Австралид хүмүүс барьцаалсан хэрэг гарч, 2 хүний амь эрсдлээ

2014-12-18, 03:17

14,743

Уржигдар өглөөний 10 цагийн орчим 49 настай Сидней хотын иргэн, барьцаалагч, лалын үзэл санааг дэмжигч Мэн Харон Монис нь “Lindt” кафед байсан 17 хүнийг барьцаалсан юм. Барьцаалагчийн тавьж буй цор ганц шаардлага нь Австралийн ерөнхий сайд Тони Эбботтой уулзах байсан гэнэ.

Австралид хүмүүс барьцаалсан хэрэг гарч, 2 хүний амь эрсдлээ

Кафег барьцаалсны дараа цонхон дээр нь араб бичигтэй хар тугийг гаргаж өлгөсөн ажээ. Тэр өөрийгөө Ирак болон Левантын Исламын холбооны гишүүн гэжээ. Бүтэн өдрийн турш хэд хэдэн барьцааны хүмүүс зугатаж чадсан бөгөөд 16 цаг гарны дараа, тусгайгийнхан дайрч орсон байна. Харамсалтай нь кафед болсон буудалцааны үеэр барьцаанд байсан 34 настай эрэгтэй, 38 настай эмэгтэй нас барж, дөрвөн цагдаа гэмтжээ.

Барьцаалагч 1996 онд Иранаас Австралид ирсэн бөгөөд нутгаасаа дүрвэгч хэмээх нэрийг авсан байна. 2002 онд түүнийг хүчингийн хэрэгт буруутгаж байсан бөгөөд хэсэг хугацааны дараа тэрээр Иракийн дайнд амь насаа алдсан цэргүүдийн гэр бүлийнхэнд доромжилж, сүрдүүлсэн захиаг илгээж байсан юм.

Барьцаалагч: Мэн Харон Монис

Харин саяхан түүнийг эхнэрийнхээ амийг хороосон хэрэгт сэжиглэн хорьсон юм. Эхнэрийнх нь биен дээр 18 ширхэг хутганы сорви байсан бөгөөд хэргийг хянаж байсан прокурор хангалттай хэмжээний мэдээлэл цуглуулж чадаагүй учир, шүүх хурлыг хойшлуулж, хэрэгтэнг батлан даалтаар гаргаад байжээ.

Дэлхийн хамгийн тайван улс хэмээн тооцогддог Австрали оронд ийм зүйл болсон нь тухайн улсын иргэдийг нэлээд цочиролд оруулсан нь тодорхой. Хотын хэвлэл мэдээллийн хэрэгсэлээр цагдаа нарыг сайн ажилласан хэмээн ярьж байгаа боловч, гадныхан Авсралийн цагдаа нарын ур чадварыг шүүмжилж, хүний амь нас үрэлгүй барьцаалагчийг аюулгүй болгох байсан тухай дурджээ.