1
Лагман
Гар аргаар хийсэн гоймонг хонины яснаас гаргасан шөлөнд хийж, хүнсний болон халуун ногоогоор баяжуулсан байдаг.
2
Хаш
Хаш ногоог амтат чинжүү, болон улаан луувантай хамт шарж амталсан хөнгөн төрлийн зууш.
3
Банштай шөл буюу "Чучвара"
Манайхны хийдэг банштай шөлнөөс ялгарах зүйл нь цөцгийгөөр амталдаг.
4
Плов
Узбек плов бол дэлхийд алдартай. Үхэр болон хонины мах, лууван, сонгино, бүтэн сармис зэрэг нь гол амтлагч юм. Ихэнхдээ үндэсний хэмжээний том баяр наадмын үеэр пловийг хийдэг.
5
"Ташкент" салат
Жигнэсэн үхрийн хэл, улаан лууванг цөцгийгөөр амталж хийсэн салат.
6
"Манта"
Буузтай төстэй хоол боловч халуун ногоо, хулууг нэмэлтээр хийж, цөцгийгөөр амтлан иддэг.
7
Самса
Дотроо мах, ногооны шанцайтай жигнэмэг гэж хэлж болно. Гурилны гадуур нь өндөгний шар түрхэж өгвөл бүр илүү амттай болно.
8
"Ачик-чучук" салат
Шинэ ургацын улаан лооль, сонгино, сармистай энэхүү салат нь часхийсэн гайхалтай амттай бөгөөд цагаан хоолтнуудад төгс тохирно.
9
"Нарын"
Узбек үндэстний гол зоог болох Нарын нь адууны махтай, гараар хийсэн гоймонтой хоол юм. Түүнчлэн дээрээс нь түүхий сонгиныг том хэрчин тавьдаг.
10
"Шурпа"
Хонины өөхтэй махнаас амт чанар, илчлэг сайтай өтгөн сайхан шөл гаргаж, шинэхэн ногоог ч чанадаг. Монголчуудад таалагдах нь аргагүй л юм байна даа...
11
"Димлама"
Ногоо, махнуудаа тус тусад нь чанаж болгодог хоол.
12
"Кутаб"
Манайхаар бол хуушууртай их төстэй бөгөөд мөн л халуун ногоо ихтэй байдгаараа ялгаатай. Зарим үед бяслаг, төмс хийх нь ч бий.
13
Кебаб
Үхэр болон хурганы махыг ил гал дээр шарж болгон шорлож иддэг хүнд төрлийн хоол. Үүнийгээ мөн л түүхий сонгиноор амтлах бөгөөд махаа амтлах амтлагчаа нууц жороор хийдэг гэнэ.
14
"Халвайтар"
Энэхүү амттанг ихэнхдээ хоолны дараа дессерт болгон хэрэглэдэг. Халва амттаныг хайлуулан хэвэнд оруулаад дээр нь тос, хуурай гурил нэмж хийдэг байна.
15
Цайны цаг
Халуун цайг самар, хатаасан жимс, үзэм, чангаанз зэрэгтэй хослуулан идэх нь тэдний эрт дээр үеийн уламжлал гэж хэлж болно. Гэр бүлээрээ тойрч суугаад, баяр ёслолын үеэр амтат цайгаа жимсгэнэтэйгээ идэх нь тэднийг хэр зэрэг соёлтой ард түмэн гэдгийг илтгэнэ.
