Хамтран ажиллах тухай

Эрхэм таны энэ өдрийн амар амгаланг айлтган мэндчилж байна,

“Монголын Үндэсний Маркетингийн Холбоо”/МҮМХ/ нь 2008 оноос хойш маркетингийн салбарт үйл ажиллагаа явуулж байгаа мэргэжлийн байгууллага юм. 2013 оноос эхлэн жил бүрийн 10 сарын 20-ны өдрийг “Монголын Маркетеруудын өдөр” болгох санаачлагыг гарган 4 дэх жилдээ чуулган болон бусад ажлыг зохион байгуулсан. Чуулганд жил бүр дунджаар 850-1000 маркетер, бизнес эрхлэгчид оролцдог бөгөөд салбарын хамгийн том нэгдэл болоод байна.

МҮМХ нь 2017 оныг “Хамтын ажиллагааны жил” болгон зарласан бөгөөд маркетерууддаа, гишүүддээ зориулан олон талд ажлууд төлөвлөөд байна. Тиймээс  та бүхнийг дараах чиглэлээр хамтран ажиллахыг хүсэж байна.

1. Байгууллагын маркетингийн албаны ажилтнуудаа МҮМХ-ны гишүүнээр элсүүлж, холбооны үйл ажиллгаанд идэвхитэй оролцуулах, төрөл бүрийн сургалтанд хамруулан ур чадвар, мэдлэгийг нь хөгжүүлэх.
2. Мэргэшсэн хүний нөөцийн хэрэгцээ шаардлага байгаа бол холбооны санд бүртгэлтэй байгаа ажил горилогчдоос сонгох, захиалга өгөх.
3. Холбооны гишүүдэд өөрийн байгууллагын бүтээгдэхүүн үйлчилгээг хөнгөлөлтэй үнээр худалдах, борлуулах.

МҮМХ нь маркетингийн шинжлэх ухаан, маркетеруудын ур чадварыг хөгжүүлэх чиглэлээр төр, хувийн хэвшлийн бүхий л байгууллагуудтай нягт хамтран ажиллахад бэлэн байна.