1
Хувцсаа угаах
Хүүхдээ бусад шиг хувцсаа угаахаас залхуурдаг нэгэн болгож хэрхэвч болохгүй. 6 нас хүрмэгц нь хувцсаа хэрхэн угаахыг бага багаар зааж өгөх хэрэгтэй юм. Харин ингэхдээ цоо шинэ мэт болтол нь угааж сургахаас илүүтэй, хувцсыг нь бүрэн гүйцэд угаалгаж сургаарай.
2
Угаалгын өрөө цэвэрлэх
Угаалгын өрөө цэвэрлүүлж сургах нь хүүхдэд ихээхэн ач тустай байдаг. Сургуулийн насны хүүхдүүд 00-ын суултуур, хана зэргийг алчуур болон угаалгын бодис ашиглан цэвэрлэх бүрэн боломжтой юм. Харин үүний дараа гараа угаах хэрэгтэйг зааж өгөхөө мартуузай.
3
Захидал бичих
Хүүхдүүдээ гэр бүлийнхээ хэн нэг гишүүнд захидал бичиж, түүнийгээ шуудангийн хайрцганд хийх юм уу, эсвэл и-мэйлээр явуулж сургаарай. Тэдэнд захидал бичихэд он сар өдөр, мэндчилгээ, захидлын агуулга, захидал бичиж буй хүний нэрийг заавал бичих ёстойг мөн зааж өгөөрэй.
4
Юм хадах
Хүүхэддээ бяцхан алх, болон зөөлөн, модон материалтай тавцан өгч, хэрхэн юм хадахыг зааж өгөөрэй. Мөн том тавтай хадаас өгөх хэрэгтэй бөгөөд үүнийхээ дараа хүүхдээ бэлэн болмогц, модон тавцан руу хадаасыг хадуулаарай. Ингэхдээ эрхий болон долоовор хуруугаараа хадаасаа тогтоох ёстой гэдгийг хэлж өгөх хэрэгтэйгээс гадна, хуруунуудаа гэмтээлгүй, болгоомжтой байхыг сануулах нь зүйтэй.
5
Бэлэг бэлдэх
Хэн нэгэнд өөрийн гараар бэлэг бэлдэж өгөх сайхан байдаг шүү дээ. Тиймээс хүүхдэдээ үүнийг ч бас зааж өгөөрэй. Хүүхэд бэлтгэл ангид байхаасаа эхлэн, цаас хайчилж, цавуугаар юм нааж сурдаг. Тэгэхээр та хүүхэддээ хэрэг болох материалыг нь бэлдэж өгөөд, багахан тусалж, гоёмсог бэлэг болон бэлэгний уутыг хийлгээрэй.
6
Хөнгөн зууш бэлтгэх
Хүүхэд 5 настайгаасаа эхлэн хачиртай талх болон коктэйль хийж сурдаг байна. Харин 7 болон 8 нас хүрмэгцээ салат, хөнгөн зууш хийж чаддаг аж. Тэгвэл 10 настайдаа хоол хийх боломжтой байдаг учраас та хүүхдэдээ хэрхэн хөнгөн зууш болон хоол бэлтгэхийг зааж өгөөрэй. Харин гараа түлэх, хуруугаа хэрчих зэрэг аюулыг яаж урьдчилан тооцоолох ёстойг хэлж өгөхөө бүү мартаарай.
