Богино хэмжээний кино бүтээлүүдээрээ олноо танигдаж, motion picture буюу бүрэн хэмжээний кинонууд болох “Дуудлага”, “Учрал” нэртэй бие даасан кино бүтээлээ үзэгчиддээ хүргэсэн Aurora Films –н залуу найруулагч Балхжавын Чингүүний өвөрмөц хийц өгүүлэмжтэй “ӨРТӨӨ” уран сайхны кино тун удахгүй кино дэлгэцнээ гарахад бэлдэж байна.

Тус киноны эх зохиолыг найруулагч Б.Чингүүн гаргаж зохиолч Э.Нямдулам, Д.Бямбацогт нартай хамтран бичсэн юм. Туслах найруулагчаар “Ноён солиот”, Салхи Дамбий дүрүүдээрээ алдартай жүжигчин МУСТА Д.Бямбацогт ажиллаж байгаа юм. Тэрээр тус киноны өвөрмөц нэгэн чимэг дүрийг бүтээж байгаа бөгөөд МУГЖ Ж.Оюундарь түүний алтан хамтрагч болж байгаа нь киног илүү чимж байгаа юм. Киноны гол дүрд SBN tv -ийн хөтлөгч, жүжигчин Б.Батзаяа, мөн сүүлийн үед киноны эрэлттэй байгаа авъяаслаг, үзэсгэлэнт бүсгүй, жүжигчин Б.Хулан нар тогложээ.

Найруулагч Б.Чингүүний хувьд энэхүү бүтээлээрээ өөрийнхөө түвшнийг ахиулах, сорих, эвдэх мөн монголын кино урлагт шинэ хийц, өнгийг бий болгохоор зорьсон нь олны анхаарлыг татаад байгаа нь нууц биш юм.

Галт тэрэг нь цаг хугацаа, хувь тавилантай уралдан, өртөө болгон дээрээс гайхамшигт түүхийг тээдэг. Өртөө бүрт гайхамшигт учрал тохиож бас хэн нэгний хагацалын нулимсыг үзүүлдэг.

Уг кинонд Залуусын хайр дурлал, тэдэнд тохиолдох олон үйл явдлыг хөндөх ч тэр бүх үйл явдлыг бүхэлд нь өөр цаг үед, өөр нөхцөлд уран зураг мэт дүрслэлээр үзэхийг хүсвэл үзэгч та дараах Өртөөн дээр бэлэн байгаарай... Галт тэрэг очиж байна.

2016 оны 3-р сард Адал явдалт, Хайр дурлалын тухай өгүүлэх “ӨРТӨӨ” кино нээлтээ хийнэ. Уран бүтээлчиддээ амжилт хүсье...

Дэлгэрэнгүй мэдээллийг : https://www.facebook.com/urtoo.official/