Энэхүү фестиваль нь 3 дахь жилдээ зохион байгуулагдаж байгаа бөгөөд нийслэлчүүдэд их хотын хоолны соёлыг таниулж, 1000-3000 төгрөгөөр орон орны амтат зоогыг амталж үзэх боломж олгодог онцлогтой. “UB Food Festival” - д Улаанбаатар хотын шилдэг 50 орчим ресторан, кафе, хүнсний үйлдвэрлэгч, нийлүүлэгч компаниуд оролцох юм байна. Фестивалийн үеэр шилдэг тогооч нарын халз тулаан, коктэйль шоу, гэр бүлийн бургер идэх уралдаан гээд олон сонирхолтой шоу хөтөлбөр  болно.

Мөн уламжлал ёсоор “Sweet Kitchen” facebook группын авъяаслаг эзэгтэй нар бүтээлч дизайнлаг, өвөрмөгц бялуу хийж, ирсэн зочидоо дайлах юм.“UB Food Festival” нь гэр бүл, найз нөхдөөрөө зорин ирдэг нийслэлийн хамгийн шилдэг фестиваль болсон байна. Арга хэмжээг М Си Эс Проперти ХХК, M Си Эс Эстэйтс ХХК, Монголиан Гүрмэ энд Катеринг ХХК,  Юнителын GG, Нийслэлийн Соёл Урлагийн газар, Нийслэлийн Аялал Жуулчлалын газар, Монголын Тогооч нарын Холбоо зэрэг байгууллага хамтран зохион байгуулж байна.