1 Цонх цэвэрлэх

Цонхныхоо шилийг өөгүй гялалзуулахыг хүсвэл та 1:10 харьцаатайгаар аммиак, усыг хольж арчаарай. Дараа нь цонхоо хуурай болтол нь зүлгэнэ. Бас түүхий төмсийг голоор нь хувааж байгаад арчиж болдог ажээ. Үүнийхээ дараа ердөө л цэвэрхэн даавуугаар арчиж, төмснийхөө шүүсийг арилгаарай. 

2 Шал арчих

Модон шалыг ус болон цагаан цуугаар угаах нь маш үр дүнтэй. Нэг литр усанд 1/4 аяга цагаан цуу хийгээд л шидэт уусмал бэлэн болох юм. 

3 Угаалгын машинаа цэвэрлэх

Угаалгын машиныхаа үйл ажиллагааг доголдуулахгүйн тулд тогтмол цэвэрлэж байх хэрэгтэй билээ. Харин үүний тулд та хоосон угаалгын машиндаа 80 гр нимбэгийн хүчил болон халуун ус хийгээд угаалгын машинаа ажиллуулаарай. 

4 Угаалгын өрөөнийхөө зэвийг арилгах

Керамик шалаа цэвэрлэхийн тулд цагаан цуу болон хүнсний сода хольж, бохир газраа түрхээд хэдэн минут байлгана. Дараа нь усаар угааж, хуурай даавуугаар арчаарай. 

5 Толио гялалзуулах

Толио гялалзуулахын тулд та тосон өнгөрийг нь арилгах хэрэгтэй. Харин үүний тулд цонх арчихад хэрэглэж байсан уусмал дээрээ 2 халбага архи хийхэд болох юм. 

6 Махны модоо ариутгах

Махны модон дээрээ элдэв нян үржүүлэхгүйн тулд нимбэгийг голоор нь хуваагаад давс цацаж зүлгээрэй. Дараа нь үлдсэн тал нимбэгээрээ арчиж, халуун усаар угаагаарай. 

7 Хивс цэвэрлэх

Хүнсний сода, эрдэнэ шишийн цардуулыг хольж хивсэн дээрээ түрхээд 10-15 минут байлгана. Энэ арга нь хивсэнд гүн тогтсон бохирыг цэвэрлээд зогсохгүй, гэр дэх эвгүй үнэрийг дардаг ажээ. 

8 Эвгүй үнэрийг арилгах

Хөргөгчний эвгүй үнэрийг дарахын тулд усанд нимбэгний шүүс хольж угаагаарай. Мөн бага зэрэг хүнсний сода нэмж болох юм. Ингэвэл хөргөгчинд тогтсон элдэв өнгөрийг арилгахад амар болдог билээ. 

9 Угаалгын өрөө цэвэрлэх

Шүршүүрийн шилэн хаалгыг угаахын тулд хүнсний сода юм уу, нимбэг ашиглаарай. Сойзон дээрээ хүнсний сода хийгээд хана, хаалгаа цэвэрхэн болтол нь үрнэ. Дараа нь ердөө усаар зайлахад болох юм. Мөн долоо хоногт нэг удаа нимбэг зүсч хаалгандаа түрхэн, 10-15 минут байлгаад мөн л усаар угааж цэвэрлээрэй. 

10 Шарах шүүгээгээ цэвэрлэх

Тал аяга усанд нэг аяга хүнсний сода хийнэ. Үүнийгээ шарах шүүгээнийхээ шилэн хаалганд жигдхэн тарааж түрхэн, 15 минут байлгаад усаар угааж, зөөлөн даавуугаар хуурай болтол нь арчаарай.  Дараа нь цагаан цуугаар шүршээд дахин 15 минут хүлээнэ. Ингээд хуурай даавуугаар арчихад бүх өөх тос нь арилж, гялалзах ажээ. 

Та эдгээр аргуудыг заавал туршиж үзээрэй. Мөн найз нөхөддөө дуулгаж, туршлага солилцоорой.