1. Инчээ зөв тодорхойл
Ямар хэмжээнд үзэх гэж байгаа вэ гэдгээсээ шалтгаалан инчээ зөв сонгох шаардлагатай. Орчин үед хэрэглэгчдийн болон үйлдвэрлэгчдийн чиг хандлага 40-с дээш инчид төвлөрч байна. Илүү том дэлгэцээр тод дүрслэлийг хүлээж авах нь хэрэглэгчид таатай сэтгэгдэл төрүүлдэгээс гадна инчүүдийн хоорон дахь үнийн ялгаа буурсан байна.

2. LED, LCD, Plasma аль нь вэ?
Мэдээж LED телевизор. LCD болон LED телевизоруудын үйлдвэрлэлийн өртөг адилхан болсон бөгөөд LED нь LCD-ээс 50 хувиар бага цахилгаан зарцуулж, 8-10 жилээр урт ажиллах цагтай байдаг нь хэрэглэгчдийн сонголтонд илүүтэй нийцнэ. Мөн дүрслэлийн хувьд илүү тод, нягтаршилтай дүрсийг харуулдаг.

3. Ямар брэндийг сонгох вэ?
Хуучин хэрэглэгчдийн сонголтонд зөвхөн Япон телевизор санаанд буудаг байсан бол одоо дэлхийн зах зээл дээр Солонгос болон Хятадын брэндүүд маш хүчтэй гарч ирж байна. Samsung, LG, Haier зэрэг брэндүүд дэлхийд маш хүчтэй өрсөлдөж байгаа юм. Тэд Япон телевизоруудаас илүү тод дүрслэл, дууны чанарыг санал болгохоос гадна ухаалаг ТВ-ын хувьд илүү амжилттай ажиллаж нэг алхам түрүүлж байна.

4. Үзүүлэлт ямар байх вэ?
Ирээдүйн чиг хандлага бол ULTRA HD. Энэ нь ойрын хэдхэн жилийн хугацаанд тун нийтлэг болно. Ийм тохиолдолд та ULTRA HD-г сонгох нь хамгийн зөв. Дахин ойрын хугацаанд телевизорт нэмэлт худалдан авалт төлөвлөх шаардлагагүй болно. Мөн Ухаалаг андройд үйлдлийн систем, 3D, вэб камер, wifi-тай байвал төгс гэсэн үг. Энгийн телевизор авч зурагтын суваг эргүүлэн уйдаж суухаас ухаалаг ТВ худалдан авч амьдралын баяр баяслыг мэдрээрэй.