“Олон цэргүүд энэ шалгуурт хэдэн жилээр бэлддэг байна. Тусгай албанд улаан малгай авна гэдэг Белорусийн Олон Улсын Харилцааны Их сургуулийг улаан дипломтой төгсөхөөс хамаагүй илүү юм. Тэмцээнд нийт 124 хүн оролцсон” -гэж дотоодын цэргийн хэвлэлийн албаныхан бичсэн байна.
Эхний шатанд тусгайгийнхан бие бялдрын бэлтгэлжитийн нормативын шалгалт өгч, бие хамгаалах арга, акробатикийн элементүүдийг үзүүлдэг. Горани суурины Дотоодыг хамгаалах яамны сургалтын төвд хоёр дахь шат нь болж өнгөрчээ. Энд хамгийн хэцүү шалгуурууд явагддаг байна.
Эдгээр шалгууруудыг давсан нь, гурван төрлийн зэвсгээр буудах чадвараа үзүүлнэ. Цаашид хамгийн хатуужилтай хүмүүсийг 12 минутын “багийн” спарринг хүлээж байгаа. Тэвчиж гарвал Улаан малгай түүнийх.
Энэ нь олон хүнд давааг туулж, бие сэтгэлийн асар их тэвчээр заран, жинхэнэ цэрэг эр гэдгээ баталж чадсан дотоодын цэргийнхэнд олгодог хүндэт шагнал юм.
Зөвлөлтийн үеэс өнөөг хүртэл уламжлал болон зохиогдсоор ирсэн уг сорилтын гол утга учир нь болох улаан малгай нь ОХУ-ын тусгай албаны дэд ангийн бэлэг тэмдэг юм байна. Зөвхөн олон арван хүнд давааг давж, бие сэтгэл, ёс суртахуунаараа бусдаас онцгойрч чадсан цэргүүд л "Улаан малгай"-г толгой дээрээ тавих эрхтэй болдог ажээ
Улаан малгай гэдэг нь хуучин ЗХУ-ын холбоотнууд байсан Беларус, Орос, Украйн, Казахстан болон Узбекистан зэрэг улсуудын дотоодын армийн тусгай ангийн шилдэг цэргүүдийн өмсдөг байсан малгай юм.
Улаан малгайны төлөөх тэмцээн нь холын зайн саадтай гүйлт, буудлага, халз тулалдаан гэсэн гурван хэсгээс бүрддэг бөгөөд тус бүрийнх нь даалгаврууд жилээс жилд улам хүндэрсээр байгаа ажээ.
Улаан малгайны төлөөх тэмцэлд оролцогч дайчид хүний тэвчээрийн хязгаарт тулган боловсруулсан бие болоод сэтгэл санааны асар их дарамттай даалгавруудыг биелүүлэх шаардлагатай тулгардаг.
Сорилтын үеэр оролцогчид пулемёт, их буу, гар буу, автомат зэргээр буудлага хийж, ачааны машины явалт дундаас “десант буух”, даалгавраа хүлээн авахын тулд радио станцыг даалгасан долгионд тохируулах гэх мэт даалгаврууд байдаг.
Цэргүүд эхний хоёр сорилтыг давсныхаа дараа 12 минутын турш, 4 хүний халз тулаанд оролдог байна. Ингэхдээ тэд хүн бүртээ 3 орчим минут тулдаад, нэгийг ч гэсэн ялж чадвал улаан малгайны эзэн болж, ялагдсан л бол хоосон хоцордог ажээ.
