1 Тайван, даруу

Нүүрээ будаагүй бүсгүйчүүд ихэвчлэн даруухан байдаг. Тэд хүний сайн хань, хүүхдийн сайн ээж байж чаддаг тул эр хүн бүр л энэ төрлийн бүсгүйтэй амьдралаа холбохыг мөрөөдөж явдаг билээ. Энэ нь нүүрээ буддаггүй бүсгүйчүүдийн нэгээхэн давуу тал болж өгдөг байна. 

2 Нөхөрсөг

Өөрийн төрхөндөө сэтгэл хангалуун, баг зүүж гангалахыг хүсдэггүй бүсгүйчүүд ерөнхийдөө нөхөрсөг, сайхан сэтгэлтэй байдаг. Тэднийг чимэх зүйлс нь инээмсэглэл, чөлөөтэй байдал зэрэг нь юм. Тэдэнтэй харилцаа үүсгэхэд хялбар бөгөөд маш энгийн өөрийнхөөрөө байдаг аж. Мэдээж энэ зан чанар нь эрчүүдэд хамгийн ихээр таалагдах тул тэр дор нь өөрийн болгож авахыг эрмэлздэг аж.

3 Чөлөөтэй

Нүүрэндээ баг зүүж, өөр төрхийг гаргаагүй тэд ямагт чөлөөтэй, өөрийнхөөрөө байж чаддаг. Бусад охид шиг айлгүйтэн, маяглаж, дэгжин, ихэмсэг харагдах гэж хэт их хичээх хэрэггүй шүү охид минь. Учир нь эрчүүдэд бусдын дуураймал хувилбар биш ганцхан, жинхэнэ чи л онцгой, өвөрмөц санагддаг. Элдэв хэв маягт баригдаагүй, өөрийн бодол санаагаа чөлөөтэй илэрхийлж, өө сэвээ ч ил гаргадаг бүсгүйчүүд тун ч дур булаам бөгөөд энэ нь эрчүүдийн хамгийн дуртай шинж чанар аж. 

4 Толбыг март

Цагаан цамцтай залуус хайртай бүсгүйгээ цээжиндээ наагаад тэврэхэд ямар ч асуудалгүй байх хэрэгтэй биз. Нүүрээ хэт буддаг бүсгүйчүүдийн тухайд цамцыг нь толботой болгож элдэв асуудал дагуулж магад. Харин будаг шунхнаас хол, байгалаас заяасан төрхөөрөө явах бүсгүйчүүд эрчүүдэд нүүр будгийн толбыг хэзээ ч үзүүлэхгүй давуу талтай. 

5 Эргэлзээ байхгүй

Залуус өөрт таалагдсан сайхан бүсгүйг хараад хамгийн түрүүнд будгаа арилгавал ямар царайтай бол гэж боддог. Зарим тохиолдолд сайхан бүсгүйтэй хамт хоносон залуус өглөө нь танихгүй нэгэнтэй сэрэх нь бий. Харин нүүрээ буддаггүй бүсгүйчүүдийн тухайд ямар ч эргэлзэж, тээнэгэлзэх асуудал гардаггүй байна шүү. Тиймдээ ч эрчүүд толгойгоо ажлуулж олон зүйл бодолгүй шууд л тэдэнд гүн дурлаж эхэлнэ. 

6 Спортлог

Спорт сонирхдоггүй эр хүн гэж үгүй. Тиймдээ ч таалагддаг бүсгүйтэйгээ хамт гүйж, спортоор хичээллэхийг хүсэх боловч нүүрээ ихээр буддаг бүсгүй үүнд нь татгалзана. Учир нь хэт их гүйж, хөдөлснөөр хөлс гарч, тэдний будаг урсан, тун ч эвгүй болох тул эрсдлээс урьдчилан сэргийлж, үгүй гэх хариулт өгөх нь бий. Иймээс зарим залуус нүүрээ буддаггүй бүсгүйчүүдийг илүүд үзэж, хайрлан дурладаг аж. 

7 Уснаас айхгүй

Хамтдаа усанд сэлж, хөгжилтэй цагийг өнгөрөөх нь хосуудын хувьд заавал хийх ёстой зүйлсийн нэг. Харин нүүрээ хэт будаж, нэг хүнээс нөгөө хүнд шилждэг бүсгүйчүүдийн тухайд энэ нь асуудалтай санагдах бөгөөд усанд орж, нүүрээ угаасны дараа дурлалт залуу нь гайхаж харах нь хамгийн аймшигтай, сэтгэл зүрхийг нь урах мэт санагдана. Хэдий тийм боловч залуус зөвхөн өөрийгөө үнэлдэг, өөртөө сэтгэл хангалуун, будгаар өө сэвээ далдалдаггүй бүсгүйчүүдийг сонгох талтай. 

8 Хаана нь ч хүрч болно

Энд тэнд хүрвэл будаг нь арилчихна гэх зүйлгүй тул түүний хаана ч хүрч болно. Нүүрийг нь илж, хэвтлээ гээд ганц ч зүйл нь өөрчлөгдөхгүй тул санаа амар байдаг аж. 

9 Төгс бие галбир

Нүүрний будагт төдийлэн ач холбогдол өгдөггүй охид бүсгүйчүүд бие галбиртаа анхаарал хандуулах нь элбэг. Харин төгс сайхан бие галбиртай бүсгүйд дурлахгүй эр байна гэж үү? Эрчүүдийн тухайд бие бол царайнаас чухал байдаг нь нууц биш. 

10 Өөртөө итгэлтэй

Эхээс заяасан төрхнөөсөө огтхон ч ичиж, нуудаггүй эрэлхэг бүсгүйчүүд ямагт эрчүүдийн сэтгэлийг хөдөлгөсөөр  ирсэн. Хэдий тэд өө сэвтэй байлаа ч үүндээ бардам, өөртөө итгэлтэй байх нь сэтгэл булаам аж. Хийж байгаа үйлдэл, хэлж байгаа үгс бүхэн нь ухаан гайхуулж, балмагдуулж орхидог байна.

11 Гарахад бэлэн

Эрчүүдийг залхаадаг нэг асуудал бол бүсгүйчүүдийн нүүрээ будаж, гарахад бэлтгэх хугацаа билээ. Хэдэн цаг хүлээж, залхах залуус олон. Харин нүүрээ буддаггүй бүсгүйчүүд бэлдээд байх илүү дутуу зүйл үгүй тул хэзээд гарахад бэлэн байдаг. Эрчүүдэд энэ ашигтай чанар нь таалагдахгүй байна гэж юу байхав. 

12 Мөнгөнд хэмнэлттэй

Эмэгтэй хүн бүр гоо сайхны бүтээгдэхүүнд зориулан багагүй мөнгийг салхинд хийсгэж байдаг. Тэд нөхөрт гарвал хэрэгцээг нь нөхөр нь төлөхөөс өөр аргагүйд хүрдэг тул эрчүүдэд толгойны өвчин болдог аж. Харин нүүрээ буддаггүй бүсгүйчүүд элдэв будаг шунх авна гэхгүй бөгөөд энэ нь эрчүүдэд эдийн хувьд хэмнэлттэй байдаг. 

13 Үнсэх

Мэдээж будагтай нүүрийг үнсэнэ гэдэг тийм ч таатай зүйл биш. Та тухайн бүсгүйд чин сэтгэлээсээ хайртай бол энэ нь багахан асуудал тул сэтгэлээ чилээх шаардлагагүй. Ихэнх залуус будгаа арилгасан бүсгүйг үнсэж энхрийлэх дуртай байдаг нь нууц биш бөгөөд бүсгүй та зөвхөн тэдэнд таалагдах гэсэндээ өөрийгөө хүчлэх нь утгагүй хэрэг болохыг ойлгож аваарай. 

14 Байгалийн гоо үзэсгэлэн

Муухай эмэгтэй гэж байдаггүй. Учир нь тэд бүгд л ээж болж, энэ дэлхийг гэрэлтүүлдэг юм. Тэднийг урлагийн бүтээл хэмээн нэрийдэж болох боловч гоо сайхан төрхөө будгаар далдлах нь бий. Эрчүүдэд ихэвчлэн өөрийн царай төрхөө нуулгүй харуулах бүсгүйчүүд таалагддаг бөгөөд үүнийг нууж хаах нь тэнэг хэрэг. Гэхдээ таныг байнга нүүрээ будахгүй яв гэсэн үг биш төдийгүй ердөө л бурхнаас заяасан төрхөө бусдаас нуулгүй харуулж байхыг зөвлөе. 

15 Үнэн байдал

Өөрийнхөөрөө байж, үнэн төрхөө ил гаргах нь шударга, үнэнч бүсгүйн баталгаа. Мэдээж насан туршдаа нүүрэндээ будаг хүргэхгүй явна гэдэг утгагүй зүйл боловч шаардлагагүй нөхцөлд будаггүй гадуур алхах нь буруудаад байх зүйлгүй билээ.