1 Бардам

Урьд нь тэд залуухан, бүхнийг ухаарах сөхөөгүй байсан тул хэнд ч байлаа гэсэн шуудхан л "за" гэж хэлсэн болгоныг нь биелүүлж, хөөрхөн аашилж явдаг байсан ч одоо бол өөр. Бардам, эгчмэд зан зонхилж, хөнгөн хуймгай байдлаас тайван, бодлогоширсэн нэгэн болж хувирах аж. Тэдний энэхүү бардам байдал нь эрчүүдийн сэтгэлийг соронзон мэт татаж, дур булаам харагдуулдаг байна. 

2 Үнэ цэнээ мэддэг

Өөрийн үнэ цэнийг ойлгож, зөвхөн түүнийг гэх хүмүүсээр л хүрээлүүлэхийг хүсдэг юм. Тэдний өөртөө итгэлтэй, ухаалаг байдал нь ямар ч хүнийг хажуудаа сөгдүүлэх хүчтэй, сүр жавхлантай аж. Харин энэхүү өргөст сарнай олон эрсийн харцыг булааж, илүүтэй халуухан болсон мэт санагдуулдаг байх юм. 

3 Хүчирхэг

Нас ахих тусам хүн алдаа гаргаж, мунхаг үйлдэл хийх нь цөөрдөг төдийгүй алдаанаасаа суралцан, нэг ёсондоо төгсөрч байдаг аж. Тиймээс бүх л зүйлсд хянамгай хандаж эхэлдэг бөгөөд тэдний шулуун, шударга байдал эрхгүй сэтгэл эзэмддэг байна. 

4 Эрүүл чийрэг бие

Залуу халуун нас нь өдөр ирэх тусам холдож байгааг мэдэх тэд тогтмол дасгал хөдөлгөөн хийж, эрүүл хооллон, биеэ хөгжүүлж эхэлдэг юм. Харин 20 гаруй насны охидын хувьд үүрд сайхан байх юм шиг бодож, өөрсдөдөө анхаарал бага хандуулдаг. Мөн 30 гаруй насны бүсгүйчүүд ихэвчлэн халуухан, сайхан биетэй байдаг бөгөөд тэдний энэхүү дур булаам, сайхан байдал нь эрчүүдийг илүүтэй татдаг аж. 

5 Дэгжин хувцаслана

Ихэвчлэн бариу, классик өнгийн даашинзаар гоёж, тун ч дэгжин харагддаг юм. Тэдний эдэлж, хэрэглэх зүйлс чанаржиж, жинхэнэ утгаараа эмэгтэй хүн болох аж. Өндөр өсгийтөөс буухгүй, өөлөх зүйлгүй эрхэмсэг бүсгүй эр хүн бүрийн мөрөөдөл...

6 Ухаалаг

Амьдралаас сурж авсан зүйл арвин тул хэлж байгаа үгс, хийж байгаа үйлдэл зэрэг нь ухаан хайрлаж, уулга алдуулах шидтэй. Гэнэн, хонгор зангаа гээж, бодит амьдралыг биеэр туулж ирсэн 30 настай бүсгүйчүүд ямарваа зүйлсд хүлээцтэй, тайван болдог юм. Харин ухаалаг, уужимхан сэтгэлтэй бүсгүйд хэн ч дурлахгүй, хайрлахгүй, татагдахгүй байна гэж үгүй юм.

7 Нээлттэй

Бүрэг ичимхий, бяцхан охин шиг зангаа гээж, аль болох нээлттэй, бусадтай сайхан харилцаж чаддаг болсон байдаг аж. Тэдний энэхүү нээлттэй байдал нь харилцаа үүсгэхэд хялбар байдаг бөгөөд тус сэтгэл татам чанар бүсгүйчүүдийн гол давуу тал болох нь ч бий. 

8 Халамжтай

Гэр оронг гэрэлтүүлэн, гийгүүлэх гэргий гэх цолыг хүртсэн эмэгтэй хүн бүхэн хамгаас үзэсгэлэнтэй харагддаг жамтай. Тэдний үр хүүхэд, хань ижлээ халамжилж, хайрлаж байгаа нь ямар сэтгэл татам, дур булаам харагддаг гээч. Эх хүний үзэсгэлэн гоо, үлэмжийн тансаг байдал нь тэднийг инээмсэглэх төдийд л урган гардаг аж. 

9 Халуухан

Нас ахих тусам тэд улам л халуухан, тачаангуй болж байдаг юм. Эрчүүд ч мөн нялх ногооноос илүүтэй амьдрал үзсэн халуухан бүсгүйчүүдэд дуртай байдаг бөгөөд тэдний оргилсон дур хүсэл, харах төдийд хайлам урсмаар тачаангуй төрх нь залуучуудыг хуйлруулдаг билээ. 

10 Илүү аз жаргалтай нэгэн

Амьдрал нь тогтож, ажил амжилт нь жигдэрсэн байх тул тэдэнд санаа зовох зүйл хомс байх аж. Саад бэрхшээл тулгарсан хэдий ч , бүхнийг даван туулах хүч, зоригт бүсгүйчүүд хамгийн дур булаам, болоод үзэсгэлэнтэй.