1 "The Andromeda Strain"

1971 онд олны хүртээл болсон энэхүү киног Майкл Крихтон (Michael Crichton)-ийн зохиолоос сэдэвлэн бүтээсэн бөгөөд гол үйл явдал нь сансрын хиймэл дагуул сүйрч, нэгэн жижиг тосгонд унадаг бөгөөд үүнээс үүдэж, хүн бүрийн аминд хүрэхээр аюултай вирус дэлхий даяар тархаж байгаа тухай гардаг байна. Түүнээс гадна уг кинонд байгалийн болон дархлаа судлалын хэллэгүүдийг нэлээн их ашигласан байна.

2 "Finding Nemo"

2003 онд нээлтээ хийсэн хүүхэлдэйн кино тухайн үедээ кино сонирхогчдыг тэр дундаа хүүхэд багачуудыг байлдаг дагуулж байсан билээ. Тэгвэл уг хүүхэлдэйн киног хийсэн уран бүтээлчид усанд сэлэлтээр хичээллэж, мэргэжлийн багийнхантай цуг далайн гүнд урт хугацааны судалгаа хийсэн байна. Энэ нь хүүхэлдэйн киног бодит амьдралтай илүү ойр байлгах гэсэн зорилготой холбоотой аж. 

3 "Deep Impact"

1998 онд үзэгчдийн хүртээл болсон энэхүү кинонд жижиг хэмжээний сүүлт од дэлхий дээр унаж байгаа тухай гардаг бөгөөд 2007 онд "NASA" кино багийнхны хийсэн судалгааны ажлыг өөрсдийн шинэ туршилтандаа ашиглаж байжээ. Түүнчлэн уг киног бүтээхийн тулд сүйлийн үеийн шинэ технологийг нэвтрүүлж, дэлгэцийн бүтээлд шинэ хувьсал авчирсан юмсанж.

4 "Interstellar"

Шинжлэх ухааны уран зөгнөлт кино гарсан даруйдаа хэсэг хугацаанд "Box Office"-ийг тэргүүлж байсан бөгөөд 2014 онд нээлтээ хийсэн билээ. Гараг ертөнц хоорондын холбоо, агаар мандал, нар, сар, огторгуй дахь хүмүүсийн тэр бүр мэдэхгүй ойлголтуудыг уг киногоор хүргэхийг зорьсон бөгөөд эрдэмтдийн сүүлийн үед анхаарлаа хандуулах болсон "Хар нүх" болон дэлхийн сүйрлийн тухай өгүүлдэг байна.

5 "Eternal Sunshine of the Spotless Mind"

Энэхүү киног бодит амьдрал дээрх ой санамжаа алдсан олон мянган хүмүүсийн бодит амьдралаас сэдэвлэн бүтээсэн бөгөөд 2004 онд олон нийтийн хүртээл болж байжээ.

6 "2001: A Space Odyssey"

Тэртээх 1968 онд нээлтээ хийж байсан энэхүү кино нь уран зөгнөлт, шинжлэх ухааны төрлийн кино юм. Уг кинонд гараг ертөнцийн өвөрмөц онцлог болон огторгуйд хөөрсөн Одиссей хөлгийн тухай гардаг байна.

7 "Minority Report"

Уг кинонд бодит амьдрал дээрх хууль сахиулагчдын ажил үүргээ гүйцэтгэхдээ ашиглах болсон жолоочгүй автомашин, нууц код тайлдаг тусгай програм болон голограм зэрэг техник технологийн дэвшлүүдийг танилцуулж байжээ. Онц сонирхолтой, адал явдалт төрлийн энэхүү кино 2002 онд гарч байв.

8 "A Beautiful Mind"

Кинонд математикийн олон төрлийн нэр томъёог ашигладаг бөгөөд үүний тулд кино багийнхан математикийн хичээлд дахин суух шаардлагтай болсон байна. Гэвч 2001 онд нээлтээ хийсэн энэхүү киног олон хүмүүс бодит амьдралаас хэт зөрсөн хэмээн шүүмжилж байжээ.

9 "The Fountain"

"The Fountain" буюу "Усан оргилуур" хэмээх киног үзсэн ямар ч хүн өөрийн эрхгүй толгой сэгсрэн гайхшралд орох бөгөөд төдий чинээ уулга алдуулсан гайхалтай кино болсон хэмээн үзэгчдээс өндөр үнэлгээ авч байсан аж. 2006 онд нээлтээ хийсэн уг кинонд хүний оюун ухаан, ой санамж, дурсамж зэргийг ямар гайхалтай болохыг тусган харуулжээ. 

10 "The Martian"

2015 онд нээлтээ хийсэн кинонуудаас хамгийн ихээр үзэгчдийн сэтгэлд хүрсэн цөөн хэдэн дэлгэцийн шилдэг бүтээлүүдийн нэг "The Martian" киног үзээгүй хүн гэж бараг байхгүй биз ээ. Кинонд Ангараг гараг руу судалгааны ажил хийхээр явсан багийн гишүүд таамаглаагүй байсан нөхцөл байдалтай нүүр тулгарч, зарим нь амь насаа алддаг байна. Улмаар амьд үлдсэн багийн гишүүд эргэн эх дэлхий рүү нисэх хэрэгтэй болдог бөгөөд энэ үед амь үрэгдсэн гэж үзэж байсан багийн нэг гишүүн үхээгүй байдаг бөгөөд тусламж ирэхийг хүлээж, эзэнгүй Ангараг гараг дээр ганцаараа хэрхэн амьдарч байгаа тухай гардаг байна. Хүн төрөлхтөн эртнээс Ангараг гараг дээр амьдрал байгаа эсэхийг судлаж байгаа бөгөөд 2030 он гэхэд хамгийн анхны багийг Ангараг гараг руу нисгэнэ хэмээн "NASA" мэдэгдээд байгаа юм.

11 "Gattaca"

Генийн өөрчлөлтийн тухай өгүүлэх энэхүү кино 1997 онд дэлхий даяар нээлтээ хийж байжээ. Шинжлэх ухаан, уран зөгнөлт төрлийн киног генийн өөрчлөлтөнд оруулж, туршилт хийж буй амьтдаас санаа авч, хийхээр болсон байна.

12 "Her"

Хайр сэтгэлийн тухай өгүүлэх "Her" киног хүмүүсийн бодит амьдрал дээрх бие биенээ гэх хайр сэтгэлийн холбооноос сэдэвлэн хийсэн бөгөөд 2013 онд нээлтээ хийж байжээ.

13 "Contact"

Зохиолч Карл Сэган (Carl Sagan)-ийн бичсэн зохиолоос сэдэвлэн бүтээсэн энэхүү кинонд харийнхан гэж байдаг эсэх талаар судалгаа хийж буй тухай гардаг бөгөөд 1997 онд нээлтээ хийж, олны хүртээл болох үедээ яахын аргагүй кино сонирхогчдыг дэлгэцийн өмнө уяж, чадсан чанартай бүтээл болж байжээ.

14 "Moon"

Саран дээр амьдрал байгаа эсэх, сар гэж чухам юу болох гэхчлэн шөнө болмогц туяаран харагдах саран авхайн тухай уг кинонд гардаг байна. 2009 онд олны хүртээл болж байжээ.

15 "The Hitchhikers Guide to the Galaxy"

Гараг ертөнц, огторгуй дахь ер бусын гайхалтай зүйлсийг энэхүү киногоор дамжуулан хүмүүст хүргэхийг кино багийнхан зорьсон бөгөөд 2005 онд тэрхүү зорилго биеллээ олсон байна.

16 "Star Trek"

Хамгийн анх 2009 онд эхний анги нь гарч, олон нийтийг байлдан дагуулж байсан уг киног үзээгүй, мэдэхгүй хүн гэж бараг үгүй болов уу. Одод, гараг эрхэсээр төсөөлөлдөө аялахыг хүссэн хэн бүр уг киног үзэх хэрэгтэй бөгөөд саяхан буюу 2016 онд хамгийн сүүлийн шинэ анги нь "Star Trek Beyond" гэх нэртэйгээр нээлтээ хийсэн билээ.

17 "Dante's Peak"

1997 онд нээлтээ хийсэн уг киног галт уулын дэлбэрэлтээс санаа авч хийсэн бөгөөд кино багийнхан галт уул чухам юунаас болж, дэлбэрдэг, ямар хор хөнөөлтэй байдаг тухай хүмүүст хүргэхийг зорьсон нь биеллээ олжээ. 

18 "World War Z"

Зомбитой кино сонирхогчдыг нэг хэсэг байлдан дагуулсан энэхүү киногоор хүн төрөлхтөний буруутай үйл ажиллагаа, элдэв янзын туршилт, судалгаа нь ямар хор хөнөөлтэй болохыг харуулахыг зорьсон бөгөөд киноны гол дүрд нэрт жүжигчин Брэд Питт (Brad Pitt) тоглосон юм. 2013 онд нээлтээ хийсэн цагаасаа "Box Office"-ийг тэргүүлэх болсон киног үзсэн хүмүүс урьд өмнө хийгдсэн зомбитой кинонуудаас хамаагүй сайн болсон байна хэмээн эерэг үнэлгээ өгч байсан аж.

19 "Up"

Олон мянган хүний сэтгэлийн нарийн хөг утсыг хөндөж чадсан "Up" хүүхэлдэйн киног үзсэн хүн бүр жинхэнэ хайр гэж үнэхээр байдаг болохыг ойлгож авахаас гадна кино багийнхан бодит амьдрал дээрх гайхалтай хайрын түүхийн эзэд болсон хүмүүсийн амьдрал болон тэдний бие биенээ гэх ариун нандин хайр сэтгэлээс сэдэвлэн энэхүү хүүхэлдэйн киног хийсэн байна. Кино шүүмжлэгчдээс эерэг сэтгэгдэл авч чадсан уг хүүхэлдэйн кино 2009 онд нээлтээ хийсэн билээ.

20 "Alien"

"NASA"-ийн харийнхан гэж үнэхээр байдаг эсэх тухай хийж буй судалгааны талаар сонссон кино багийнхан харийнхны талаар үзэгчдийг байлдан дагуулахуйц кино хийхийг зорьсон нь 1979 онд нээлтээ хийсэн "Alien" гэх кино байсан юм. 

21 "Into the Storm"

2014 онд нээлтээ хийсэн энэхүү киног 2013 оны 5 дугаар сард АНУ-ын Оклахома хотод болсон аймшигт шуурганаас сэдэвлэн хийсэн бөгөөд киноны өнгө аяс, зураг авалт, өгүүлж буй санаа зэрэг нь өвөрмөц болсон тухай кино шүүмжлэгчид дуу нэгтэйгээр хүлээн зөвшөөрч байсан юм.

22 "Sharknado"

1947 онд Лос Анжелес, 1957 онд Атланта хотуудад аварга махчин загасны дайралтанд өртөж, амь насаа харамсалтайгаар алдсан хүмүүсийн амьдралаас сэдэвлэн уг киног 2013 онд хийж байжээ. Кино багийнхан үзэгчдэд аварга махчин загасны аюул, хор хөнөөлийг уг киногоор үзүүлэхийг зорьсон байна.

23 "Jurassic Park"

1993 онд гарсан "Jurassic Park" киноны эхний анги нээлтээ хийсэн даруй даа үзэгчдийг жинхэнэ утгаар нь байлдан дагуулсан гэж хэлж болох бөгөөд кино багийнхан хүмүүст хүн төрөлхтөн үүсч, бий болохоос өмнө амьдарч байсан гэх үлэг гүрвэлүүд нь ямархуу бие хаатай, хаана, яаж амьдардаг амьтад байсныг дэлгэцээр харуулахыг зорьсон бөгөөд тэд киногоо үлэг гүрвэлийн судалгаанууд дээр үндэслэн хийж байжээ. 

24 "Pan's Labyrinth"

Тус аймшгийн, адал явдалт төрөл жанрын киног мэдэхгүй хүн ховор биз ээ. Кинонд гардаг үзэгдлүүд, үлгэрийн мэт амьтдыг Грекийн домгийн баатруудаас сэдэвлэн бүтээжээ. Ялангуяа нүдгүй чөтгөрийн хувьд, Сатурн хэмээх Грекийн домгийн баатар өөрийн төрсөн хүүхдийг идэж буйгаас санаа авсан гэдэг.

Та эдгээр кинонуудыг үзэж байсан уу? Танд аль кино нь илүү их таалагдсан бэ?