Өмнөд Солонгосын “якуза” нар

Якуза гэхээр хамгийн түрүүнд Япончууд таны бодолд орж ирж байгаа болов уу? Гэтэл Якузагийн бүлгэмийнхэн Тайланд, Филиппин болон Өмнөд Солонгосоор тархсан байдаг байна. Гэрэл зурагчин Янг өмнө нь хэзээ ч гэмт бүлгэмийн гэрэл зургийг дардаггүй байсан ч нас барсан найзынхаа дурсгалд зориулан ийнхүү Өмнөд Солонгосын якуза нарын талаар зургийн цомог гаргасан аж.

Түүний найзыг хүн амины хэрэгт буруутгасан бөгөөд тэрээр ял эдлэж дуусаад “якуза” болсон гэнэ. Харин дараа нь өөрийгөө боож амиа хорлосон ажээ.

Зурагчин эдгээр зургуудыг дарахын тулд бараг л өөр ертөнцөд очсон аж. Хар цагаан гэрэл зураг хэдий ч маш их сэтгэл хөдлөлийг харуулжээ. Гэрэл зурган дээр тэдний зөвхөн ахуйн амьдралыг нь харуулсан байгаа. Нийтийн байр гэдэг якузагийн хувьд хамгийн чухал бөгөөд тэдний хувьд бүх зүйл нь нийтийн байдаг аж. Сонирхол нь хүртэл нэг төрөл байх нь ч бий.

Тэр өөрийн гэрэл зургийн цомгийн баатруудаа олон нийтийн цэнгээний газар, тоглоомын газар, эмсийн хүрээлэнгүүдээр хайж байсан. Хачирхалтай нь эдгээр якузанууд огтхон ч царайгаа нуугаагүй байна. Ямар ч нэмэлт хачиргүйгээр гэмт амьдралын үнэн бодит байдлыг Янг харуулахыг зорьсон аж.