Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
1. “Batman vs Superman: Dawn of Justice”
Нээлт : 2016 оны 3-р сард
Хэрэв заан халим хоёр тулалдвал аль нь дийлэх бол? Хүүхдийн гэнэн ч гэмээр энэ асуултанд “Warner” кино компанийн “DC Comics” студи 2016 онд гарах гол бүтээлээрээ хариулахаар шийджээ. Хоёр жилийн өмнө гарсан “MAN OF STEEL“ киноны үргэлжлэл болон хийгдэж байгаа уг бүтээлд Супермантай учраа олохыг хичээж байгаа болон хүчирхэг супербаатарт өөрийгөө хэт дөвийлгөх, манай гарагийг эрхшээлдээ оруулах боломжийг олгохгүйн тулд хичээж байгаа Бэтмений тухай харуулах болно.
Найруулагч Зак Снайдер гол дүрд Суперманы дүрээр хэдийн бидний танил болсон жүжигчин Генри Кэвилл болон супер баатрын тухай кинонд шинэ цэрэг болох жүжигчин Бен Аффлекыг Бэтмений дүрд урин тоглуулсан нь шүтэн бишрэгчдийн зүгээс ширүүхэн эсэргүүцэлтэй тулгарахад хүргэсэн юм.
Мөн кинонд Лоис Лейн (Эми Адамс), Лекс Лютор (Жесси Эйзенберг), Бэтмений зарц Альфред (Жереми Айронс) болон Гайхамшиг-эмэгтэй (Израилийн гоо бүсгүйгээр тодорч байсан Галь Гадот) нарын дүрүүд гарах гэнэ. Киногоо “Dawn of Justice” хэмээн нэрлэсэн нь цаашид Супермен, Бэтмен, Гайхамшиг-эмэгтэй болон “DC Comics”-ийн бусад баатрууд “Justice League” үргэлжлэлд дахин нэгдэх нь ойлгомжтойг харуулжээ. Кино 200 сая долларын өртгөөр бүтсэн байна.
Видео
2. “Captain America: Civil War”Нээлт: 2016 оны 5-р сард
2016 онд супербаатруудын хоорондох дайн зөвхөн “DC Comics” киностудийн ертөнцөд өрнөхгүй. “Marvel” ч үүнд “гар бие оролцох” болно. Засгийн газар “суперуудын” хяналтгүй, дураараа байдалд түгшиж, тэдэнд хатуу дэг журам мөрдөхийг тулгана. Өшөө авагчид энэхүү шийдвэрийг дэмжигч болон эрх чөлөөгөө тунхаглан зарлагчид гэсэн хоёр хэсэгт хуваагдана.
Эхний бүлгийн ахлагч нь Төмөр хүн, харин эрх чөлөөг эрхэмлэгчдийн ахлагч нь хээл хахуульд идэгдсэн Засгийн газартаа урам хугарсан “Captain America”-ийн хуучин цэрэг байх болно. Ингээд зүгээр ч нэг өдөөн хатгалт биш харин супербаатруудын дундах Иргэний дайн ажээ. Энэхүү гайхамшигт бүтээлийн найруулагчдаар “Captain America: The Winter Soldier” киногоороо хэдийн танил болсон ах Энтони, Жо Руссо нар ажиллажээ. Кинонд өмнө нь “Marvel“-ийн кинонуудад гарсан бараг бүх дүрүүд нэгдэхээс гадна Том Холландын бүтээсэн Хүн аалз, өнгөр арьст супербаатар болох Хар ирвэс Чэдвик Бозман нар тогложээ.
Видео
3. “X-Men: Apocalypse” Нээлт: 2016 оны 5-р сард
“DC Comics/Warner”, “Marvel/Disney” зэрэг өрсөлдөгчид нь супербаатруудын тулаанаар хоорондоо үзэж байхад “Marvel/Fox” Дэлхийн түүхэн дэх хамгийн хүчирхэг мутанттай үзэгчдийг учруулахаар зэхэж байна.
Үхэшгүй мөнхийн Эн Сабан Нур манай гараг дээр хэдэн мянган жил амьдарч байгаа бөгөөд тэрээр бүхэл бүтэн соёл иргэншлийг устгаж чадахаар хүчирхэг ажээ. Тиймээс ч тэр мутантуудынхаа дунд Апокалипсис шиг нэр хүндтэй. Тэрээр ХХ зууны соёл иргэншлийг үгүй хийхээр шийдэж, өөрийн засаглалын дэлхий дээр тогтоож, бурханчлагдан шүтэгдэхийг хүсэлд нь икс хүмүүс саад болох ажээ.
Икс хүмүүсийн “«Апокалипсис»” хувилбар нь “X-Men: Days of Future Past”-ийн үргэлжлэл бөгөөд гол дүрүүдэд профессор Икс, Магнито, Мистик зэрэг багтжээ. Мөн “Game of Thrones”-ийн Софи Тернерийн дүрийг бүтээсэн залуухан Жин Грей кино багт нэмэгджээ. Харин киноны гол дайсны дүрийг “Оддын дайн”-ы долдугаар цувралын Оскар Айзек бүтээсэн байна. Кинон дээр икс хүмүүсийн тухай кинонуудыг найруулж байсан Брайан Сингер ажилласан байна.
Видео
4. “Independence Day: Resurgence” Нээлт: 2016 оны 6-р сард
20 жилийн өмнө буюу 1996 онд дэлхийн хүмүүс харь гарагийнхны довтолгоог тас цохиж, харийнхныг долдугаар сарын дөрвөн буюу АНУ-ын Тусгаар тогтнолын өдөр ялсан. Гэвч харь гарагийнхан тусламж дуудаж амжсан бөгөөд удахгүй Дэлхийхэнийг сансар огторгуйн түрэмгийлэгчидтэй хийх шинэ тулаан хүлээж байна.
Харийхан дэлхий гарагийг эзлэн түрэмгийлэх ажиллагаанд урьдчилан бэлдсэн байсан ч хүмүүс “урагш нэг алхаж” харь гарагийнханы технологи дээр үндэслэсэн хамгаалалтын системийг бүтээж чаджээ. Гэхдээ энэ систем нь Уилл Смитийн оролцоогүйгээр манай гарагийг аварч чадах болов уу? Ийнхзз Тусгаар тогтнолын өдөр дахиад л аюул нүүрлэлээ.
“Independence Day: Resurgence” –ийг өмнөх цуврал дээр ажилласан Германы найруулагч Роланд Эммерих найруулсан байна. Билл Пуллман, Жефф Голдблум нар өмнөхийн нэгэн адил улстөрийн өндөр албан тушаалтан болон компьютерийн мэргэжилтний дүрийг бүтээсэн бол гол дүрд “The Hunger Games” киногоороо олны танил болсон жүжигчин Лиам Хемсворд тоглосон байна. Хөрөнгө оруулагчид уг кинонд 200 сая доллар хаяжээ.
Видео
5. “Warcraft” Нээлт: 2016 оны 5-р сард
“Warcraft” видео тоглоомын сэдвээр кино хийх талаар тэртээ 2006 онд мэдэгдэж байсан. Гэвч Дункан Жонсын найруулж буй уг бүтээл тэр цагаас хойш 10 жилийн дараа буюу 2016 оны хаврын сүүл сард дэлгэцнээ амилах нь ээ. “Warcraft” одоо тийм ч олны анхаарал татсан сэдэв болсон ч тэр үед олон хүн алдарт “World of Warcraft” тоглоомыг ердөө инерциэр тоглож байсан. Гэхдээ “Blizzard” болон “Legendary Pictures” студийнхан үүнийг 100 сая доллар зарцуулан байж бүтсэн кинонд нь саад болохгүй хэмээн найдаж байна.
“Warcraft””-ийн үйл явдал хүн болон оркуудын хоорондын харилцаа муудах үед өрнөнө. Оркууд хоёр ертөнцийн хооронд хонгил үүсгэн өөрсдийн мөхөж байгаа ертөнцөөс хүн төрөлхтөний хөгжин цэцэглэж байгаа ертөнц рүү зугтахаар зэхнэ. Энэ нь хүн болон орк гэсэн хоёр үндэстэний хооронд дайн дэгдээж, улмаар Азеротд хэлэлцээ хийж, байдлыг тогтворжуулах оролдлого хийхэд хүргэнэ. “Warcraft” нь хэдий уран сайхны кино ч гэлээ ихэнхи хэсэг нь компьютер графикийн аргаар бүтжээ. Жонс өөрийн бүтээлээ “Хаадын тоглоом” болон “Аватар”-ын холимог хэмээн тодорхойлсон байдаг.
Видео
6. “Alice Through the Looking Glass” Нээлт: 2016 оны 5-р сард
Таван жилийн өмнө Тим Бертон өсч том болон нас биед хүрсэн Алисаг Гайхамшгийн орон руу илгээн “Disney” студид тэрбум долларын орлого оруулж байсан билээ. Харин одоо тэр энэ сэдвийг өөрөөр үргэлжлүүлэхээр шийджээ. Киноны нэрнээс харахад л тэрээр гол дүрийн баатар Миа Васиковскаг толины цаадах ертөнц рүү илгээх нь ойлгомжтой байна.
Түүнчлэн “Алиса Гайхамшгийн оронд” кинонд тоглосон олон жүжигчдийг энд олж харах болно. Жишээ нь бид Солиотой бүрхчингийн дүрийг бүтээсэн жүжигчин Жонни Депп гэх мэт. Толины цаадах хатан хаанд Хелена Бонем Картер болон Энн Хэтэуэй, харин жүжигчин Саша Барон Коэн хорон санаатны дүрийг бүтээх аж. “Alice Through the Looking Glass” кино зохиолыг өмнөх киноны зохиолч Линда Вулвертон бичжээ. Харин Тим Бертон продюсераар ажилласан байна.
Видео
7. “Suicide Squad” Нээлт: 2016 оны 8-р сард
Дахиад л “DC Comics/Warner”-ийн гайхамшигт бүтээл. Эхний бүтээлээрээ Супербаатруудыг талцуулсан тэд дараагийнхдаа хорон санаатнуудыг Засгийн газарт хүчин зүтгэх бүлэг болгон цуглуулжээ. Мэдээж тэд үүнийг өөрсдийн хүсэл зоригоор хийгээгүй. Аманда Уоллер гэгч эмэгтэй /Виола Дэвис/ эрх баригчдад баригдсан супер хорон санаатнуудыг хамгийн аюултай, бохир үүрэг гүйцэтгэх “амиа хорлогчдын салаа” болгон нэгтгэнэ.
Уоллерын багт мэргэн буудагч – хөлсний алуурчин Дедшот, солиотой Харли Куинн, австрали алуурчин Бумеранг, могой төрхөт хүний махан идэштэн Киллер Крок зэрэг багтжээ. Тэдгээрийн заримыг та бүхэн “Сум” цувралаас олж харсан байх. Найруулагч Дэвид Айерын уг бүтээлд Уилл Смит, Жей Кортни, Марго Робби, Кара Делевинь нарын одод тоглосон юм байна. шүтэн бишрэгчдийн гол анхаарал Жокерын дүрийг бүтээгч Жаред Лето дээр төвлөрч байгаа бөгөөд шинэ Жокер өмнө нь Жек Николсон, Хит Лежер нарын бүтээсэн Жокерыг давж гарна гэдэгт төдийлөн найдахгүй байгаа гэнэ. Мэдээж өөр өөрийн гэсэн онцлогтой л байх биз. Ингээд харах л үлдлээ.
Видео
8. “Finding Dory”Нээлт: 2016 оны 6-р сард
2003 онд олны хүртээл болсон “Немогийн эрэлд” хүүхэлдэйн кино өнөөг хүртэл “Pixar” студийн шилдэг бүтээлүүдийн нэг байсаар байгаа. Харин ирэх онд бид түүний усан доорхи ертөнцтэй дахин учрах бөгөөд кино зохиолыг өмнөх “Немогийн эрэлд” киноны зохиолч Эндрю Стэнтон бичжээ.
“Доригийн эрэлд” кино нь Марлин, Немо хоёр мартамхай Дорид Калифорнийн хаа нэгтээ амьдарч байгаа гэр бүлийнхнийг нь хайж олоход тусалж байгаа талаар гарах аж. Үүнээс гадна Дорид үеэл эгч халиман-акул бий гэдгийг санах хэрэгтэй.
Видео
9. “Moana” Нээлт: 2016 оны 11-р сард
Мулан гэх мэт Диснейн “уламжлал” болсон гүнжүүдийн тухай хүүхэлдэйн кинонуудаас сүүлд гарсан “Frozen” илүү олон үзэгчдийг татаж чадсан. Гэвч тэд “дэлхийн ард түмэн бүрт диснейн гүнж бий” гэсэн үзэл бодлоосоо ухрахыг хүсэхгүй байгаа аж. Ирэх онд үзэгчдийн анхаарлыг төвд эртний Тэнгисийн ард түмэн татах бололтой.
Тодруулбал, Полинезийн удирдагчийн охин, үзэсгэлэнт Моана Вайалики аюултай бөгөөд гайхамшигт далайн аялал хийхээр хөлөг онгоцоор задгай тэнгист гарна. Энэ аялалд охинтой хамт хүчирхэг хагас бурхан Мауи гарах бөгөөд уг дүрд “Форсаж”-ийн Дуэйн Жонсон дуу оруулсан байна. “Моана” нь “Алладин”, “Лусын дагина” зэрэг хүүхэлдэйн кинонуудыг бүтээгч Рон Клементс, Жон Маскер нарын “хавтгай” анимацийн аргаар бүтээсэн Диснейн хамгийн анхны бүрэн хэмжээний бүтээл юм.
Видео
10. “Star Trek Beyond” Нээлт: 2016 оны 6-р сард
“Star Trek”, “Star Trek Into Darkness”-ийн найруулагч Ж. Ж. Абрамс “Star Wars”-ийг хийж эхэлмэгцээ “Star Trek”-ийн цувралыг найруулагч Жастин Линд дамжуулан өгсөн. Харин Жастин Лин үүний төлөө “Форсаж”-ийг орхисон билээ. Холливудад орлого сайтай кинонуудын найруулагч нар ийнхүү хөрвөж байдаг аж. Энэ бүхэн ирээдүйн дэлхийн сансрын нисгэгчдийн тухай зөгнөлт киноны агуулгад хэрхэн нөлөөлсөн бол оо? Энэ тухай бид ирэх 2016 оны зун мэдэх боломжтой аж.
Дашрамд дурдахад 2016 он “Star Trek” киноны хувьд ойн баяр /анхны анги нь 1996 онд гарч байв/ тохиож байгаа бөгөөд “Star Trek3” шүтэн бишрэгчиддээ багагүй сюрприз барина гэдэгт найдаж байна. Эсрэг талын гол баатрын дүрийг жүжигчин Идрис Элба бүтээж байгаа ба ахмад Керк /Крис Пайн/ түүний багийнхан болон клингон үндэстнүүдтэй хийх сөргөлдөлдөөний талаар өгүүлэх болно.
Видео
11. “Tarzan” Нээлт: 2016 оны 7-р сард
Харри Потерийн тухай кинон дээр ажилласны дараа найруулагч Дэвид Йейтс Их Британийн телевизэд эргэн ирээгүй юм. Харин үүний оронд тэрээр 180 сая долларын төсөвтэй Африкийн ширэнгэн ойд сармагчингуудын дунд өссөн цагаан арьст хүү Тарзаны тухай бүтээл рүү шуурхайлан орсон.
Энэхүү бүтээлд Тарзаны сонгодог дүрийг бусад ижил төрлийн кинонуудаас ялгаатай харуулснаараа онцлог. Өөрөөр хэлбэл нь киноны эхэнд Тарзан төрөлх Их Британидаа эргэн ирж Африкт амиа алдсан хөрөнгөтөн эцгийнхээ цол хэргэм болон өвийг залгамжилж, эхнэр Жейн Портертойгоо аз жаргалтай амьдарч байгаа тухай өгүүлнэ. Гэхдээ нөхцөл байдал болон дайснуудын далд явуулга түүнийг Конго руу буцахад хүргэдэг байна. Киноны гол дүрүүдэд жүжигчин Александр Скарсгард, Марго Робби, Кристоф Вальц нар тогложээ.
Видео
12. “Fantastic Beasts and Where to Find Them” Нээлт: 2016 оны 11-р сард
Найруулагч Дэвид Йейтс ирэх 2016 онд нэгэн зэрэг хоёр томоохоно бүтээлийн ард гарах аж. Зургадугаар сард тэрээр биднийг “Тарзан”-тай учруулах бол 11 сард Харри Поттерийн тухай бүтээлээс салбарласан англи шидтэн Ньют Скамандертэй танилцана. Скамандер бол Поттер болон түүний ангийнханы хичээллэдэг шидэт сурах бичгийн зохиолч аж. Хачирхалтай англи шидтэн 1920-оод онд Америкт зөгнөлт амьтдын тухай номон дээрээ ажиллаж байв.
Тэр үед шидтэнгүүдэд тийм ч сайнгүй ханддаг байсан аж. Ялангуяа Ньют АНУ-д аюултай мангасуудтай шидэт аяллын цүнхээ авч ирэх үед байдал бишдэж, мангасууд эрх чөлөөтэй болох үед асуудал бүр ч хурцаар тавигдах болно. Поттерийн тухай киноноос ялгаатай нь “зөгнөлийн амьтдын” гол дүрүүд нь том хүмүүс бөгөөд тулгарах асуудлууд ч Харри Поттер, түүний нөхдийг болвол харьцангуй “том” байх аж. Тиймээс “Поттер”-ийн энэхүү үргэлжлэл түүний өсч том болсон шүтэн бишрэгчдэд зориулагдсан нь илт. Кино зохиолыг Жоан Роулинг бичиж, Эдди Редмейн гол дүрд тогложээ.
Видео
13. “The Great Wall”
13. “The Great Wall”
Нээлт: 2016 оны 11-р сард
Хятадын нэрт найруулагч Чан Имоу ихэвчлэн баатарлаг туулиудын сэдэвт бүтээл туурвидаг. Гэвч “The Great Wall” нь түүний хэмжүүрээр асар том төсөл болж чадсан юм. Энэ бол Хятадад зураг авалт хийсэн бүхий л цаг үеийн бүтээлүүдээс хамгийн өндөр өртгөөр боссон кино ажээ.
Түүний төсөв 135 сая доллар хүрсэн бөгөөд орчин үеийн Хятадын кино урлагийн салбар ийм их хэмжээний мөнгийг дангаараа гаргах чадваргүй тул Чан болон түүний багийнхан барууны найруулагчид болон алдартай жүжигчидтэй хамтран ажилласан гэдэг. Тиймдээ ч Энди Лау тэргүүтэй Хятадын алдартай жүжигчидтэй Холливудын нэрт жүжигчин Мэтт Деймон, Уиллем Дефо нар хамтран тоглосон байна. Европ төрхтэй хүмүүс Манай Эриний Х зуунд өрнөж байгаа үйл явдал бүхий зөгнөлт кинонд хэрхэн холбогдсон байх бол? Хариултыг ирэх оны 11 сард харах л үлдлээ.
Видео
14. “Ben-Hur”
14. “Ben-Hur”
Нээлт: 2016 оны 8-р сард
Библийн цаг үеийн Иудейн тухай өгүүлэх баатарлаг, түүхэн эмгэнэлт драм “Бен-Гур” нь 1959 онд Холливудын гол үйл явдал болж байлаа. Тухайн цаг үеийн кино урлагийн түүхэн дэх хамгийн үнэтэй, хамгийн өргөн хүрээтэй уг бүтээл 11 “Оскар”-ын эзэн болж байсан. Одоо ч “Бен-Гур” Холливудын бүх цаг үеийнхамгийн шилдэг бүтээлүүдийн нэгд тооцогдсоор байгаа. Хэдий “Бен-Гур” өчүүхэн төдий хуучраагүй ч “MGM,” “Paramount” студиуд Тимур Бекмамбетовын найруулсан шинэ хувилбарт хөрөнгө оруулахаар шийдсэн байна. Гол дүрийн баатар Иудейн язгууртан Бен-Гурт Английн жүжигчин Жек Хьюстон тогложээ.
“Бен-Гур” үйл явдлын агуулгаараа “Мэсчин боолууд”-тай төстэй бөгөөд зөвхөн гол дүр нь үндэс угсааны хувьд өөр бөгөөд Иисус Христийг үл хүлэн зөвшөөрөгч нэгэн аж. Иисус Христэд ”300 спартанчууд”-д Ксерксийн дүрийг бүтээсэн Родриго Санторо тоглосон байна. Магадгүй, киноны гол экшен мөч бол 1950 онд “Бен-Гур”-ыг алдаршуулсан морин тэрэгтэй тулаан байх бололтой.
Видео
15. “Ice Age: Collision Course”
15. “Ice Age: Collision Course”
Нээлт: 2016 оны 7-р сард
Дэлхийн экологийн сэдвийг шавхсан “Blue Sky” студийн “Мөстлөгийн үе” хүүхэлдэйн киноны уран бүтээлчид тавдугаар ангиа арслан заануудтайгаар хийхээр шийджээ. Гэхдээ тэднийг энэ удаад галав юүлэлт биш харин тэнгэрийн биеттэй мөргөлдөх манай гарагийн байдал түгшээх гэнэ.
“Мөстлөгийн үе”-ийн гол агуулга өөрчлөгдөхгүй бөгөөд балар эртний үеийн арслан заанууд болон тэдний найз нөхөд ойртон ирж буй аюул заналаас амь аврагдахын тулд дахин нүүдэллэх хэрэгтэй болжээ. Киноны найруулагчаар Майк Тёрмайер, Гален Чу нар ажилласан байна.
Видео
Сурталчилгаа
