“Спрайт 3 эсрэг 3” тэмцээн үргэлжилж байна

Спрайт брэнд 11 дахь жилдээ Монголын хүүхэд залуусын хамгийн их хүсэн хүлээдэг спортын арга хэмжээний нэг “СПРАЙТ 3 эсрэг 3” гудамжны сагсан бөмбөгийн тэмцээнийг ТЛЖ-13 ТББ-тай хамтран 2015 оны 08 сарын 20-нд Их эзэн Чингис Хааны талбайд амжилттай эхлүүллээ.

08 сарын 20-ны Сүхбаатар, Баянзүрх дүүргүүдийн тэмцээн болсон бол, 08 сарын 21-нд Чингэлтэй, Сонгинохайрхан дүүргүүд, 08 сарын 22-нд Баянгол, Хан-Уул дүүргүүдийн тэмцээн явагдах бол 08 сарын 23-нд дүүргүүдээс шалгарсан шилдэг багууд аваргын төлөө өрсөлдөх юм. Мөн 08 сарын 23-нд эмэгтэй багуудын тэмцээн явагдана.

Энэ жилийн хувьд Спрайт брэндийн зүгээс “Спрайт 3 эсрэг 3” тэмцээнийг нийт сагсан бөмбөг сонирхогч хүүхэд залуустаа зориулан сагсан бөмбөгийн баяр болгож зохион байгуулж буй бөгөөд үүний хүрээнл зөвхөн сагсан бөмбөгийн тэмцээнээс гадна финалын тоглолтын өдөр олон олон сюрприз дүүрэн сонирхолтой хөтөлбөрүүд явуулах юм. Тиймээс нийт сагсан бөмбөг сонирхогч хүүхэд залуус та бүгдийг Чингисийн талбайд хүрэлцэн ирж ирэх өдрүүдийг сагсан бөмбөгөөр амьсгалж өнгөрүүлэхийг урьж байна.