Үүсгэн байгуулагч Гуцио Гүччи
"Gucci" брэндийг анх Гуцио Гүччи (Guccio Gucci) 1921 онд үндэслэн байгуулжээ. Анх зочид буудлын хаалгач байсан залуу зочдын гар тээшийг ихэд сонирхон хардаг байж. Үүнээсээ улбаалан тансаг арьсан эдлэлийн брэнд Гүччиг байгуулах санаа төржээ. Гүччигийн дэлгүүрийг анх өөрийн төрсөн нутаг Италийн Флоренц хотод байгуулсан байна.
1953 онд анх Нью-Йорк хотод анхны брэндийн дэлгүүрээ нээсэн нь Итали улсын хамгийн анхны бүтээгдэхүүн борлуулах брэндийн дэлгүүр болсон түүхэн үйл явдал болжээ. Харин одоо 550 дэлгүүртэй, Итали улсын хувьд хамгийн их тансаг зэрэглэлийн, гар урлалын, арьсан эдлэл болон хувцас загварын бүтээгдэхүүн борлуулдаг групп компани болсон байна.
Одоогоор уг брэнд нь Дэлхийн топ 100 брэндийн жагсаалтанд 38 дугаарт ордог бөгөөд дэлхийн дээдсүүд, баячууд, тансаг бүтээгдэхүүнийг шүтэн бишрэгчдийн хамгийн том сонголт болжээ. 90 жилийн түүхийг харуулсан музейгээ Итали улсад байгуулсан бөгөөд хэрвээ та Итали улсад очвол заавал үзэх ёстой музей юм шүү гэдгийг сануулмаар байна.
"Gucci" брэндийн таних тэмдэгүүд
- 1960 оноос эхэлж уг логог бүхий л бүтээгдэхүүн дээрээ ашиглах болсон.
- Анх 1953 онд морины амгай хэлбэртэй чимэглэл оруулсан.
- Хулсан иш бүхий цүнхний бариул
- Ногоон улаан өнгө бүхий оруулга
- Кофен бор өнгийн брэндийн лого бүхий хээ
1966 онд Монакогийн гүнж Грэйс Келли (Grace Kelly)-ийн захиалгаар алдарт цэцгэн хэвлэмэл материалаар цүнх хийж өгсөн байна. Харин 2006 онд загвар зохиогч Фрида Жианини (Frida Giannini) дахин цүнх, гутал, жижиг арьсан бүтээгдэхүүнд оруулж өгснөөрөө шүүмжлэлчдийн зүгээс талархал хүлээжээ. Ингээд "Gucci"-ийн нэрийн хуудас болсон цүнхнүүдийг танилцуулъя
1
Jackie
Jackie Kennedy анхлан энэ цүнхийг үүрснээр түүний нэрээр нэрлэгдсэн аж. Сүүлд нь 'Jackie O' хэмээх албан ёсны нэртэй болжээ.
2
Sukey
Энэ цүнх нь бусад цүнхнээсээ брэндийн лого болон О хэлбэрийн оосроороо ялгарна.
3
Boston
"Gucci"-ийн хамгийн олонд танигдсан цүнхний нэг, классик бариултай бөгөөд орчин үед урт богино янз бүрийн оосортой гарах болсон байна. Мөн янз бүрийн материалаар болон хээ хуараар чимэглэн гаргах болжээ.
4
Bamboo Top Handle
1947 онд анх танилцуулагдсан хулсан бариултай уг цүнх нь 2000 оноос хойш дахин шинэчлэгдэж, илүү орчин үеийн загвартай болжээ. Уг хулсан бариулыг одоо хүртэл хуучны арга барилаараа Гүччигийн эх нутаг Флоренцод хийдэг бөгөөд нэг бариулыг хийхэд 13 цаг зарцуулдаг гэсэн баримт бий.
5
Pelham
Уг цүнхийг морины амгайн чимэглэлтэй, арьсан тоноглолтой бүтээсэн.
6
Hysteria
Уг цүнх нь арьсан материалтай бөгөөд дайны дараа бас нэг Гүччигийн лого болох "Gucci Crest logo"-оор чимэглэгдсэн байдгаараа онцлог.
7
Soho
Уг цүнх нь бөөрөн дээрээ GG логоор томоор дүрслэгдсэнээрээ бусад цүнхнээсээ ялгардаг. "Soho Hobo" гэдэг хочоор нь олон нийт мэднэ.
8
1973
2010 онд танилцуулсан "1973" цуглуулга нь алтан үсгээр логог илэрхийлсэн байдаг.
9
Emily Chain
Бариулыг алтан гинжээр хийсэн байдаг бөгөөд цүнхний төв хэсэгт морины амгайн чимэглэлээрээ мөн чимж өгсөн.
10
Swing
Арьсан материалтай, хоёр талдаа далавчтай мэт дизайнтай, "Гүччи, Францад үйлдвэрлэв" гэсэн бичгийг голдоо алтан өнгөөр бичсэн байдаг.
11
Stirrup
1975 оноос хойш олон танигдсан. Биенд сууж өгдөг хэлбэртэйгээрээ бусдаасаа илүү онцлог болсон.
12
Marrakech
Арьсан цацагтай, түүний дээр байрлах жижигхэн логотойгоороо онцлог. Мөрөнд үүрдэг жижигхэн цүнх юм.
13
Bucket Bag
Сонгодог маягаар хаагддаг энэ цүнх нь урт оосортой байдаг.
14
Nice
Уг коллекц нь дотроо тасалгаатай, нарийхан эмжээр болон бариултай.
Шинэ захиралтай болсноороо Гүччигийн цүнхэнд ургамал, шувууд, шавж гэх мэт олон сонин дүрслэл нэмэгдэж, загварлаг бүсгүйчүүдийн шуналыг хөдөлгөх болжээ..
3Gucci" орчин үед
2015 оны Нэгдүгээр сард загвар зохион бүтээх захирлаар Александро Мишел томилогдсон байна.
Холливуудын оддын сонголт болоод байгаа цацаг вантикыг саатай хэвлэмэл хийсэн нь хамгийн сонирхолтой болж чадсан.
2016 оны Хаврын загварын коллекц
