Шилдэгээр шалгарсан сайтуудыг “WEB AWARDS 2015” оны тэргүүн наадмын ёслол хүндэтгэлийн арга хэмжээний үеэр нийтэд зарлан, улс төр, урлаг соёл, спортын алдартнууд МОСАХ-ны ажлын алба, УЗ-ийн гишүүдийн хамт цом, өргөмжлөлийг гардуулан өглөө. Арга хэмжээг “Стар” телевиз шууд дамжуулан хүргэсэн байна.

2015 ОНЫ ШИЛДЭГҮҮД:
-    Шилдэг орон нутгийн сайтад: Khongornutag.mn
-    Гэр бүл, гоо зүйн мэдээллийн шилдэг сайт: Emegteichuud.mn
-    Шилдэг төрөлжсөн мэдээллийн сайт: Paparatsi.mn
-    Шилдэг дебют сайт: MNB.mn
-    Бизнес мэдээллийн Шилдэг сайт: Barilga.mn
-    Шилдэг технологи нэвтрүүлэгч сайт: Zarmedee.mn
-    Нийгмийн хариуцлага хэрэгжүүлэгч Шилдэг сайт: Ugluu.mn
-    Шилдэг маркетингтай сайт: Bataar.mn
-    Шилдэг төрийн байгууллагын сайт: Mofa.gov.mn
-    Шилдэг төсөл хэрэгжүүлэгч сайт: Olloo.mn
-    Эрэн сурвалжлах мэдээллийн Шилдэг сайт: Fact.mn
-    Шилдэг нийтлэлийн бодлоготой сайт: Wikimon.mn
-    Шилдэг хөтөч сайт: Dorgio.mn
-    Мэдээллийн Шилдэг сайт: Zaluu.com
-    Шилдгийн Шилдэг сайт “Гранпри” шагнал: CAAK.MN

“WEB AWARDS 2015” оны тэргүүн наадам нь нэр бүхий 15 номинацид шилдэгүүдийг тодруулахаас гадна, Нийгмийн хөгжлийг дэмжигч Үндэсний хэмжээний бүтээн байгуулалт, Хөрөнгө оруулагч, Улс төрч, Шилдэг залуу удирдагч, Хүмүүнлэгийн үйлстэн нарыг нэрлэн алдаршуулсан юм.

-    Үндэсний шилдэг Бүтээн байгуулалт: МОНЦЕМЕНТ ҮЙЛДВЭР
-    Үндэсний шилдэг Үйлдвэрлэгч: “Долоон болдог” группын “ДИ БИ ПАНЕЛ СИСТЕМ” ХХК
-    Үндэсний шилдэг Хөрөнгө оруулагч: “ОРГИЛ” худалдааны төвийн ерөнхий захирал Ж.ГАНБААТАР
-    Шилдэг Улстөрч: Боловсрол соёл шинжлэх ухааны сайд Л.ГАНТӨМӨР
-    Үндэсний шилдэг Залуу удирдагч: УИХ-ын гишүүн О.СОДБИЛЭГ
-    Үндэсний шилдэг хүмүүнлэгийн үйлстэн: Д.ЭРДЭНЭБАТ
-    Үндэсний Шилдэгийн Шилдэг удирдагч “Гранпри” шанал: Скайтел группын захирал Д.БОЛОР

Амжилт, ололтоор дүүрэн хуучин оноо үдэж, гэрэлт ирээдүйгээр шинэ оноо угтаж байгаа Монголын Сайтын Холбооны хамт олон “WEB AWARDS 2015” оны цахим салбарын оны тэргүүн наадмаа ийнхүү 2015 оны 12 сарын 30-ны үдээс өмнө амжилттай зохион байгуулсан бол үдээс хойш 200 гаруй сайтуудын төлөөлөл болсон 350 гаруй  сэтгүүлч, админууд нэгэн дор чуулан Шинэ жилийн баярын цэнгүүндээ оролцон, шилдэг сэтгүүлч, хэвлэл мэдээллийн ажилтнууддаа цол тэмдэг олгон баяр хөөрөөр дүүрэн  2016 оны угтлаа.

Монголын Сайтын Холбооны Ерөнхийлөгч Х.Мандахбаярын хэлсэнчлэн “Монголын Цахим сэтгүүл зүйн хөгжил дүрэлзэн бадрах болтугай” гэсэн сайхан ерөөийн үгээр  мэдээллээ өндөрлөе.