1
Калори ихтэй зүйл уухгүй байх
Төрөл бүрийн хийжүүлсэн ундаа болон жүүснүүд их хэмжээний сахарын агууламжтай байдаг. Эдгээр бүтээгдэхүүнүүдийг өдөр тутмын амьдралдаа хэрэглээд байвал цусан дахь сахарын хэмжээ ихэсдэг бөгөөд жин нэмэх, чихрийн шижин өвчин тусах үндэс болдог байна. Тиймээс та аль болох ус ууж хэвшээрэй.
2
Уураг, амин дэмээр баялаг хоол хүнс хэрэглэх
Магадгүй уураг, амин дэмээр баялаг хоол хүнс нь эхэндээ онцгүй амттай санагдаж болох хэдий ч, таны эрүүл мэндэд асар их хэрэгтэй гэдгийг хэрхэвч мартаж болохгүй. Ийм хоол хүнсэнд загас болон тахианы мах, өндөг, өргөст хэмх, байцаа, лууван зэрэг төрөл бүрийн хүнсний ногоо багтдаг байна. Эдгээр хоол хүнсийг идэж хэвшвэл аяндаа сахарын агууламж ихтэй хоол хүнснээс татгалзах болно.
3
Өөх тосны агууламжтай хоол хүнс идэх
Хүмүүсийн дийлэнх нь өөх, тосны найрлагагүй хоол хүнс өдөр тутмын амьдралдаа авч хэрэглэхийг эрхэмлэдэг нь буруу болохыг эрдэмтэд тогтоожээ. Учир нь өөх, тос нь амттан идэх дуршлыг бууруулж, цусан дахь сахарын хэмжээг тэнцвэртэй байлгах ач тустай гэнэ. Тиймээс өөх, тос агуулсан оливын тос, самар, мах зэргийг хоол хүнсэндээ хэрэглэхийг танд зөвлөж байна. Харин хэтрүүлж болохгүйг анхаараарай.
4
Өлсөх үедээ хөнгөн зүйлээр ходоодоо хуурах
Хүмүүсийн бас нэг гаргадаг нийтлэг алдаа бол өлслөө гээд хамаагүй идэх явдал юм. Өлсөх болгондоо идээд байвал богино хугацаанд жин нэмж, таргалахад хүрдэг аж. Тэгвэл өлсөх үедээ жимс жимсгэнэ ч юм уу, эсвэл самар идэж ходоодоо хуурч байгаарай.
5
Амьсгалын дасгал хийх
Саяхны нэгэн судалгаагаар өлсөх нь зарим тохиолдолд стресс, уур бухимдлаас үүдэлтэй байж болзошгүйг эрдэмтэд олж тогтоожээ. Тэгвэл үүнээс сэргийлэхийн тулд гүнзгий амьсгаа авч, гаргах хэрэгтэй бөгөөд ингэснээр стрессээс ялгардаг "кортисол" гэгч гормонийг багасгадаг байна.
6
Сайн унтаж амрах
Олигтой унтаж амралгүй, дутуу нойртой явах нь эрч хүчийг үгүй хийдэг. Улмаар дархлааны систем доголдож, сахарын хэмжээг хянаж чадахаа байдаг ажээ. Үүний тулд та өдөрт дор хаяж 8 цаг унтаж байх ёстой юм.
Эдгээр аргуудыг та хамгийн багадаа 10 хоног тасралтгүй, тууштай хэрэгжүүлээд үзээрэй. Үр дүнд нь таны амттай зүйл идэх дуршил багасгахаас гадна, таргалах, чихрийн шижин өвчин тусахаас сэргийлэх ач тустай юм.
