Кендалл Женнер хүргэн ахтайгаа болзож эхлэв үү?

Кардашьяны гэр бүлийн хамгийн нэр хүндтэй гишүүн бол модель, загвар өмсөгч Кендалл Женнер (Kendall Jenner) билээ. Тэрээр завгүй ажлынхаа улмаас нэг улсаас нөгөө улсын хооронд үргэлж л нисэж, нэг ёсондоо нүүдлийн хэв маягтай амьдардаг. Тэгвэл саяхны бас нэгэн аяллынхаа өмнөхөн эгч Куртни Кардашьян (Kourtney Kardashian)-ий нөхөр, хүргэн ах Скотт Дисикийн хамт өдрийн хоол хамт идэхээр явж байгаад папарациудын дуранд өртжээ.

1

Хэдийгээр Скотт, Кендаллын эгч Куртнигийн хуучин нөхөр, 3 хүүхдийн эцэг боловч тэдний гэр бүлийнхнээс зөвхөн Кендаллтай маш дотно харилцаатай байдаг нь олон нийтийн сонирхлыг татдаг.

2

Куртни, Скотт хоёрын салах болсон шалтгаан нь, Скотт эхнэрээ хуурч байгаа нь папарациудын дуранд өртсөнтэй холбоотой.

3

Тэд Лос Анжелес хотод өнгөрөгч бямба гарагт хамтдаа зугаалж, өдрийн хоол хамт идэн, ресторанаасаа буцах замдаа дэлгүүрээр орсон байна.

4

Өмнө нь хэвлэл мэдээллийн хэрэгслээр тэднийг нууц амрагийн харилцаатай, "Keeping up with the Kardashians" шоуны үеэр нэг оронд хамт байхдаа эгчдээ баригдаж байсан гэх мэт сенсаац дэгдээд байсан билээ.

5

Энэ тухай яриа хэсэг намжиж байтал, тэд ахин дахин хамтдаа хоолонд орж, шоунд явж, төрсөн өдрийн үдэшлэгтээ маш дотно харагдаж байсан нь олонд эргэлзээ төрүүлж, Кендаллын нэр хүндийг унагааж байсан юм.

6

Ямартай ч боломжгүй зүйлсийг боломжтой болгож, шоу ертөнцийг үргэлж л хөгжөөж байдаг Кардашьяны гэр бүлийнхэн юу ч сэдэж мэднэ. Тиймээс цаашдаа юу болохыг нь хүлээх л үлдлээ.