куркума болон зөгийн балыг хольж, маскаа бэлтгэнэ. Долоо хоногт 2 удаа хэрэглэхэд хангалттай бөгөөд 10 удаа хэрэглэхэд 1 курс болно. 
• Илүүдэл үс авах маск: Биед ургасан илүүдэл үсийг авч, удаан хугацаанд ургуулахгүй. 

10 гр нимбэгний шүүсийг 1 аяга ус, 30 гр гурилтай хольж, зуурна. Үүнийгээ арьсандаа түрхэж, 15 минут байлгах хэрэгтэй. Маск хатмагц, дээр нь алчуураар дарж, үсний ширхэгийн дагуу арчиж, илүүдэл үсийг аваарай.