1 Ургийн хөгжилд муугаар нөлөөлдөг

Wi-Fi сүлжээний цацраг, ухаалаг гар утасны туяанд их өртөх нь хэвийн эсийн хөгжил, ялангуяа ургийн хөгжилд саад учруулдаг байна. Тиймээс жирэмсэн эхчүүдэд онцгой хор нөлөөтэйг сэрэмжлүүлжээ. Мөн дөнгөж өсч буй залуу эд эсүүдэд сөргөөр нөлөөлдөг аж. Түүгээр ч зогсохгүй, хэвийн эсийн хөгжил, ялангуяа ургийн хөгжилд  нөлөөлж, өсөлтгүй ураг, үр зулбалт зэрэг аймшигтай эрсдлийг араасаа дагуулдаг. Одоо мэдэгдэхгүй ч, хэдэн жилийн дараа хор уршиг нь мэдэгддэг гэхээр үнэхээр аюултай юм. 

2 Нойр хулжаадаг

Хүмүүс унтахынхаа өмнө гар утсаар тоглох, Wi-Fi орчинд интернэтээр мэдээ, мэдээлэл үзэх зэрэг нь нойргүйдэлд хүргэдэг. Үүнээс болж маш олон өвчний эх үндэс тавигддаг. Мөн нүдний хараанд муугаар нөлөөлөх, даралт ихэсгэх, стресс ядаргаанд оруулах зэрэг хор уршигтай байна. Ялангуяа Wi-Fi сүлжээний цахилгаан соронзон цацрагийг салгалгүйгээр шөнөжин асаалттай байлгах нь тархийг амраадаггүй бөгөөд үүнээс болж хүмүүс хар дарах, сэргэг бус болох ядрах зэргээр сөрөг шинж тэмдгүүд нэмэгдэнэ.

3 Эмэгтэйчүүдийн өвчлөлийг үүсгэдэг

Гар утас, компьютер, соронзон орны долгион нь сав, хөхний хавдар, үрэвсэл, нуруугаар чилэх, үс унагах,  сарын тэмдгийг тогтворгүй болгох зэргээр маш сөрөг нөлөөг үзүүлдэг. Түүнээс гадна тархины сэтгэн бодох чадвар, ой тогтоолтонд нөлөөлж, мартамхай, уймраа нэгэн болгодог байна. Тиймээс онц шаардлагагүй үедээ тэдгээрээс хол байж, өөрийн эрүүл мэндийг хамгаалах хэрэгтэй. 

4 Эсийн өсөлтийг удаашруулдаг

Данийн ахлах ангийн сурагчид эсийн өсөлтийн талаар нэгэн сонирхолтой судалгааг хийжээ. Тэд утасгүй интернэттэй өрөө, болон цахим ертөнцөөс тусгаарлагдсан өрөөнд ургамал суулгаж, 10 хоногийн турш ажигласан байна. Гэвч хариу нь хэн бүхнийг алмайруулахаар гарчээ. Интернэттэй өрөөний цэцэг хатаж хорчийн, үхэж байсан бол эрүүл орчинд ургасан цэцэг дэлгэрч, маш гоё гүн ногоон өнгөтэй болсон байна. Үүнээс харахад гар утас, интернэт нь бидний биед хэрхэн сөргөөр нөлөөлж байгаа нь ойлгомжтой юм.   

5 Тархинд муугаар нөлөөлдөг

Бид үргэлж ухаалаг гар утсаар өөр хоорондоо ярих, зурвас илгээн кино үзэх нь тархины ой тогтоолтонд сөргөөр нөлөөлж, цаашлаад хорт хавдарт хүргэдэг байна. Гар утасны цацраг нь интернэтийн долгионтой нийлснээр маш сөрөг туяаг цацруулж байдаг. Хэрэв тэдгээр туяа бидний биеийг хэрхэн нэвтэлж, үзэгдэж байгааг харвал яг л "аалзны тор" адил үзэгдэх ажээ. 

6 Үргүйдэлд хүргэдэг

Хамгийн аймшигтай нь гар утас, компьютер, интернэтийн цацраг нь эрчүүдийн эр бэлгийн эсийг үхүүлж идэвхигүй болгох, цаашлаад үргүйдэлд хүргэдэг байна. Тиймээс гар утсаа өмдний халаасандаа хийхгүй байх, гэртээ байхдаа аль болох цаг хугацаатай оролдож, унтах газраасаа өөр өрөөнд тавих хэрэгтэй. Энэ мэт шалтгаанаас үүдэн сүүлийн үед эрчүүдийн дунд үргүйдлийн өвчин, толгойг нь шаналгасаар байгаа юм. 

7 Зүрхний шигдээс үүсгэнэ

Ухаалаг гар утас нь тархи, урагт нөлөөлөөд зогсохгүй зүрхэнд ч мөн сөргөөр нөлөөлдөг байна. Удаан хугацаанд утсаар оролдох ярих, интернэт орчинд ажилласнаар зүрх дэлсэж, бачимдах, толгой эргэх, дотор муухай оргих зэрэг шинжүүд хурц илэрдэг. Энэ нь ялангуяа нас ахимаг болон бага насны хүүхдүүдэд тохиолдох нь элбэг юм. 

8 Төрөлтийн хүндрэл үүсгэдэг

Жирэмсэн байх хугацаандаа гар утсаар их оролддог, компьютерийн ард удаан хугацаагаар суудаг байсан бол хожим төрөх болоход ихээхэн хүндрэлийг учруулдаг. Мөн жирэмсний эрт үед, ураг зулбах, ой ухааны дутагдалтай хүүхэд төрөх нь элбэг гэнэ. Тиймээс бие давхар ээжүүдэд хандан, аль болох гар утас, компьютер, интернэтээс хол байхыг сануулж байна.

9 Хавдрын эх үүсвэр болдог

Эдгээр хорт туяа, цацрагууд нь аливаа хавдрыг тэтгэж, улам томруулан, ноцтой байдалд аваачиж болно. Гэвч энэ талаар хараахан тодорхой, баттай баримтыг дэлгээгүй байна. Гэсэн ч маш их цахилгаан соронзон орон, цацраг идэвхит туяа нь хорт хавдрын эрсдлийг нэмэгдүүлдэг болохыг амьтан дээр хийсэн судалгаагаар баталсан юм. 

10 Хүүхдэд сөрөг нөлөөтэй

Сүүлийн үед хүмүүс хүүхдүүддээ гар утас өгч тоглуулах нь, асар хортой гэдгийг ойлгох болсон. Эрдэмтэн судлаачид, эмч нар ч мөн энэ тал дээр ч ижил байр суурьтай байгаа юм. 3-5 насны хүүхдүүдийн хувьд, өдөрт 2 цагаас дээш хугацаагаар гар утас, таблет зэргээр тоглох нь хүнд төрлийн харилцааны эмгэгтэй болох, өсөлт хөгжил нь удаашрах, хордох, тархины хөгжлийг саатуулах гээд олон сөрөг нөлөөтэйг баталжээ. Мөн үүнээс болж хүүхдүүд гар утас, компьютерт ихээхэн донтох болж, асуудал дагуулсаар байна. Нэгэнт технологийн дэвшилтэй хөл нийлүүлэн алхаж байгаа өнөөгийн нийгэмд ухаалаг хэрэглээнээс татгалзах амаргүй. Гэсэн ч хүүхдийнхээ эрүүл мэнд, ирээдүйг аврахын тулд ямар нэгэн алхам хийхээс өөр аргагүй болоод байна.