1
Эфирийн тос
Лаванда цэцэг, бамбай өвс, эквалипт, шимтэглээ цэцэг, улаан гоньд, ганга, халуун ногоо, цайны мод, хуш зэргийг өөртөө агуулсан эфирийн тос нь цусанд дурлагч шавьжийг устгах шидтэй байдаг. Үүнийг та өөрийн түрхэж хэрэглэдэг, нарны болон өдрийн тосондоо хольж түрхэж болно.
2
Ургамал
Түрүүтэй гаа, миртл, розмарин болон шимтэглээ цэцэг зэрэг нь шумуулны эсрэг онцгой нөлөөтэй. Энэхүү ургамлуудыг та гэртээ тарьж ургуулснаар шумуул дахиж гэрт тань орж ирнэ хэмээн санаа зовох зүйлгүй болно.
3
Нимбэг
Та нимбэгийг хэдэн хэсэг хэрчиж, орныхоо ойролцоо тавьж, цонхоо онгойлгон тааваараа унтаарай. Учир нь нимбэг нь шумуулыг өөрөөсөө холдуулан, үргээх үүрэгтэй байдаг тул бүхэл шөнийн турш таныг хөнөөлт дайснаас хамгаална.
4
Ахуйн аргаар хор бэлтгэх
Танд 1 гр эсгэгч, 200 мл ус, 50 гр элсэн чихэр болон ундааны сав хэрэг болно. Ундааны савны дээд хэсгийг хайчилж аваад орцнуудаа хийж хутгаад дээд хэсгийг урвуулан харуулж тавиарай. Шумуулнаас найдвартай хамгаална.
5
Боргоцойн утаа
Боргоцойг шатааж утаа гаргах нь шумуулыг өөрөөсөө холдуулж үргээдэг. Үүнтэй адилаар аргалыг ч мөн шумуул үргээх үүднээс шатааж, утаа гаргадаг гэдгийг та бас мэдэх бизээ.
6
Уулын үнс (mountain ash) мод
Хэрэв та ойгоор аялж яваа бол уулын үнс (mountain ash) модны навчийг аван, шумуул хазаж болох хэсгүүд дээрээ нааж, тавиарай. Энэ нь таныг хамгаалаад зогсохгүй, эрүүл мэндэд тань онцгой нөлөөтэй байна.
7
Сонгино, сармис
Шумууланд хазуулсны дараа загатнаж, хорсож бие тавгүйтдэг. Харин та энэ үед хазуулсан хэсэгтээ хэрчсэн сонгино тавиад үзээрэй. Улайсан хэсэг нь удахгүй арилах төдийгүй хорсох загатнах зэргийг багасгадаг байна шүү. Сармисны тухайд бага зэрэг усанд хийж, шүүсээр нь хазуулсан хэсгээ арчаарай.
8
Хүнсний сода
Гэртээ ашиглаж болох бас нэгэн хялбар арга бол хүнсний сода ашиглах. 3 халбага хүнсний содаг 1 халбага усаар зуурч өтгөрүүлнэ. Үүнийгээ хазуулсан хэсэгтээ түрхээд, хатаах бөгөөд хатсаны дараа угааж арилгаарай.
9
Нимбэгний шүүс
Та шумууланд хазуулсан хэсгээ загатнаа багатай, түргэн эдгээхийг хүсвэл нимбэгний шүүсийг ашигласан ч болно.
10
Халбага
Халуун усанд хийж, халаасан халбагыг хазуулсан хэсэгтээ нааж, хэсэг хугацаанд байлгана. 4-5 минут болсны дараа шумууланд хазуулсан хэсэг тань загатнаж, хорсохоо больсон байх болно.
