Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
Хятадын засгийн газар агаарын бохирдлыг бууруулах 3 жилийн төлөвлөгөө батлан хэрэгжүүлж эхэлсэн ч үр дүн нь төдийлөн харагдахгүй байна. Харин саяхнаас цэвэр агаар амьсгалахыг хүсэж, аргаа барсан иргэд эхнээсээ савтай цэвэр агаар худалдан авч эхэлжээ.
Жилийн өмнө байгуулагдсан Канадын “Vitality Air” компани 3-7.7 литрээр савласан цэвэр агаараа 100 юан (31 мянган төгрөг)-аар зарж байгаа ажээ.
Савласан цэвэр агааруудаа 2 сарын өмнөөс Хятад руу нийлүүлж эхэлсэн бөгөөд 4 өдрийн дотор л гэхэд 500 ширхэг агаар зарагдаж, түүнээс хойш 4000 агаарын захиалга ирсэн хэмээн “Vitality Air” компанийн үүсгэн байгуулагч Мосес Лам (Moses Lam) мэдэгдсэн байна.
Үүнээс хойш тэрээр энэ төрлийн бизнесээр дагнавал илүү их ашигтай байхыг олж мэдэн, савтай агаараа агаарын бохирдол ихтэй улс орнууд руу аль хэдийн нийлүүлээд эхэлжээ. Удалгүй манайд ч гэсэн ийм бүтээгдэхүүн орж ирэхийг үгүйсгэхгүй юм.
Түүнчлэн Хятадын зарим ресторануудын хоолны цэсэнд хүртэл “цэвэр агаар амьсгалах” гэсэн шинэ төрөл нэмэгдсэн байна. Цөөн хэдэн минут амьсгалахад 3 юаны төлбөртэй байх аж.
Манай төрийн удирдлагууд ч гэсэн эрх мэдэл, хөрөнгө мөнгөний төлөө үхэн хатан тэмцэлдэж байсны оронд хүн амын төвлөрөл ихтэй хотуудынхаа агаарын бохирдлын асуудлыг чадах чинээгээрээ шийдвэл аль аль талдаа тустай байхсан... Энэ байдлаараа удаан явбал тун удахгүй Хятадын араас орох нь дамжиггүй юм.
