Шинэ цэсүүд нэмэгдлээ

 • Промо суваг- IPTV-ийн 0 суваг буюу промо сувгаар танилцуулж буй кинонууд тус цэсэнд байрлаж байна. Өмнө нь хэрэглэгчид промо сувгаар “амталсан” киногоо үргэлжлүүлэн үзэх гээд хайж олоход бэрхшээлтэй байсан бол одоо хялбар болжээ.

 • Үзүүштэй кино- Хэрэв та ямар кино сонгож үзэхээ шийдэж ядан суугаа бол эргэлзэлгүй энэ цэсийг сонгоорой. Учир нь хүн бүрийн хүсэлд нийцэх шилдэг, сонирхолтой кинонуудыг 14 хоног тутамд шинэчлэн танд санал болгож байх юм.

 • Сарын онцлох- Жилийн 12 сар бүрт онцлох үйл явдлууд тохиож байдаг. Иймд сар бүр нэг сэдвийг онцолж тухайн сэдвийнхээ кинонуудыг хүргэх юм.

• Бүх кино- Видео сангийн бүх кино уг цэсэд багтах бөгөөд одоогийн байдлаар нийт 1600 орчим кино, контент байршиж байна.

“Үзүүштэй кино” болон “Бүх кино” цэсийг онцлон, дэлгэрэнгүй танилцуулъя.

Та ямар кино үзэхээ сонгож чадахгүй эргэлздэг үү? Тэгвэл “Үзүүштэй кино” цэс...

Кино хорхойтнууд болон Юнивишнийн зүгээс санал болгож буй бүх цаг үеийн сор болсон шилдэг кинонуудыг “Жинхэнэ эрчүүдэд”, “Дурлаж үзсэн бүх хүнд зориулав”, “Олны танил хүний санал болгож буй кинонууд” гэх мэт дэд цэсүүдэд хуваан тус цэсэд байрлууллаа. Онцолж хэлэхэд 9 дүгээр сард “Олны танил хүний санал болгож буй кинонууд” дэд цэсэд МУСТА, УДЭТ-ын жүжигчин Г.Эрдэнэбилэг болон MOVIE TALK with Eddie хуудасны админ Г.Идэр-Ууган нарын санал болгож буй 20 кино байрших юм.

Бүгдийг нэг дороос ... “Бүх кино” цэс

 Видео сангийн кинонууд өмнө нь Холливуд болон Холливуд бокс гэж хуваагддаг байсан бол одоо Юнивишнийн хэрэглэгчид “Бүх Кино” цэсийг нээхэд л хангалттай болжээ. “Бүх кино” цэс нь дотроо Холливуд, Ази, Монгол, Орос кинонуудад хуваагдах бөгөөд тэдгээрт багтах кинонуудыг Шинжлэх ухааны уран зөгнөлт, Уран зөгнөлт, Аймшгийн, Триллер, Уянгын романтик, Инээдмийн романтик гэх зэрэг 22 жанраар нарийвчлан ангилсан. Ингэснээр танд үзэхийг хүссэн киногоо хайхад хялбар болж байгаа юм. Юнивишнийн хэрэглэгч та бүхэн шинэчлэгдсэн Видео сантай танилцаж, хүссэн киногоо саадгүй сонгож үзээрэй.