1
Үргэлж яагаад гэж асуудаг
Тэд төрөлхийн сониуч хүмүүс бөгөөд ойлгохгүй, мэдэхгүй зүйлээ яагаад гэж дандаа асуудаг. Энэ зан чанар нь тэдний мэдлэгийн цар хүрээг улам тэлдгээс гадна, бусадтай харилцан ярих чадварыг нь хөгжүүлдэг байна. Ихэнх хүмүүс өөрт хэрэгтэй зүйлээ л мэдэхийг хүсдэг бол, энэ төрлийн хүмүүс аливаа зүйлсийг хэрэгтэй, хэрэггүй гэж ялгадаггүй ажээ.
2
Бусдаар удирдуулах дургүй
Бусдын удирдлаган дор ажлаа хийж, дээд албан тушаалтнаас суралцахаас илүүтэй өөрөө гардаж, ямар нэгэн зүйл хийхийг таашаадаг. Энэ нь тэдний төрөлхийн удирдагч зан чанартай холбоотой юм.
3
Сайхан сэтгэлтэй
"Индиго" хүмүүс бусдыг зовж, зүдэрч байхад зүгээр хараад суухыг хүсдэггүй бөгөөд байнга тусламжийн гараа сунгахыг эрхэмлэдэг. Сайхан сэтгэлийн эх ундарга болсон хүмүүс гэж ерөнхийдөө хэлж болох юм.
4
Амьтанд хайртай
Амьтан тэжээж, асран хамгаалах нь энэ төрлийн хүмүүсийн хамгийн түгээмэл хоббинуудын нэг гэж хэлж болно. Учир нь тэд амьтдыг өхөөрдөм хөөрхөн гэж боддогоос гадна, хүний анд нөхөр гэж үзэх нь бий.
5
Амархан сэтгэлээр унадаг
Их, бага гэлтгүй зүйлд амархан гомдож туньдаг хүмүүс бол "Индиго"-чууд билээ. Сайхан сэтгэлтэй учраас бусдад тэр дорхноо итгэдэг нь тэдний хамгийн том сул тал гэж хэлэхэд болно.
6
Зөн совинтой
Мэдээж хэрэг "Индиго" хүмүүсийн зөн совин бусдынхтай харьцуулах аргагүй өндөр байдаг. Тэдний бодож, санасан зүйлс эрт оройгүй биеллээ олох нь бий. Түүнчлэн санамсаргүй байдлаар цаг руу харахад ижил тоонууд хардаг нь эдгээр хүмүүсийн амьдралд ямар нэгэн ер бусын нөлөөлөл байдаг байж магадгүй гэсэн бодлыг бусдад төрүүлдэг байна.
7
Дотоод сэтгэлийн хүч сайтай
Эдгээр хүмүүсийн хамгийн өвөрмөц зан чанар бол дотоод сэтгэлийн асар их хүч юм. Нэг ёсондоо тэд амархан сэтгэлээр унадаг ч гэлээ, асуудлыг шийдвэрлэх арга ухаан, хүч чадал, итгэл үнэмшил сэтгэл дотор нь оргилж байдаг ажээ.
