“Оюунлаг оюутан” хөтөлбөр эхэллээ

Юнител групп нийгмийн хариуцлагын хүрээнд Монголын бүх их, дээд сургуулийн оюутнуудад зориулан “ОЮУНЛАГ ОЮУТАН” уралдаант хөтөлбөрийг санаачилсан бөгөөд тус хөтөлбөр өнөөдрөөс албан ёсоор эхлэж байна.

Сургууль, нас, хүйс, курсын ялгаанаас үл хамааран оюутнууд 5-20 хүний бүрэлдэхүүнтэй баг бүрдүүлэх бөгөөд багаараа уг хөтөлбөрт оролцон 14 хоногийн туршид гишүүн бүр өдөрт 3 асуултанд хариулна. Ийнхүү хөтөлбөрийн хугацаа дуусахад

Хамгийн өндөр оноотой 1 багийг шилдэгээр тодруулж, гишүүн бүрт Самсунгийн хамгийн сүүлийн үеийн ухаалаг гар утас болох Samsung Galaxy J5-ыг бэлэглэнэ.
Харин 2-р байранд нийт 5 баг тодруулах бөгөөд багийн гишүүн тус бүр Addidas, Caffé bene, Hunnu mall, KFC-ээр үйлчлүүлэх 100,000 төгрөгийн эрхүүдээс сонгон авна.
Мөн 3-р байранд нийт 100 баг тодруулах бөгөөд Юнителийн хэрэглээний бэлгүүдээс сонгон авах юм.

“Оюунлаг оюутан” хөтөлбөрт хамрагдахын тулд ердөө л Uchat апплейкшныг утсандаа татаж авахад хангалттай. Өдөр бүрийн 9-12 цаг, 12-15 цаг, 15-18 цагуудад 3 удаагийн асуулт Uchat апплейкшнд ирэх бөгөөд та зөв хариултыг сонгож, багийн оноогоо нэмэгдүүлнэ.

Түүнчлэн багийн нийлбэр онооноос хамаарахгүйгээр хамгийн өндөр оноо цуглуулж, өдөр бүр зөв хариулж байсан 1 оюутанд энэ хичээлийн жилийг дуустал сар бүр 100,000 төгрийн тэтгэлэг олгоно. Энэхүү хөтөлбөр нийтдээ 4 удаа болох учраас нийт 4 оюутанд тус тэтгэлгийг олгох юм.

Ингээд “Оюунлаг оюутан” хөтөлбөрт оролцож буй нийт багууддаа амжилт хүсье.