1 Нуруу өвдөх

• Халуун болон хүйтэн жин тус бүрийг 20 минутын хугацаатай тавиарай. Хүйтэн жин тавих үедээ мөс ашиглавал илүү үр дүнтэй юм.
• Гэр бүлийнхээ аль нэг гишүүнээр нуруундаа архиар массаж хийлгэх хэрэгтэй. Массажийг хийлгүүлэхээсээ өмнө нуруугаа сайтар цэвэрлэсэн байх хэрэгтэй.
• Зандан модны тосоор массаж хийлгүүлж болох бөгөөд ингэснээр таны нурууг амраадаг байна.
• 1 литр усан дээр 0.25 литр цагаан цуу болон 2 хоолны халбага розмарин хийж, ойролцоогоор 5 минут буцалгаарай. Дараа нь ариун цэврийн цаасанд шингээж, нурууныхаа өвдөж байгаа хэсэгт тавихад хангалттай.
• Унтахдаа хажуу тийшээ харж хэвтэх бөгөөд ингэхдээ хөлнийхөө завсар дэр хийж унтаарай. Хэрвээ та дээш харж унтахыг хүсвэл хөлнийхөө доор дэр тавьж болох аж.

2 Толгой өвдөх

• Хэвтэж, толгойн дээрээ 15 минутын хугацаатай хүйтэн жин тавина.
• 1 хумс сармисыг 1 хоолны халбага зөгийн балтай сайтар хольж, сармисны шүүс бэлтгэх бөгөөд энэ нь толгойн өвчнийг хоромхон зуурын хугацаанд үгүй хийх ач тустай аж.
• Гаатай цай уух хэрэгтэй бөгөөд уг цайнд агуулагдах амин дэм нь толгойн өвдөлтийг намдаадаг байна.
• Толгойгоо бариулж, массаж хийлгүүлэх нь үр дүнтэй аргуудын нэг юм.

3 Хамар битүүрэх

• Эквалитын навчийг саванд хийж буцалгах үед гарах ууранд хамраа сайн утах хэрэгтэй.
• Лаврын навч, шарилж болон шанцайг хооронд нь сайтар хольж, 5-10 минут буцалгаж, ууранд нь хамраа утаарай.
• Стакантай усанд 2 хоолны халбага алимны шүүс болон 2 хоолны халбага зөгийн бал хийж, сайтар хольж, 3 минут хэртэй байлгасны дараа уугаарай. Ингэснээр хамрын битүүг арилгах болно.

4 Загатнах

• 1 литр усыг 500 грамм овъёостой цуг саванд хийж, буцалгах  хэрэгтэй бөгөөд үүний дараа загатнаж байгаа газартаа түрхээрэй.
• Сүү, тараг болон ямар ч хамаагүй төрлийн цэвэр жимсний жүүсийг сайтар хольж, түрхэх бөгөөд ингэснээр загатнахыг багасгадаг гэж үздэг байна.
• Бага зэрэг ганга буцалгаж, загатнаж байгаа газруудад түрхэнэ.

5 Толгой хатгаж өвдөх

• Гадилны хальсан дээр бага зэргийн архи дусааж, 30 минутын хугацаатай нүүрэн дээрээ тавина. Ингэснээр толгой хатгуулж өвдөх мэдрэмжийг дахин мэдрэхгүй байх нь ээ.
• Кофений ашиг тусыг та надаар хэлүүлэлтгүй мэдэж байгаа биз ээ. Өдөрт 1 аяга кофе уух нь толгой өвдөхөөс сэргийлдэг байна.
• Нам гүм, чимээ багатай орчинд хэвтэж, толгойндоо 10 минут хэртэй хүйтэн жин тавиад үзээрэй. Ингэснээр цусны эргэлтийг сайжруулдаг гэнэ.

6 Өтгөн хатах

• Ус болон нимбэгийг хольж, уух нь өтгөн хаталтыг зогсоодог байна.
• Бэлхүүс орчмоороо оливын тос түрхэж, зөөлөн массаж хийгээрэй.
• Хальсалсан алим идэж хэвших нь ходоод өвдөхөөс сэргийлэх бөгөөд хоол боловсруулах эрхтний тогтолцоог дэмждэг аж.
• Өглөө болон өдрийн хоолондоо замбага цэцгийн цай ууж байх хэрэгтэй.
• Киви болон амтат жүржний шүүс уух нь өтгөн хатах асуудлыг шийдэхэд сайнаар нөлөөлдөг гэнэ.

7 Гэдэс болон ходоод өвдөх

• Тахианы шөлөн дээр бага зэргийн нимбэг дусааж уувал гэдэс болон ходоод өвддөггүй гэнэ.
• Зовиуртай байгаа хэсэг дээрээ халуун жин 15 минутын хугацаатай тавиарай.
• Шанцай, гоньд, гаа болон базилыг усанд хийж, 10 минут хэртэй буцалгаж, аяганд хийж тавих бөгөөд 10 минутын дараа уухад тохиромжтой.

8 Ханиад томуу тусах

• Өдөр бүр өглөөний цайн дээрээ амтат жүржийн шүүс уух нь ханиад томуунаас сэргийлэх найдвартай аргуудын нэг гэнэ.
• 2 аяга лимоны шүүс болон 7 хоолны халбага зөгийн балыг хооронд нь сайтар холих бөгөөд 10 минут буцалгана. Үүний дараа дээрээс нь 2 хоолны халбага сироп хийж уух хэрэгтэй.
• Төрөл бүрийн шөлтэй хоолыг халуунаар идэх нь ханиад томууг дарах ач тустай ажээ.

9 Батгаших

• 10 ширхэг сарнайн дэлбээ усанд хийж, 36 цаг байлгасны дараа дээрээс нь бага зэрэг архи хийж, усанд орох үедээ ваннд дүүргэсэн усандаа хийгээрэй. 
• Усанд амтат жүржийн хальс хийж, хөргөгчинд 24 цаг байлгах хэрэгтэй бөгөөд үүний дараа саванд хийж, дээрээс нь 3 хоолны халбага овъёос болон 2 хоолны халбага цэвэр тараг хийж, 5 минут буцалгах хэрэгтэй. Ингээд эцэст нь нүүрэндээ түрхэж, сайтар цэвэрлэх юм.
• Усанд лимон хийж, 2-5 минут орчим буцалгаарай. Өдөр бүр ингэж бэлдсэн уусмалаа ууснаар батгашихыг багасгахад чухал нөлөөтэй байдаг байна.
• Зөгийн бал болон шанцайг хольж, маск хийх бөгөөд маскаа нүүрэндээ тавьж, 10 минут өнгөрмөгц авах нь зүйтэй.
• Усыг цагаан цуутай хольж, нүүрээ угаагаарай. Ингэхдээ хүчтэй биш, аль болох зөөлөн угаах хэрэгтэй.

10 Үс унах

• Луувангийн шүүсийг сүүтэй сайтар хольж, үсэндээ түрхэх хэрэгтэй бөгөөд ингэснээр таны үсийг эрүүл чийрэг байлгах ач тустай аж.
• Цагаан цуу бол үсийг эмчлэх номер нэг бүтээгдэхүүн бөгөөд цагаан цуугаар үсээ угаах хэрэгтэй.
• Үсээ угаагаахаа өмнө үсэндээ зуун наст түрхэж, 10 минут байлгасны дараа үсээ сайтар угаах нь үс уналтыг зогсоодог байна.
• Бага зэрэг хүрэн манжинг 10 минут хэртэй буцалгаж, үсээ угаах бөгөөд энэ аргыг 7 хоногт 2-3 удаа давтаж хийхэд үр дүнгээ тэр дор нь өгөх болно.

Танд эдгээр аргуудын аль нь илүү их үр дүнтэй санагдаж байна? Түүнээс гадна бидэнтэй өөрсдийн сайн мэдэх аргуудаасаа хуваалцаарай.