1 Лимонтой халуун цай уудаг

Амжилттай яваа хүмүүс, тэр дундаа олны танил хүмүүс лимонтой цайг дотны андаа болгодог. Учир нь лимонтой халуун цай нь ходоод гэдэсний хэвийн ажиллагааг хангаж, царай төрхийг шингэрүүлэхээс гадна, эрүүл мэндэд эерэг нөлөөг үзүүлэн, давхар тайвшруулдаг. Тиймээс тэд үргэлж лимонтой халуун цайг уудаг юм. Гэхдээ өглөө өлөн элгэн дээрээ уух нь тийм ч зохимжтой биш билээ.

2 Өглөө бүр төлөвлөгөө гаргадаг

Амьдралд төлөвлөгөөтэй ханддаг хүмүүс ямагт хождог. Тэд хэзээ гэр бүл зохиох, хүүхэдтэй болохоо төлөвлөж, амьдрал ахуйгаа тэр журмаар л авч явдаг юм. Мөн тэд өглөө бүрийг тухайн өдөр юу хийж бүтээх, ямар ажлыг амжуулах хэрэгтэй талаараа эргэцүүлж, өөрт олдсон өдөр, цаг хором, мөч бүхэнд талархаж амьдардаг байх юм.

3 Үргэлж бясалгал хийдэг

Бясалгал хийнэ гэдэг нь хэрэггүй бодлоосоо ангижирч, өөрийгөө стресстүүлэх бүхий л зүйлсээс холдохыг хэлдэг юм. Өглөө бүр байгалийн гэрэл, цэвэр агаарт, харин үдэш унтахынхаа өмнө ор, эсвэл шалан дээр 10 минут орчим чимээгүй суун бясалгаж, оюун бодлоо цэгцлэн төвлөрүүлээрэй.

4 Өглөө бүр гүйлтээр хичээллэдэг

Амжилттай явахад хамгийн чухал зүйлсийн нэг бол эрүүл мэнд юм. Хүн эрүүл байж л илүү урам зориг, эрч хүчтэй ажиллаж чадна шүү дээ. Тиймээс ч олны танил болоод амжилттай бизнесмэнүүд өглөө бүр гүйлтээр хичээллэж, өөрийн эрүүл мэнд, бие галбиртаа онц ач холбогдлыг өгдөг юм.

5 Шаардлагатай шим тэжээлийг авч чаддаг

Дасгал сургуулилт, бясалгал, амьдарлын хэвшлээс дээгүүр бидний мөрдөх ёстой хамгийн чухал зүйлсийн нэг бол эрүүл зөв хооллолт, шаардлагатай амин дэм байдаг. Бид өдөр тутамдаа эрүүл зөв хүнсийг сонгон хэрэглэж хэвшснээр, амьдрал үгээр хэлэхийн аргагүй сайхан болж, бүхий л зүйлс бүтэмжтэй сайхан болно. Иймд хамгийн гол нь шим тэжээл сайтай, эрүүл хоолыг сонгон хэрэглэж хэвшээрэй.

6 Найзуудтайгаа хөгжилдөж чаддаг

Үргэлж ажил, ажил гээд байвал мэдээж уйтгартай шүү дээ. Хааяа ч гэсэн эрхэм анд нөхөдтэйгээ уулзаж, ажлын стресс ядаргаа, бүхий л зүйлсээ уудлан ярьж, цагийг аз жаргалтай өнгөрүүлэх шиг сайхан зүйл гэж үгүй. Та арай амжилттай хүмүүс наргиж, цэнгэдэггүй, найзуудтайгаа уулздаггүй гэж бодоогүй биз дээ.

7 Цахим ертөнцөөс хараат бус

Сүүлийн үед хүмүүс цахим ертөнц, тэр дундаа "Фэйсбүүк"-ээс дэндүү хамааралтай болсон. Харин учраа мэддэг, амжилттай хүмүүс өөрийгөө хэзээ ч тэрхүү хүлээсэнд хүлдэггүй давуу талтай. Байгаль, хүрээлэн буй орчинтойгоо харилцаж, хайртай хүмүүстэй цаг зав гаргадаг. 

8 Цэвэр агаарт алхах дуртай

Цэвэр агаар, байгальд гарч, байгалийн энерги, эрчим хүчээр өөрийгөө цэнэглэж, нарны гэрлээс Д витамин авах нь мөн л ашигтай. Энэ нь стресс ядаргааг бууруулж, биеийн дархлааг сэргээхээс гадна, оюун бодлыг цэгцэлж, аливаад төвлөрөхөд тустай. 

9 Тайван унтаж амардаг

Хүн өдөрт дунджаар 7-8 цагийг унтаж өнгөрүүлдэг. Тиймээс өөрт аль тав тухтай, сайхан байхаар унтаж амрах хэрэгтэй. Ингэснээр  та илүү эрч хүчээр дүүрэн, шинэ өдрийг сайхан өнгөрүүлэх юм.

Танд амжилт хүсье!