“Сэнгүр фанат 2015” тэмцээний аваргууд тодорлоо

Сэнгүр брэнд, МҮСБХ-той хамтран Сагсан Бөмбөгийн Үндэсний Супер Лигийн “Плей-Офф”-д шалгарсан 8 багийн үнэнч хөгжөөн дэмжигчдийн дунд зохион байгуулагдсан “Сэнгүр фанат 2015” тэмцээн энэ сарын15-нд маш өрсөлдөөнтэй болж өндөрлөж, анхны аваргаа тодрууллаа.

Уг тэмцээнд Мон Алтиус Мадимос Шонхорууд багийн хөгжөөн дэмжигчдийн баг НЭГДҮГЭЭР байр эзэлж алтан медаль, аваргын цом, малгай, цамц 5 сая төгрөгөөр, ХОЁРДУГААР байрт Эрдэнэдриллинг Ригс багийн хөгжөөн дэмжигч баг шалгарч мөнгөн медаль, 3 сая төгрөгөөр, ГУРАВДУГААР байрт Хан Талстын Ирвэсүүд багийн фанатуудын баг шалгарч хүрэл медаль, 2 сая төгрөгөөр тус тус шагнууллаа.

Тэмцээнд оролцогч шилдэг фанатууд гурван долоо хоногын турш дэмждэг багийнхаа нэрээр дуудуулж, Үндэсний супер лигт тоглож байгаа мэт тэр гайхалтай мэдрэмжийг авч, сагсан бөмбөг сонирхогч хэн бүхний хүсэл мөрөөдлийг бодит болгосон явдалд “Сэнгүр” брэндэдээ талархаж байгаагаа тэмцээний үеэр илэрхийлж байлаа.

Монголын сагсан бөмбөгийн спортыг дэмжин, 2007 оноос хойш Үндэсний супер лигийн ерөнхий ивээн тэтгэгчээр ажиллаж байгаа Сэнгүр брэнд хөгжөөн дэмжигчдийн “Сэнгүр фанат” тэмцээнийг жил бүр уламжлал болгон зохион байгуулах бөгөөд цаашид сагсан бөмбөгийн хөгжилд хувь нэмэрээ үргэлжлүүлэн оруулахаас гадна энэхүү спортод хайртай дуртай үнэнч фэнүүддээ сагсан бөмбөгийн гайхамшгийг мэдрүүлэх үйл ажиллагааг зохион байгуулж байх болноо.

Сэтгэл сэргээм сагсан бөмбөг
https://www.facebook.com/sengurbrand