Орц:

Энэ орц нь 4 литрийн саваар дүүрэн хийгдэх хоолний хэмжээнд зориулсан юм шүү. Их хэмжээгээр хийхгүй гэвэл яг талаар нь хийхэд болно.

- 1кг загас
- 800гр төмс
- 150гр лууван
- 150гр сонгино
- чинцай, петрүшка
- бөөрөнхий перец 5-7 ширхэг
- лаврын навч 3-4
- давс перец, чимэглэх ногоо

Хийх дараалал:

• Загасаа цэвэрлэнэ.
• Толгой сүүлийг нь тусад нь салгаж авна.
• Толгой сүүлийг нь усанд хийж, 25-30 мин чанана. Дараа нь шөлөө шүүж аваад үлдсэнийг нь хаяна.
• Харин толгой сүүлнээс бусад загасны махаа яснаас нь салгаж авна. 3-4 см хэмжээтэй том томоор зүсэж бэлтгэнэ. Ингэснээр идэхэд илүү амар байх болно шүү.
• Сонгиноо жижигхэн хэрчинэ.
• Луувангаа цацдаж тавина.
• Төмсөө жижигхэн хэрчинэ.
• Шүүсэн шөлөндөө төмсөө хийгээд давс, перецээр амталж өгнө.
• Лууван сонгиноо хайруулын тавганд жаахан шарна.
• Шөлөндөө лууван сонгиноо хийгээд 5-7 мин буцалгана.
• Лаврын навч, петрүшка эсвэл жижиглэж татсан чинцай, бөөрөнхий перецээ хийнэ. Ингээд 20-30 мин зөөлөн гал дээр буцалгана.
• Ногоо болоод ирэнгүүт бэлтгэсэн Загасны махаа хийж 10 мин буцалгана.
• Аягалахынхаа өмнө өнгө оруулах ногоогоо хийж болох юм.

Жич: Хэрвээ та шөлөө агшаасан будаатай идмээр байвал, хоолоо хийж байх хооронд будаагаа агшааж бэлдээрэй. Нэг зүйлийг сануулахад шөлөндөө будаагаа холихгүй, тусад нь аягалаж өгнө.

Эцэст нь хэлэхэд: "Загасны махаар хийсэн хоол хамгийн эрүүл" гэдгийг бүү мартаарай. Танд амжилт хүсье!