1 Ээжтэйгээ харьцуулна

Хийж байгаа үйлдэл бүрийг тань ээжтэйгээ харьцуулж, дутуу дулимаг талуудыг нь шүүмжилж, нэг ёсондоо төвөгтэй байдал үүсгэнэ. Та түүний хувьд хэзээ ч ээжээс нь илүү гарч чадахгүй төдийгүй хүний хоёр дахь мэт сэтгэгдэл төрөх аж. Харин үүнийг тэсч гарна гэдэг бүсгүй хүнээс асар их зориг тэвчээрийг шаардаж байдаг юм. 

2 Түүний ээж бүхнийг шийднэ

Хосуудын харилцаанд хэн нэгэн оролцох нь бүх зүйлсийг утгагүй болгож эхэлдэг. Ялангуяа хадам ээж нь бүх асуудалд хутгалдаж, шийдвэр гаргахад чухал нөлөө үзүүлнэ гэдэг хар дарсан зүүдтэй л ижил...Таны нөхөр, найз залуу шийдвэр гаргах чадваргүй байх төдийгүй зөвхөн ээжийнхээ үгийг дагаж, таныг үл хүндэтгэж ч мэднэ. 

3 Хуримыг тань сүйтгэхийг хүснэ

Эрх хүүгээ эхнэрт гарахад хэтэрхий эртэднэ, төгс бүсгүйтэй гэрлүүлнэ гэх бодолтой ээжүүд хуримыг тань сүйтгэх гэж оролдож мэднэ. Харин хүү тийм ч хүчтэй нэгэн биш тул бүх асуудал зөвхөн таны толгой дээр бууж, аз жаргалтайгаар төсөөлж байсан ирээдүйг тань атаа хорсол, зовлон зүдгүүр болгож өөрчлөхийг үгүйсгэхгүй. 

4 Түүний хувьд ээж нь хамгийн шилдэг

Тэдний хамгийн түрүүнд танилцсан эмэгтэй хүн бол мэдээж ээж нь байдаг. Тээж, төрүүлэн, өөрөөсөө харамлаж, үрдээ бүхнээ зориулсан эх хүнээр бахархахгүй байхын аргагүй. Гэхдээ нас бие гүйцэн, эрийн цээнд хүрсэн атлаа үргэлж ээжийнхээ үгээр байж, үйлдэл бүрээ заалгах нь эмэгтэйчүүдэд огтхон ч таалагдахгүй. Ялангуяа ээжийгээ эхнэрээсээ илүү тавьж, бүх зүйлс, асуудал бүрээ тоочих нь хамгийн утгагүй үйлдэл юм. 

5 Хаа ч явсан цуг

Амрагтайгаа хамт үзэсгэлэнт газруудаар амарч аялахыг хүсэх боловч түүний ээж хаа ч явсан цуг байна. Та  хэдий үүнийг эсэргүүцэх ч амжилт олохгүй бөгөөд хэт бухимдалтай хандах нь хосуудын харилцааг сүйрүүлэх гол шалтгаан болох нь бий. 

6 Бүхнийг хүлээн зөвшөөр

Ээжийн хүү зарим зүйлсийг илэн далангүй эцэг, эхдээ тоочих шаардлагагүй гэдгийг ойлгодоггүй. Тиймдээ ч бүх зүйлсээ ярьж байдаг төдийгүй үүнээс болж асуудал үүсч эхэлнэ. Таны талаар буруугаар ойлгож мэдэх тул та залуугийн ээжид тал засч, дотно байснаар зовлонт амьдралаас салах боломжтой. Энэ нь ердөө л бүхнийг хүлээн зөвшөөрөхөөс өөр аргагүй гэсэн үг билээ. 

7 Та бол гуравдагч

Угтаа бол та хайртай залуутайгаа хамтдаа бүхнийг даван туулж, өөрсдийн хүч чадлаар амьдралаа цогцлоохыг хүсэх боловч амраг хайрт тань бүх зүйл дээр ээжийнхээ тусламжыг авна. Харин энэ үед та яг л гуравдагч этгээд мэт сэтгэгдэл төрөх бөгөөд амьдралаа хэн нэгнээр заалгах нь утга учиргүй санагдах аж. 

8 Үргэлж уулзалдана

Хэрэв та нөхрийнхөө ээж аавтай ойролцоо амьдардаг бол түүний ээж өдөр тутамд танайхаар зочилж, хийх үйлдэл бүрийг тань зааварлаж утсан хүүхэлдэй болгохыг хичээнэ. Харин та энэ бүгдийг эсэргүүцэх аваас шууд нөхөрт тань нөлөөлж, хосуудыг маргалдуулдаг юм. Там шиг өдөр хоногууд, өөрийн гэсэн толгойгүй нөхөр нь бүсгүй хүний гоо сайхан, цэцэн ухааныг сорж байдаг нь нууц биш. 

9 Ээжийнхээ талд орно

Та хадам ээжтэйгээ муудалцах аваас эр нөхөр тань юу ч бодолгүй ээжийнхээ талд орно. Зөвхөн нөхөртөө итгэж, гараас нь атгаж айлын хүн болсон байхад ээжийгээ сонгож, гэргийгээ буруутгах нь дэндүү гомдмоор байх аж. 

10 Асуудлыг шийдвэрлэж чадахгүй

Угтаа бол эр хүн гэдэг чинь бүсгүйчүүдээс эр зориг, хүч чадал, сэтгэлийн тэнхээгээрээ ялгарч, эдгээр чанараараа эсрэг хүйстнээ өөртөө татдаг жамтай. Гэтэл ээжийн хүүд эдгээр чанараас ганц ч үгүй төдийгүй ээж, эхнэр нарынхаа сөргөлдөөнийг холоос харж суухаас өөр зүйл чадахгүй. 

11 Түүний ээж таныг үзэн ядна

Өөрийнх нь үгээр явахгүй байгаа бэрээ хадам ээж нь үзэн ядах нь гарцаагүй. Тиймдээ ч хосуудын харилцааг хөндийрүүлэх гэж үргэлж үг хаяж, хүүдээ гомдоллоно. Харин үүнийг нь тэвчихээ больсон бүсгүй хувцсаа баглаад нэг л өдөр гарч явах аж. Бэрээ хөөж явуулсан хадам ээж бахдалтай инээж суух боловч өөрийн гэсэн толгойгүй арчаагүй хүүд нь ахиж сайн бүсгүй таарахгүй нь харамсалтай. 

12 Шийдвэр гаргаж чадахгүй залуу

Ээжийн хүү хэзээ ч өөрөө шийдвэр гаргаж чадахгүй. Үүнээсээ болж ажил, амьдралаа цэгцэлж чадалгүй, ээжээсээ тусламж хүсч, үйлдэл хөдөлгөөн бүрээ заалгана гээч. Харин тэд хэзээ нэгэн өдөр хайрт ээж нь түүнийг орхиж явна гэж ухамсарлаж, хорвоо дээр хэрхэн амьдрах талаар суралцдаггүй нь гайхшрал төрүүлнэ. Үргэлж ээжээрээ түшүүлж амьдрах юм шиг санах ч үдлээд буцах шувуу шиг нэг л өдөр эх нь үрээ орхиод одно шүү дээ. 

13 Яг ээж шигээ аашилна

Он цаг улиран одохын хэрээр ээжийн хөвгүүд яг л ээж шигээ авирлаж, бүсгүйн бухимдлыг төрүүлж эхэлнэ. Амьдралд тулгарах саад бэрхшээлд өвдөг сөхөрч, аав ээж рүүгээ гүйж тусламж эрэх тус төрлийн залуус нь эмэгтэй хүний амьдралыг сүйрүүлж байдаг гэхэд хилсдэхгүй. 

14 Эхлээд ээж

Тэдний хувьд хамгийн түрүүнд ээж нь байдаг. Бага балчираас нь хайрлаж өсгөсөн тул эрх хүү ээжийгээ хамгаас ихээр хайрлах төдийгүй эхнэр авсан байлаа ч энэ байдлаа өөрчилж чадалгүй айлын охиныг гомдоож орхино.

15 Нялх хүү

Ээжийнхээ өврөөс гараагүй залуус үргэлж бусдаас хайр халамж нэхэж, эр зоригтой, шийдэмгий байж чаддаггүй. Тэд эхнэрээрээ бүхнийг хийлгэж, өөрөө ард нь амарч үлдэхийг хүсдэг төдийгүй гэртээ бол хаан мэт л залагдаж амьдрахыг хүсдэг аж. 

Та үүнтэй санал нэг байна уу? өөр нэмэх зүйл байвал бичээрэй!