10 "Fight Club" - 1999 он

Найруулагч Дэвид Финчер (David Fincher)-ийн найруулан бүтээсэн адал явдал, тулаант төрлийн “Fight Club” кино нь шүүмжлэгчдээс шилдэг үнэлгээг авч чадсан юм. Зохиолч Чак Паланик (Chuck Palahniuk)-ийн зохиолоос сэдэвлэсэн эл кинонд Холливуудын чадварлаг, царайлаг жүжигчин Брэд Питт (Brad Pitt), Эдвард Нортон (Edward Norton), Хелена Бонем Картер (Helena Bonham Carter)  нар хамтран тоглосон байдаг.

9 "The Good, the Bad and the Ugly" - 1966 он

Зохиолч Лучано Винсензони (Luciano Vincenzoni)-ний зохиолоос сэдэвлэн, Италийн нэрт найруулагч Сержио Леоне (Sergio Leone)-ийн дэлгэцнээ амилуулан бүтээсэн тус кино нь шүүмжлэгчдээс хамгийн шилдэг гэх үнэлгээг авч чадсан юм. Дүрүүдэд, Клинт Иствуд (Clint Eastwood), Эли Уоллах (Eli Wallach), Ли Ван Клиф ( Lee Van Cleef) нар хамтран тогложээ.

8 "The Lord of the Rings: The Return of the King" - 2003 он

Оксфордын Их Сургууийн багш Жон Толкины (John Tolkien)-ний зохиосон зөгнөлт туульсын романаас сэдэвлэн бүтээсэн тус кинонд харанхуй эзэн Саурон дундад дэлхийг эзэгнэн захирахын төлөө шидэт бөгжийг бүтээдэг. Зохиолд Шаир гэгч хоббитуудын амьдардаг газраас авахуулаад Дундад дэлхийн бүх хэсгээр үргэлжилж, Бөгжний дайны тухай гол баатруудын нүдээр өгүүлдэг. Зохиолд, Фродо Баггинз, Самвайз Гамжи (Сэм), Мэриадок Брэндибак (Мэрри), Перегрин Түк (Пиппин) гэгч хоббитууд, мөн Арагорн гэгч аянчин, Гимли гэгч одой, Леголас гэгч эльф, Гандальф шидтэн гэх мэт баатруудын талаар өгүүлнэ.

7 "12 Angry Меn" - 1957 он

Америкийн нэрт найруулагч Сидни Люмет (Sidney Lumet)-ийн найруулан бүтээсэн “12 Angry Меn” кино нь тухайн үедээ төдийгүй одоо ч залуусыг байлдан дагуулсан чанартай уран бүтээл болсон билээ. Эл киног зохиолч, продьюсер Режинальд Роуз (Reginald Rose)-ийн зохиолоос сэдэвлэн бүтээсэн юм. Кинонд, Хенри Фонда (Henry Fonda), Ли Жей Кобб (Lee J. Cobb), Мартин Балсам (Martin Balsam) нар тоглосон байдаг.

6 "Pulp Fiction" - 1994 он

Итали гаралтай Америкын алдартай найруулагч Квентин Тарантино (Quentin Tarantino)-ийн эл бүтээл гарсан даруйдаа шүүмжлэгчдээс олон эерэг үнэлгээг авсан байдаг. Роджер Эвери (Roger Avary)-ийн зохиолоос сэдэвлэн бүтээсэн энэхүү кинонд, Жон Траволта (John Travolta), Ума Турман (Uma Thurman), Сэмюэл Л. Жексон (Samuel L. Jackson) нарын уран бүтээлчид тоглож, дэлгэцнээ амьдруулсан билээ.

5 "Schindler's List" - 1993 он

Оскар Шиндлер (Oscar Schindler) хэмээх эр дэлхийн хоёрдугаар дайны үед 1100 гаруй Польшийн еврей нарыг өөрийн үйлдвэрт ажиллуулах нэрийдлээр аварсан аугаа энэрэнгүй үйлст эрийн тухай өгүүлэх тус киног Томас Киннели (Томас Keneally) зохиолоос сэдэвлэн бүтээсэн бөгөөд нэрт найруулагч Стивен Спилберг (Steven Spielberg) найруулан дэлгэцнээ амилуулсан билээ. Бүхэлдээ хүний амьдралын утга учир, хайр харууслыг шингээсэн энэхүү түүхэн бүтээл шүүмжлэгчдээс шилдэг хэмээх үнэлгээг авч чадсан юм. Кинонд, Лиам Нисон (Liam Neeson), Рэйф Файнс (Ralph Fiennes), Бен Кингсли (Ben Kingsley) нарын уран бүтээлчид хамтран тоглосон.

4 "The Dark Knight" - 2008 он

Найруулагч Кристофер Нолан (Christopher Nolan)-ний бүтээл, адал явдалт тулаант төрлийн тус уран бүтээл нь жүжигчин Хит Леджерийн амьд ахуйдаа тоглосон хамгийн шилдэг киноны нэг юм. Түүний Жокерийн дүрд хэрхэн орж, түүнийг амьдруулж буй ур чадвар нь өдгөө тус уран бүтээлийг домог болгосон гэхэд хилсдэхгүй. Кинонд, Хит Леджер (Heath Ledger), Кристиан Бэйл (Christian Bale), Мэгги Жилленхол (Maggie Gyllenhaal), Майкл Кейн (Michael Caine), Морган Фриман (Morgan Freeman), Гэри Олдмен (Gary Oldman), Аарон Экхарт (Aaron Eckhart) нарын уран бүтээлчид хамтран тоглосон юм.

3 "The Godfather Part II" - 1974 он

Тус киноны үргэлжлэл хэсэг болох энэхүү кино нь шүүмжлэгчдээс мөн л хамгийн шилдэг хэмээх үнэлгээг авсан юм. Киноны гол дүрүүдэд, алдарт жүжигчид Аль Пачино (Al Pacino), Роберт Де Ниро (Robert De Niro), Роберт Дюваль (Robert Duvall) нар тоглосон юм.

2 "The Godfather" - 1972 он

Дэлхийн бүх цаг үеийн хамгийн шилдэг киноны жагсаалтад найруулагч Фрэнсис Форд Коппола (Francis Ford Coppola)-ийн “Загалмайлсан эцэг” кино нилээд дээгүүр байр суурийг эзэлдэг. Итали гаралтай Америкийн мафийг тэргүүлэгч Корлеонегийнхны 10 жилийн амьдралын эргэлтийг харуулсан триллер төрлийн “Загалмайлсан эцэг” кино нь өдгөөг хүртэл үзэгчид, шүүмжлэгчдийн хувьд шилдэг бүтээл байсаар ирсэн юм.

1 "The Shawshank Redemption" 1994 он

Зохиолч Стивен Кинг (Stephen King)-ийн зохиолоос сэдэвлэн бүтээсэн “The Shawshank Redemption” киног Францын нэртэй найруулагч Франк Дарабонт (Frank Darabont) найруулан үзэгчдийн хүртээл болгосон байдаг. Киноны гол дүрд Тим Роббинс (Tim Robbins), Морган Фриман (Morgan Freeman), Боб Гантон (Bob Gunton) гэх мэт уран бүтээлчид хамтран тоглосон.