1. “Oculus Rift”
“Oculus VR” компанийн нэрийн хуудас болсон “Oculus Rift” хэмээх нүдний шилтэй төстэй загвартай, видео тоглоом тоглох зориулалттай энэхүү төхөөрөмж нь 3-р сарын 28-нд худалдаанд гарахаар товлогдсон хэдий ч аль хэдийн 75 мянган хүний захиалгатай байгаа ажээ. Үнийн хувьд 600 доллар бөгөөд үүнийг холбохын тулд мөн чамгүй үнэтэй суурин компьютер хэрэгтэй гэнэ.
2. “HTC Vive”
“Oculus Rift” төхөөрөмжтэй адил зориулалттай “HTC” компаниас гаргаж буй тус видео тоглоом нь 2-р сарын 29-өөс эхлэн захиалгаа авч, 4-р сарын эхээр худалдаанд гарна гэжээ.
3. “PlayStation VR”
Энэхүү төхөөрөмж нь 6-р сарын сүүлээр худалдаанд гарахаар төлөвлөгдөж байгаа бөгөөд “PS4”-ийн горимоор ажиллах ажээ.
4. “Echo”
Утасгүй спикерийн дэвшилтэт төрөл болох “Echo”-г цэнэгээ удаан барих, байгаль орчинд ээлтэй байх байдлыг нь бодолцон, энэ ч утгаараа үнийн хувьд ч бодсоноос хямд борлуулахаар төлөвлөжээ.
5. “iPhone 7”
Дэлхийг өөрчлөх “Apple”-ийн шинэ бүтээгдэхүүн, “iPhone 7” худалдаанд гарах цаг улам л наашилж байна. Өмнөх загваруудаас илүү нимгэн, усны хамгаалалт, цэнэгээ барих хугацааг нь уртасгах, голын товчны шийдэл зэргүүдийг хийж байгаа аж. Ерөнхийдөө 9-р сарын 18-аас эхлэн захиалгаа авч, 10-р сарын эхээр нээлтээ хийхээр төлөвлөж байгаа ажээ.
6. Утасгүй “Earpod” чихэвч
Энэхүү чихэвч нь “iPhone 7” утастай хамт борлуулагдах юм.
7. Шинэчилсэн “MacBook Air”
Энэ удаагийн шинэ загварын “MacBook Air” зөөврийн компьютер нь өндөр нягтаршилтай “Retina” дэлгэцтэй болсноороо онцлогтой.
8. “iPad Pro”
Жил гаруйн өмнө л сүүлийн загвараа гаргасан “iPad” тун удахгүй илүү хурдтай, илүү их хүчин чадалтай, 3D Touch бүхий шинэ загвараа удахгүй худалдаанд гаргаж, тоглоомын хоббитнууд болон ажил хэрэгч залуусыг баярлуулах нь ээ.
9. “Apple Watch”
“Apple” компанийн ухаалаг цаг худалдаанд гараад бүтэн жил хүрээгүй хэдий ч, “Facetime” камер суурилуулж, бяцхан шинэчлэлт оруулан зах зээлд нийлүүлэх гэж байна.
10. “Nexus”
2010 оноос хойш огт шинэчлэгдээгүй байгаа Nexus загварын гар утсыг энэ онд “HTC” компани гаргах гэж байгаа гэсэн шуугиан дэгдээд байгаа. Үүнийг үнэн эсэхийг бид хүлээх л үлдлээ.
11. “Samsung Galaxy S7”
“Samsung” корпорацийн тэсрэлт хийсэн дараагийн бүтээгдэхүүн болох “Galaxy S7” худалдаанд гарахад хэдхэн долоо хоног үлдээд байна. 3D Touch, өндөр нягтаршилтай бат бөх дэлгэц зэрэг олон олон дэвшилтэт деталиудыг оруулж өгснөөрөө өмнөх загваруудаасаа эрс ялгагдах аж.
12. “Surface Pro” таблет
Microsoft корпорацийн гибрид таблет “Surface Pro 4” загвар энэ намар худалдаанд гарна.
